Salamo 146

1 Haleloia. Miderà an’ i Jehovah, ry fanahiko.

Praise Yahweh. Praise Yahweh, my soul.

2 Hidera an’ i Jehovah aho, raha mbola miaina koa; Eny, hankalaza an’ Andriamanitra aho, raha mbola velona koa.

I give praise to Yahweh with all my life; I will sing praises to my God as long as I exist.

3 Aza matoky ny lehibe, Na ny zanak’ olombelona izay tsy mahavonjy.

Do not put your trust in princes or in mankind, in whom there is no salvation.

4 Miala ny fofonainy, ka miverina ho amin’ ny taniny izy; Ary amin’ izay indrindra no hahafoanan’ ny fikasany.

When a person's life's breath stops, he returns to the ground; on that day his plans end.

5 Sambatra izay manana an’ Andriamanitr’ i Jakoba ho Mpanampy azy Sady manantena an’ i Jehovah Andriamaniny,

Blessed is he who has the God of Jacob for his help, whose hope is in Yahweh his God.

6 Izay nanao ny lanitra sy ny tany, Ny ranomasina sy izay rehetra ao anatiny, Izay mitandrina fahamarinana mandrakizay,

Yahweh made heaven and earth, the sea, and all that is in them; he observes trustworthiness forever.

7 Izay manome rariny ho an’ ny ampahoriana, Izay manome hanina ho an’ ny noana. Jehovah mamaha ny mpifatotra;

He executes justice for the oppressed and gives food to the hungry. Yahweh frees the prisoners;

8 Jehovah mampahiratra ny jamba Jehovah mampitraka ny mitanondrika; Jehovah tia ny marina;

Yahweh opens the eyes of the blind; Yahweh raises up those who are bowed down; Yahweh loves the righteous people.

9 Jehovah miaro ny vahiny Ary manandratra ny kamboty sy ny mpitondratena, Fa mamadika ny lalan’ ny ratsy fanahy kosa.

Yahweh protects the foreigners in the land; he lifts up the fatherless and widow, but he opposes the wicked.

10 Manjaka mandrakizay Jehovah, Hatramin’ ny taranaka fara mandimby Andriamanitrao, ry Ziona. Haleloia.

Yahweh will reign forever, your God, Zion, for all generations. Praise Yahweh.