Salamo 21

1 Ho an’ ny mpiventy hira. Salamo nataon’ i Davida. Jehovah ô, ny herinao no hifalian’ ny mpanjaka; ary endrey ny haben’ ny hiravoravoany amin’ ny famonjenao!

The king shall joy in your strength, O LORD; and in your salvation how greatly shall he rejoice!

2 Ny nirin’ ny fony dia nomenao azy, ary ny nangatahin’ ny molony tsy mba nolavinao. (Sela)

You have given him his heart's desire, and have not withheld the request of his lips. (Selah)

3 Fa notsenainao fitahiana soa izy; teo an-dohany nasianao satro-boninahitra tena volamena.

For you prevent him with the blessings of goodness: you set a crown of pure gold on his head.

4 Aina no nangatahiny taminao, dia nomenao azy izany, dia andro lava mandrakizay doria.

He asked life of you, and you gave it him, even length of days for ever and ever.

5 Lehibe ny voninahiny amin’ ny famonjenao; Laza sy voninahitra no nataonao taminy.

His glory is great in your salvation: honour and majesty have you laid upon him.

6 Fa nataonao ho fitahiana mandrakizay izy; ampifalinao indrindra amin’ ny tavanao izy.

For you have made him most blessed for ever: you have made him exceeding glad with your countenance.

7 Fa ny mpanjaka matoky an’ i Jehovah, ary noho ny famindram-pon’ ny Avo Indrindra dia tsy hangozohozo izy.

For the king trusts in the LORD, and through the mercy of the most High he shall not be moved.

8 Ho azon’ ny tananao ny fahavalonao rehetra; eny, ho azon’ ny tananao ankavanana ny mankahala anao;

your hand shall find out all of your enemies: your right hand shall find out those that hate you.

9 Hataonao tahaka ny fatana misy afo mirehitra izy amin’ ny andro hisehoanao, Jehovah handany azy amin’ ny fahatezerany, ary handevona azy ny afo.

You shall make them as a fiery oven in the time of your anger: the LORD shall swallow them up in his wrath, and the fire shall devour them.

10 Ny zanany haringanao tsy ho eo amin’ ny tany, ary ny taranany tsy ho eo amin’ ny zanak’ olombelona;

Their fruit shall you destroy from the earth, and their seed from among the children of men.

11 Fa nikasa hanisy ratsy anao izy, ka namoron-kevi-dratsy fa tsy nahefa.

For they intended evil against you: they imagined a mischievous device, which they are not able to perform.

12 Fa hampiamboho azy ianao; ny tsipìkanao no ikendrenao ny tavany.

Therefore shall you make them turn their back, when you shall make ready your arrows upon your strings against the face of them.

13 Misandrata amin’ ny herinao, Jehovah ô, hihira sy hankalaza ny herinao izahay.

Be you exalted, LORD, in your own strength: so will we sing and praise your power.