Salamo 146

1 Haleloia. Miderà an’ i Jehovah, ry fanahiko.

Praise ye the LORD! Praise the LORD, O my soul!

2 Hidera an’ i Jehovah aho, raha mbola miaina koa; Eny, hankalaza an’ Andriamanitra aho, raha mbola velona koa.

I will praise the LORD, as long as I live; I will sing praises to my God, while I have my being.

3 Aza matoky ny lehibe, Na ny zanak’ olombelona izay tsy mahavonjy.

Put not your trust in princes, In the son of man, in whom is no help!

4 Miala ny fofonainy, ka miverina ho amin’ ny taniny izy; Ary amin’ izay indrindra no hahafoanan’ ny fikasany.

His breath goeth forth; he returneth to the dust; In that very day his plans perish.

5 Sambatra izay manana an’ Andriamanitr’ i Jakoba ho Mpanampy azy Sady manantena an’ i Jehovah Andriamaniny,

Happy is he that hath the God of Jacob for his help; Whose hope is in the LORD, his God;

6 Izay nanao ny lanitra sy ny tany, Ny ranomasina sy izay rehetra ao anatiny, Izay mitandrina fahamarinana mandrakizay,

Who made heaven and earth, The sea, and all that is therein; Who keepeth truth for ever;

7 Izay manome rariny ho an’ ny ampahoriana, Izay manome hanina ho an’ ny noana. Jehovah mamaha ny mpifatotra;

Who executeth judgment for the oppressed; Who giveth food to the hungry. The LORD setteth free the prisoners;

8 Jehovah mampahiratra ny jamba Jehovah mampitraka ny mitanondrika; Jehovah tia ny marina;

The LORD openeth the eyes of the blind; The LORD raiseth up them that are bowed down; The LORD loveth the righteous.

9 Jehovah miaro ny vahiny Ary manandratra ny kamboty sy ny mpitondratena, Fa mamadika ny lalan’ ny ratsy fanahy kosa.

The LORD preserveth the strangers; He relieveth the fatherless and the widow; But the way of the wicked he maketh crooked.

10 Manjaka mandrakizay Jehovah, Hatramin’ ny taranaka fara mandimby Andriamanitrao, ry Ziona. Haleloia.

The LORD shall reign for ever; Thy God, O Zion! to all generations! Praise ye the LORD!