Salamo 135

1 Haleloia. Miderà ny anaran’ i Jehovah; Miderà, ianareo mpanompon’ i Jehovah,

הללו-יה הללו את-שם יהוה הללו עבדי יהוה

2 Hianareo izay mpitoetra ao an-tranon’ i Jehovah, Eo anatin’ ny kianjan’ ny tranon’ Andriamanitsika.

שעמדים בבית יהוה-- בחצרות בית אלהינו

3 Miderà an’ i Jehovah, fa tsara Izy; Mankalazà ny anarany, fa mahafinaritra izany.

הללו-יה כי-טוב יהוה זמרו לשמו כי נעים

4 Fa Jakoba nofidin’ i Jehovah ho Azy, Ary Isiraely ho rakitra soa ho Azy,

כי-יעקב בחר לו יה ישראל לסגלתו

5 Fa fantatro fa lehibe Jehovah, Ary ambonin’ ny andriamanitra rehetra ny Tompontsika.

כי אני ידעתי כי-גדול יהוה ואדנינו מכל-אלהים

6 Manao izay sitrapony rehetra Jehovah, Na any amin’ ny lanitra, na etỳ ambonin’ ny tany, Na any amin’ ny ranomasina sy ny rano lalina rehetra.

כל אשר-חפץ יהוה עשה בשמים ובארץ-- בימים וכל-תהמות

7 Mampiakatra zavona avy amin’ ny faran’ ny tany Izy; Manao helatra arahin-dranonorana Izy; Mamoaka ny rivotra avy ao an-trano fitehirizany Izy,

מעלה נשאים מקצה הארץ ברקים למטר עשה מוצא-רוח מאוצרותיו

8 Dia Ilay namely ny voalohan-terak’ i Egypta, Na olona, na biby.

שהכה בכורי מצרים-- מאדם עד-בהמה

9 Nanatitra famantarana sy fahagagana teo aminao Izy, ry Egypta ô, Eny, tamin’ i Farao sy ny mpanompony rehetra,

שלח אותת ומפתים--בתוככי מצרים בפרעה ובכל-עבדיו

10 Dia Ilay namely ny jentilisa maro Ka nahafaty mpanjaka mahery,

שהכה גוים רבים והרג מלכים עצומים

11 Dia Sihona, mpanjakan’ ny Amorita, Sy Oga, mpanjakan’ i Basana, Ary ny fanjakan’ i Kanana rehetra;

לסיחון מלך האמרי ולעוג מלך הבשן ולכל ממלכות כנען

12 Ary ny taniny nomeny ho lova, Eny, ho lovan’ ny Isiraely olony.

ונתן ארצם נחלה-- נחלה לישראל עמו

13 Jehovah ô, mandrakizay ny anaranao; Jehovah ô, hihatra amin’ ny taranaka fara mandimby ny fahatsiarovana Anao.

יהוה שמך לעולם יהוה זכרך לדר-ודר

14 Fa hanome rariny ny olony Izy Ary hanenina ny amin’ ny mpanompony.

כי-ידין יהוה עמו ועל-עבדיו יתנחם

15 Ny sampin’ ny jentilisa dia volafotsy sy volamena, Asan’ ny tànan’ olona;

עצבי הגוים כסף וזהב מעשה ידי אדם

16 Manam-bava izy, fa tsy miteny; Mana-maso izy, fa tsy mahita;

פה-להם ולא ידברו עינים להם ולא יראו

17 Manan-tsofina izy, fa tsy mandre; Ary tsy misy fofonaina ao am-bavany.

אזנים להם ולא יאזינו אף אין-יש-רוח בפיהם

18 Ho tahaka azy izay manao azy Sy izay rehetra matoky azy.

כמוהם יהיו עשיהם-- כל אשר-בטח בהם

19 Misaora an’ i Jehovah, ry taranak’ Isiraely; Misaora an’ i Jehovah, ry taranak’ i Arona;

בית ישראל ברכו את-יהוה בית אהרן ברכו את-יהוה

20 Misaora an’ i Jehovah, ry taranak’ i Levy; Hianareo izay matahotra an’ i Jehovah, misaora an’ i Jehovah.

בית הלוי ברכו את-יהוה יראי יהוה ברכו את-יהוה

21 Isaorana avy any Ziona anie Jehovah, Izay mitoetra any Jerosalema. Haleloia.

ברוך יהוה מציון-- שכן ירושלם הללו-יה