Salamo 148
1 Haleloia. Miderà an’ i Jehovah, ry any an-danitra; Miderà Azy any ambony.
¡Aleluya! Alaben a Yavé desde los cielos. Alábenlo en las alturas.
2 Miderà Azy, ry anjeliny rehetra; Miderà Azy, ry miaramilany rehetra.
Alábenlo, todos sus ángeles. Alábenlo, todas sus huestes.
3 Miderà Azy, ry masoandro amam-bolana; Miderà Azy, ry kintana mazava rehetra.
Alábenlo, sol y luna. Alábenlo, todas lucientes estrellas.
4 Miderà Azy, ry lanitry ny lanitra, Ary ianareo rano ambonin’ ny lanitra.
Alábenlo, los más altos cielos, Y las aguas que están sobre los cielos.
5 Aoka hidera ny anaran’ i Jehovah ireo; Fa Izy no nandidy, dia ary ireo.
Alaben el Nombre de Yavé, Porque Él mandó, Y fueron creados.
6 Nampitoetra ireo ho mandrakizay doria Izy; Nomen-dalàna ireo ka tsy mba mihoatra.
Y los estableció eternamente y para siempre. Él dio un decreto que no pasará.
7 Midera an’ i Jehovah etỳ an-tany, Hianareo dragona sy ianareo rano lalina rehetra,
Alaben a Yavé desde la tierra: Cetáceos y todos los abismos,
8 Ny afo sy ny havandra, ny oram-panala sy ny zavona, Ny rivotra mahery izay mankatò ny teniny,
El fuego y el granizo, la nieve y el vapor, El viento tempestuoso que ejecuta su Palabra,
9 Ny tendrombohitra sy ny havoana rehetra, Ny hazo fihinam-boa sy ny sedera rehetra,
Las montañas y todas las colinas, Árboles frutales y todo cedro,
10 Ny bibi-dia sy ny biby fiompy rehetra, Ny biby mandady na mikisaka ary ny voro-manidina,
Los animales salvajes y todo ganado, Reptiles y ave alada,
11 Ny mpanjaka amin’ ny tany sy ny vahoaka rehetra, Ny mpanapaka sy ny mpitsara rehetra amin’ ny tany,
Reyes de la tierra y todos los pueblos, Magistrados y todos los jueces de la tierra,
12 Na ny zatovolahy, na ny zatovovavy, Na ny antitra, na ny tanora,
Tanto jóvenes varones como doncellas, Los ancianos y los niños,
13 Samia midera ny anaran’ i Jehovah avokoa, Fa ny anarany ihany no misandratra; Ambonin’ ny tany sy ny lanitra ny voninahiny.
Alaben el Nombre de Yavé, Porque solo su Nombre es exaltado. Su gloria está por encima de la tierra y el cielo.
14 Ary manandratra tandroka ho an’ ny olony Izy, Dia fiderana ho an’ ny olony masìna rehetra, Eny, ho an’ ny Zanak’ Isiraely, firenena akaiky Azy. Haleloia.
Y Él levantó un poder para su pueblo, Alabanza para todos sus fieles, De los hijos de Israel, un pueblo cercano a Él. ¡Aleluya! ¡Aleluya!
