Salamo 148

1 Haleloia. Miderà an’ i Jehovah, ry any an-danitra; Miderà Azy any ambony.

Praise ye the LORD. Praise ye the LORD from the heavens: praise him in the hights.

2 Miderà Azy, ry anjeliny rehetra; Miderà Azy, ry miaramilany rehetra.

Praise ye him, all his angels: praise ye him, all his hosts.

3 Miderà Azy, ry masoandro amam-bolana; Miderà Azy, ry kintana mazava rehetra.

Praise ye him, sun and moon: praise him, all ye stars of light.

4 Miderà Azy, ry lanitry ny lanitra, Ary ianareo rano ambonin’ ny lanitra.

Praise him, ye heavens of heavens, and ye waters that [are] above the heavens.

5 Aoka hidera ny anaran’ i Jehovah ireo; Fa Izy no nandidy, dia ary ireo.

Let them praise the name of the LORD: for he commanded, and they were created.

6 Nampitoetra ireo ho mandrakizay doria Izy; Nomen-dalàna ireo ka tsy mba mihoatra.

He hath also established them for ever and ever: he hath made a decree which shall not pass.

7 Midera an’ i Jehovah etỳ an-tany, Hianareo dragona sy ianareo rano lalina rehetra,

Praise the LORD from the earth, ye dragons, and all deeps:

8 Ny afo sy ny havandra, ny oram-panala sy ny zavona, Ny rivotra mahery izay mankatò ny teniny,

Fire, and hail; snow, and vapors; stormy wind fulfilling his word:

9 Ny tendrombohitra sy ny havoana rehetra, Ny hazo fihinam-boa sy ny sedera rehetra,

Mountains, and all hills; fruitful trees, and all cedars:

10 Ny bibi-dia sy ny biby fiompy rehetra, Ny biby mandady na mikisaka ary ny voro-manidina,

Beasts, and all cattle; creeping animals, and flying fowl:

11 Ny mpanjaka amin’ ny tany sy ny vahoaka rehetra, Ny mpanapaka sy ny mpitsara rehetra amin’ ny tany,

Kings of the earth, and all people; princes, and all judges of the earth:

12 Na ny zatovolahy, na ny zatovovavy, Na ny antitra, na ny tanora,

Both young men, and maidens; old men, and children:

13 Samia midera ny anaran’ i Jehovah avokoa, Fa ny anarany ihany no misandratra; Ambonin’ ny tany sy ny lanitra ny voninahiny.

Let them praise the name of the LORD: for his name alone is excellent; his glory [is] above the earth and heaven.

14 Ary manandratra tandroka ho an’ ny olony Izy, Dia fiderana ho an’ ny olony masìna rehetra, Eny, ho an’ ny Zanak’ Isiraely, firenena akaiky Azy. Haleloia.

He also exalteth the horn of his people, the praise of all his saints; [even] of the children of Israel, a people near to him. Praise ye the LORD.