Salamo 45
1 Ho an’ ny mpiventy hira. Al-shoshanim. Nataon’ ny Koraïta. Maskila. Tonon-kiram-pitiavana. Mampiboiboika teny tsara ny foko; miteny aho, ka ny hilaza ny mpanjaka no teny ataoko; fanoratan’ ny faingan-tsoratra ny lelako.
| למנצח על-ששנים לבני-קרח משכיל שיר ידידת ב רחש לבי דבר טוב-- אמר אני מעשי למלך לשוני עט סופר מהיר |
2 Tsara tarehy noho ny zanak’ olombelona ianao; fahasoavana no naidina tamin’ ny molotrao; izany no nitahian’ Andriamanitra anao mandrakizay.
| יפיפית מבני אדם-- הוצק חן בשפתותיך על-כן ברכך אלהים לעולם |
3 Fehezo eo am-balahanao ny sabatrao, ry ilay mahery, dia ny fiandriananao sy ny voninahitrao.
| חגור-חרבך על-ירך גבור-- הודך והדרך |
4 Ary mitangena handroso soa aman-tsara amin’ ny voninahitrao, noho ny teny marina ny fahalemem-panahim-pahamamarinana; ary hampianatra anao zava-mahatsiravina ny tananao ankavanana.
| והדרך צלח רכב-- על-דבר-אמת וענוה-צדק ותורך נוראות ימינך |
5 Ny zana-tsipìkanao dia voaranitra ― Firenena maro no ringana ka hitsakitsahinao ― ka mitsatoka ao am-pon’ ny fahavalon’ ny mpanjaka.
| חציך שנונים עמים תחתיך יפלו בלב אויבי המלך |
6 Ny seza fiandriananao, Andriamanitra ô, dia mandrakizay doria; tehim-pahamarinana ny tehim-panjakanao.
| כסאך אלהים עולם ועד שבט מישר שבט מלכותך |
7 Tianao ny fahamarinana, fa halanao ny heloka; koa Andriamanitra, dia Andriamanitrao, efa nanoso-diloilo fifaliana anao mihoatra noho ny namanao.
| אהבת צדק ותשנא-רשע על-כן משחך אלהים אלהיך שמן ששון-- מחברך |
8 Miora sy hazo manitra ary kasia ny fitafianao rehetra, zava-maneno avy ao amin’ ny lapa ivory no mampifaly anao.
| מר-ואהלות קציעות כל-בגדתיך מן-היכלי שן מני שמחוך |
9 Zanakavavin’ andriamanjaka no isan’ ny malalanao; eo ankavananao no itoeran’ ny vadin’ ny mpanjaka, miravaka volamena avy any Ofira.
| בנות מלכים ביקרותיך נצבה שגל לימינך בכתם אופיר |
10 Henoy, razazavavy, dia jereo, ka atongilano ny sofinao, ary hadinoy ny firenenao sy ny tranon-drainao;
| שמעי-בת וראי והטי אזנך ושכחי עמך ובית אביך |
11 Raha irin’ ny mpanjaka ny hatsaran-tarehinao ― fa izy no tomponao ― dia miankohofa eo anatrehany.
| ויתאו המלך יפיך כי-הוא אדניך והשתחוי-לו |
12 Ary ny zanakavavin’ i Tyro hitondra fanatitra; eny, ny manan-karena amin’ ny vahoaka hila sitraka aminao.
| ובת-צר במנחה פניך יחלו--עשירי עם |
13 Be voninahitra ny zanakavavin’ ny mpanjaka ao anaty trano; tenona misy volamena no fitafiany.
| כל-כבודה בת-מלך פנימה ממשבצות זהב לבושה |
14 Mitafy lamba misoratsoratra izy ka entina ho ao amin’ ny mpanjaka: ny zazavavy sakaizany izay manaraka azy dia entina ao aminao.
| לרקמות תובל למלך בתולות אחריה רעותיה--מובאות לך |
15 Entina amin’ ny fifaliana sy ny firavoravoana ireny; hiditra ao an-dapan’ ny mpanjaka izy.
| תובלנה בשמחת וגיל תבאינה בהיכל מלך |
16 Ho solon-drainao ny zanakao, hotendrenao ho mpanapaka eny amin’ ny tany rehetra izy.
| תחת אבתיך יהיו בניך תשיתמו לשרים בכל-הארץ |
17 Hampahatsiaro ny anaranao hatramin’ ny taranaka fara mandimby aho. Izany rehetra izany no hideran’ ny firenena anao mandrakizay doria.
| אזכירה שמך בכל-דר ודר על-כן עמים יהודוך לעלם ועד |
