Salamo 20

1 Ho an’ ny mpiventy hira. Salamo nataon’ i Davida. Hihaino anao anie Jehovah amin’ ny andro fahoriana; hitondra anao ho any amin’ ny avo anie ny anaran’ Andriamanitr’ i Jakoba.

Psalmus David, in finem. Exaudiat te Dominus in die tribulationis: protegat te nomen Dei Iacob.

2 Hahatonga famonjena ho anao avy amin’ ny fitoerana masìna anie Izy, ary hanohana anao avy any Ziona.

Mittat tibi auxilium de sancto: et de Sion tueatur te.

3 Hahatsiaro ny fanatitra hohaninao rehetra anie Izy, ary hankasitraka ny fanatitra doranao. (Sela)

Memor sit omnis sacrificii tui: et holocaustum tuum pingue fiat.

4 Hanome anao araka ny fonao anie Izy ary hahatanteraka ny fisainanao rehetra.

Tribuat tibi secundum cor tuum: et omne consilium tuum confirmet.

5 Aoka hihoby noho ny famonjena azonao izahay, ary amin’ ny anaran’ Andriamanitray no hanangananay faneva; ho tanterahin’ i Jehovah anie ny angatahinao rehetra.

Laetabimur in salutari tuo: et in nomine Dei nostri magnificabimur.

6 Ankehitriny dia fantatro fa Jehovah mamonjy ny voahosony; hamaly azy avy amin’ ny lanitry ny fahamasinany Izy amin’ ny herin’ ny famonjen’ ny tànany ankavanana.

Impleat Dominus omnes petitiones tuas: nunc cognovi quoniam salvum fecit Dominus CHRISTUM suum. Exaudiat illum de caelo sancto suo: in potentatibus salus dexterae eius.

7 Ny sasany mitoky amin’ ny kalesy, ary ny sasany amin’ ny soavaly; Fa raha izahay kosa, dia ny anaran’ i Jehovah Andriamanitray no hoderainay.

Hi in curribus, et hi in equis: nos autem in nomine Domini Dei nostri invocabimus.

8 Ireo dia reraka sady lavo; fa izahay kosa efa mitsangana sy mijoro,

Ipsi obligati sunt, et ceciderunt: nos autem surreximus et erecti sumus.

9 Jehovah ô, vonjeo ny mpanjaka; hamaly anay anie Izy amin’ izay andro iantsoanay Azy.

Domine salvum fac regem: et exaudi nos in die, qua invocaverimus te.