Salamo 119
1 Sambatra ny mahitsy lalana, Izay mandeha araka ny lalàn’ i Jehovah.
| אשרי תמימי-דרך-- ההלכים בתורת יהוה |
2 Sambatra izay mitandrina ny teni-vavolombelony Ka mitady Azy amin’ ny fo rehetra;
| אשרי נצרי עדתיו בכל-לב ידרשוהו |
3 Eny, Izay tsy manao ratsy. Fa mandeha araka ny lalany.
| אף לא-פעלו עולה בדרכיו הלכו |
4 Hianao namoaka ny didinao Mba hotandremana tsara.
| אתה צויתה פקדיך-- לשמר מאד |
5 Enga anie ka ho tafatoetra ny lalako Hitandremako ny didinao!
| אחלי יכנו דרכי-- לשמר חקיך |
6 Dia tsy ho menatra aho, Raha mandinika ny didinao rehetra.
| אז לא-אבוש-- בהביטי אל-כל-מצותיך |
7 Hidera Anao amin’ ny hitsim-po aho Amin’ ny ianarako ny fitsipikao marina.
| אודך בישר לבב-- בלמדי משפטי צדקך |
8 Ny didinao no hotandremako; Aza dia mahafoy ahy Hianao.
| את-חקיך אשמר אל-תעזבני עד-מאד |
9 Inona no hiarovan’ ny zatovo ny lalan-kalehany tsy ho voaloto? Ny fitandremana araka ny teninao.
| במה יזכה-נער את-ארחו-- לשמר כדברך |
10 Tamin’ ny foko rehetra no nitadiavako Anao; Aza avela hivily hiala amin’ ny didinao aho.
| בכל-לבי דרשתיך אל-תשגני ממצותיך |
11 Ato am-poko no iraketako ny teninao, Mba tsy hanotako aminao.
| בלבי צפנתי אמרתך-- למען לא אחטא-לך |
12 Isaorana anie Hianao, Jehovah ô; Ampianaro ahy ny didinao.
| ברוך אתה יהוה-- למדני חקיך |
13 Ny molotro no nentiko nilaza Ny fitsipika rehetra naloaky ny vavanao.
| בשפתי ספרתי-- כל משפטי-פיך |
14 Ny lalan’ ny teni-vavolombelonao no ifaliako, Tahaka ny ifaliako amin’ ny harena rehetra.
| בדרך עדותיך ששתי-- כעל כל-הון |
15 Ny didinao no hosaintsainiko, Ary hodinihiko ny lalanao.
| בפקודיך אשיחה ואביטה ארחתיך |
16 Ny didinao no hiravoravoako: Tsy hohadinoiko ny teninao.
| בחקתיך אשתעשע לא אשכח דברך |
17 Asio soa aho mpanomponao, mba ho velona Ka hitandrina ny teninao.
| גמל על-עבדך אחיה ואשמרה דברך |
18 Ampahirato ny masoko, mba hahitako Zava-mahagaga ao amin’ ny lalànao.
| גל-עיני ואביטה-- נפלאות מתורתך |
19 Vahiny etỳ an-tany aho; Aza afeninao ahy ny didinao.
| גר אנכי בארץ אל-תסתר ממני מצותיך |
20 Torotoro ny fanahiko noho ny faniriany Ny fitsipikao mandrakariva.
| גרסה נפשי לתאבה-- אל-משפטיך בכל-עת |
21 Voateninao mafy ny mpirehareha, dia ny olom-boaozona, Izay mania miala amin’ ny didinao.
| גערת זדים ארורים-- השגים ממצותיך |
22 Esory amiko ny fahafaham-baraka sy ny fanamavoana: Fa efa nitandrina ny teni-vavolombelonao aho.
| גל מעלי חרפה ובוז כי עדתיך נצרתי |
23 Na dia ny mpanapaka aza dia mipetraka, ka iokoany aho; Izaho mpanomponao misaintsaina ny didinao.
| גם ישבו שרים בי נדברו-- עבדך ישיח בחקיך |
24 Ny teni-vavolombelonao koa no firavoravoako, Eny, mpanolo-tsaina ahy izany.
| גם-עדתיך שעשעי-- אנשי עצתי |
25 Miraikitra amin’ ny vovoka ny fanahiko; Velomy aho araka ny teninao.
| דבקה לעפר נפשי חיני כדברך |
26 Ny lalako no nolazaiko, ary namaly ahy Hianao: Ampianaro ahy ny didinao.
| דרכי ספרתי ותענני למדני חקיך |
27 Ampahalalao ahy ny lalan’ ny didinao; Dia hoheveriko ny fahagagana nataonao.
| דרך-פקודיך הבינני ואשיחה בנפלאותיך |
28 Mipotrapotra-dranomaso aho noho ny alaheloko; Ampaherezo aho araka ny teninao.
| דלפה נפשי מתוגה קימני כדברך |
29 Ny lalan’ ny lainga no esory amiko: Ary ny lalànao no anasoavy ahy.
| דרך-שקר הסר ממני ותורתך חנני |
30 Ny lalàn’ ny fahamarinanao no fidiko; Apetrako eo anatrehako ny fitsipikao.
| דרך-אמונה בחרתי משפטיך שויתי |
31 Mifikitra amin’ ny teni-vavolombelonao aho; Jehovah ô, aza avela ho azon-kenatra aho;
| דבקתי בעדותיך יהוה אל-תבישני |
32 Ny lalan’ ny didinao no ihazakazahako, Fa ampahalalahinao ny foko.
| דרך-מצותיך ארוץ כי תרחיב לבי |
33 Jehovah ô, toroy ny lalan’ ny didinao aho; Dia hotandremako hatramin’ ny farany izany.
| הורני יהוה דרך חקיך ואצרנה עקב |
34 Omeo fahalalana aho mba hitandrina ny lalànao; Eny, hitandrina azy amin’ ny foko rehetra aho.
| הבינני ואצרה תורתך ואשמרנה בכל-לב |
35 Ampandehano amin’ ny lalan’ ny didinao aho; Fa izany no sitrako.
| הדריכני בנתיב מצותיך כי-בו חפצתי |
36 Amporisiho ny foko ho amin’ ny teni-vavolombelonao, Fa tsy ho amin’ ny fieremana.
| הט-לבי אל-עדותיך ואל אל-בצע |
37 Avilio ny masoko tsy hijery zava-poana; Velomy amin’ ny lalanao aho.
| העבר עיני מראות שוא בדרכך חיני |
38 Tovy ny teninao amin’ ny mpanomponao, Izay matahotra Anao indrindra.
| הקם לעבדך אמרתך-- אשר ליראתך |
39 Esory ny fahafaham-baraka, izay atahorako; Fa tsara ny fitsipikao.
| העבר חרפתי אשר יגרתי כי משפטיך טובים |
40 Indro, manina ny didinao aho, Velomy amin’ ny fahamarinanao.
| הנה תאבתי לפקדיך בצדקתך חיני |
41 Aoka ho tonga amiko ny famindram-ponao, Jehovah ô, Dia ny famonjenao, araka ny teninao.
| ויבאני חסדך יהוה תשועתך כאמרתך |
42 Dia hamaly izay miteny ratsy ahy aho, Satria matoky ny teninao.
| ואענה חרפי דבר כי-בטחתי בדברך |
43 Ary aza dia esorina amin’ ny vavako ny teny marina; Fa miandry ny fitsaranao aho.
| ואל-תצל מפי דבר-אמת עד-מאד כי למשפטך יחלתי |
44 Dia hitandrina ny lalinao mandrakariva aho, Dia mandrakizay doria.
| ואשמרה תורתך תמיד-- לעולם ועד |
45 Ary handeha amin’ ny malalaka aho; Fa ny didinao no tadiaviko.
| ואתהלכה ברחבה כי פקדיך דרשתי |
46 Hilaza ny teni-vavolombelonao eo anatrehan’ ireo mpanjaka aho Ka tsy ho menatra.
| ואדברה בעדתיך נגד מלכים ולא אבוש |
47 Ary hiravoravo amin’ ny didinao aho Satria tiako ireny.
| ואשתעשע במצותיך אשר אהבתי |
48 Hasandratro ny tanako ho amin’ ny didinao satria tiako ireny: Hosaintsainiko ny didinao.
| ואשא-כפי--אל-מצותיך אשר אהבתי ואשיחה בחקיך |
49 Tsarovy ny teny natao tamiko mpanomponao Izay nampanantenanao ahy.
| זכר-דבר לעבדך-- על אשר יחלתני |
50 Izao no mampionona ahy amin’ ny fahoriako; Ny teninao no mamelona ahy.
| זאת נחמתי בעניי כי אמרתך חיתני |
51 Ny mpirehareha maniratsira ahy: Tsy mba mivily miala amin’ ny lalànao aho.
| זדים הליצני עד-מאד מתורתך לא נטיתי |
52 Mahatsiaro ny fitsipikao izay hatramin’ ny taloha aho, Jehovah ô, Dia mionona aho.
| זכרתי משפטיך מעולם יהוה ואתנחם |
53 Fahatezerana mirehitra no nahazo ahy Noho ny amin’ ny ratsy fanahy izay mahafoy ny lalànao.
| זלעפה אחזתני מרשעים-- עזבי תורתך |
54 Ny didinao no ataoko an-kira Ao amin’ ny trano fivahiniako.
| זמרות היו-לי חקיך-- בבית מגורי |
55 Mahatsiaro ny anaranao nony alina aho, Jehovah ô, Ka mitandrina ny lalànao.
| זכרתי בלילה שמך יהוה ואשמרה תורתך |
56 Izao no ahy: Mitandrina ny didinao aho.
| זאת היתה-לי כי פקדיך נצרתי |
57 Anjarako Jehovah; Minia mitandrina ny teninao aho.
| חלקי יהוה אמרתי-- לשמר דבריך |
58 Mifona aminao amin’ ny foko rehetra aho: Mamindrà fo amiko araka ny teninao.
| חליתי פניך בכל-לב חנני כאמרתך |
59 Mihevitra ny lalako aho Ka mamerina ny tongotro ho amin’ ny teni-vavolombelonao.
| חשבתי דרכי ואשיבה רגלי אל-עדתיך |
60 Mandeha faingana aho ka tsy mitaredretra, Amin’ ny fitandremana ny didinao.
| חשתי ולא התמהמהתי-- לשמר מצותיך |
61 Nihodidina tamiko ny famato-ran’ ny ratsy fanahy; Tsy mba nanadino ny lalànao aho.
| חבלי רשעים עודני תורתך לא שכחתי |
62 Mamatonalina no hifohazako hidera Anao Noho ny fitsipikao marina.
| חצות-לילה--אקום להודות לך על משפטי צדקך |
63 Naman’ izay rehetra matahotra Anao aho Sy naman’ izay mitandrina ny didinao.
| חבר אני לכל-אשר יראוך ולשמרי פקודיך |
64 Jehovah ô, henika ny famindram-ponao ny tany; Ampianaro ahy ny didinao.
| חסדך יהוה מלאה הארץ חקיך למדני |
65 Jehovah ô, efa nasianao soa ny mpanomponao, Araka ny teninao.
| טוב עשית עם-עבדך-- יהוה כדברך |
66 Ampianaro fahafantarana tsara sy fahalalana aho, Fa matoky ny didinao aho.
| טוב טעם ודעת למדני כי במצותיך האמנתי |
67 Fony tsy mbola azom-pahoriana aho, dia naniasia; Fa ankehitriny dia mitandrina ny teninao aho.
| טרם אענה אני שגג ועתה אמרתך שמרתי |
68 Sady tsara Hianao no Mpanao ny tsara; Ampianaro ahy ny didinao.
| טוב-אתה ומטיב למדני חקיך |
69 Namoron-dainga hamelezana ahy ny mpirehareha; Amin’ ny foko rehetra no itandremako ny didinao.
| טפלו עלי שקר זדים אני בכל-לב אצר פקודיך |
70 Matavy tahaka ny menaka ny fony; Fa izaho kosa, dia ny lalànao no iravoravoako.
| טפש כחלב לבם אני תורתך שעשעתי |
71 Soa ihany aho nampahorina, Mba hianarako ny didinao.
| טוב-לי כי-עניתי-- למען אלמד חקיך |
72 Ny lalàn’ ny vavanao no mahatsara ahy Mihoatra noho ny volamena sy ny volafotsy tsy omby arivo.
| טוב-לי תורת-פיך-- מאלפי זהב וכסף |
73 Ny tananao nanao ahy sy namboatra ahy; Ampianaro aho, mba hianarako ny didinao.
| ידיך עשוני ויכוננוני הבינני ואלמדה מצותיך |
74 Izay matahotra Anao hahita ahy ka ho faly; Fa ny teninao no andrasako.
| יראיך יראוני וישמחו כי לדברך יחלתי |
75 Fantatro, Jehovah ô, fa marina ny fitsaranao. Ary ny fahamarinanao no nampahorianao ahy.
| ידעתי יהוה כי-צדק משפטיך ואמונה עניתני |
76 Ny famindram-ponao anie no hampiononana ahy Araka ny teninao tamin’ ny mpanomponao.
| יהי-נא חסדך לנחמני-- כאמרתך לעבדך |
77 Aoka ho tonga amiko ny fiantranao, mba ho velona aho; Fa ny lalànao no firavoravoako.
| יבאוני רחמיך ואחיה כי-תורתך שעשעי |
78 Aoka ho menatra ny mpirehareha, fa nampahory ahy tsy ahoan-tsy ahoana izy; Izaho hisaintsaina ny didinao.
| יבשו זדים כי-שקר עותוני אני אשיח בפקודיך |
79 Aoka hiverina amiko izay matahotra Anao Sy izay mahalala ny teni-vavolombelonao.
| ישובו לי יראיך וידעו (וידעי) עדתיך |
80 Aoka ho marina tsara ny foko amin’ ny fitanana ny didinao, Mba tsy ho menatra aho.
| יהי-לבי תמים בחקיך-- למען לא אבוש |
81 Ritra ny aiko, satria manina ny famonjenao aho; Ny teninao no andrasako.
| כלתה לתשועתך נפשי לדברך יחלתי |
82 Pahina ny masoko miandry ny teninao, Ka hoy izaho: Rahoviana no hampionona ahy Hianao?
| כלו עיני לאמרתך-- לאמר מתי תנחמני |
83 Fa tahaka ny siny hoditra ao amin’ ny setroka aho. Nefa ny didinao tsy mba hadinoiko.
| כי-הייתי כנאד בקיטור-- חקיך לא שכחתי |
84 Hoatrinona no andron’ ny mpanomponao? Rahoviana no hanao fitsarana amin’ izay manenjika ahy Hianao?
| כמה ימי-עבדך מתי תעשה ברדפי משפט |
85 Efa nanao longoa hianjerako ny mpirehareha, Dia izay tsy manaraka ny lalànao.
| כרו-לי זדים שיחות-- אשר לא כתורתך |
86 Marina ny didinao rehetra; Manenjika ahy tsy ahoan-tsy ahoana ireny; vonjeo aho.
| כל-מצותיך אמונה שקר רדפוני עזרני |
87 Saiky laniny teo amin’ ny tany aho, Kanefa tsy mba mahafoy ny didinao.
| כמעט כלוני בארץ ואני לא-עזבתי פקדיך |
88 Velomy aho araka ny famindram-ponao; Dia hitandrina ny teni-vavolombelona naloaky ny vavanao aho.
| כחסדך חיני ואשמרה עדות פיך |
89 Ho mandrakizay, Jehovah ô, No nanorenanao any an-danitra ny teninao.
| לעולם יהוה-- דברך נצב בשמים |
90 Hihatra amin’ ny taranaka fara-mandimby ny fahamarinanao; Efa nampitoetra ny tany Hianao, ka, indro, mitoetra izy.
| לדר ודר אמונתך כוננת ארץ ותעמד |
91 Hanefa ny fitsaranao no itoerany mandraka androany; Fa mpanomponao ny zavatra rehetra.
| למשפטיך עמדו היום כי הכל עבדיך |
92 Raha tsy ny lalànao no niravoravoako, Dia maty tamin’ ny fahoriako aho.
| לולי תורתך שעשעי-- אז אבדתי בעניי |
93 Tsy hohadinoiko mandrakizay ny didinao; Fa ireny no amelomanao ahy.
| לעולם לא-אשכח פקודיך כי בם חייתני |
94 Anao aho, vonjeo aho; Fa ny didinao no tadiaviko.
| לך-אני הושיעני כי פקודיך דרשתי |
95 Miandry ahy ny ratsy fanahy mba hahafaty ahy; Mandinika ny teni-vavolombelonao aho
| לי קוו רשעים לאבדני עדתיך אתבונן |
96 Efa hitako fa manam-pahataperana avokoa ny tanteraka rehetra; Malalaka indrindra ny didinao.
| לכל-תכלה ראיתי קץ רחבה מצותך מאד |
97 Endrey ny fitiavako ny lalànao! Fisaintsainako mandrakariva izany.
| מה-אהבתי תורתך כל-היום היא שיחתי |
98 Ny didinao mampahahendry ahy mihoatra noho ny fahavaloko, Satria ato amiko mandrakizay ireny.
| מאיבי תחכמני מצותך כי לעולם היא-לי |
99 Hendry noho ny mpampianatra ahy rehetra aho, Satria ny teni-vavolombelonao no fisaintsainako.
| מכל-מלמדי השכלתי כי עדותיך שיחה לי |
100 Hendry noho ny anti-panahy aho, Satria ny didinao no notandremako.
| מזקנים אתבונן כי פקודיך נצרתי |
101 Efa narovako ny tongotro tsy ho amin’ izay lalàn-dratsy, Mba hitandremako ny teninao.
| מכל-ארח רע כלאתי רגלי-- למען אשמר דברך |
102 Tsy mba miala amin’ ny fitsipikao aho; Fa Hianao no mampianatra ahy.
| ממשפטיך לא-סרתי כי-אתה הורתני |
103 Endrey ny hamamin’ ny teninao, raha andramako! Mihoatra noho ny tantely ato am-bavako aza!
| מה-נמלצו לחכי אמרתך-- מדבש לפי |
104 Ny didinao no nahazoako fahalalana; Izany no ankahalako ny lalam-pitaka rehetra.
| מפקודיך אתבונן על כן שנאתי כל-ארח שקר |
105 Fanilon’ ny tongotro Sy fanazavana ny lalako ny teninao.
| נר-לרגלי דברך ואור לנתיבתי |
106 Efa nianiana aho fa hitandrina ny fitsipikao marina, Ka nefaiko izany.
| נשבעתי ואקימה-- לשמר משפטי צדקך |
107 Ampahorina indrindra aho; Jehovah ô, velomy aho araka ny teninao.
| נעניתי עד-מאד יהוה חיני כדברך |
108 Jehovah ô, aoka anie mba hankasitrahanao ny fanati-tsitrapo aloaky ny vavako, Ary ampianaro ahy ny fitsipikao.
| נדבות פי רצה-נא יהוה ומשפטיך למדני |
109 An-tenda ihany ny aiko mandrakariva; Kanefa tsy manadino ny lalànao aho.
| נפשי בכפי תמיד ותורתך לא שכחתי |
110 Ny ratsy fanahy mamela-pandrika haningotra ahy; Kanefa tsy mania miala amin’ ny didinao aho.
| נתנו רשעים פח לי ומפקודיך לא תעיתי |
111 Efa noraisiko ho lovako mandrakizay ny teni-vavolombelonao, Satria fifalian’ ny foko izany.
| נחלתי עדותיך לעולם כי-ששון לבי המה |
112 Apetrako ny foko hankatò ny didinao Mandrakizay hatramin’ ny farany.
| נטיתי לבי לעשות חקיך-- לעולם עקב |
113 Halako ny mpiroa saina; Fa ny lalànao no tiako.
| סעפים שנאתי ותורתך אהבתי |
114 Fiereko sy ampingako Hianao; Ny teninao no andrasako.
| סתרי ומגני אתה לדברך יחלתי |
115 Mialà amiko ianareo mpanao ratsy, Mba hitandremako ny didin’ Andriamanitro.
| סורו-ממני מרעים ואצרה מצות אלהי |
116 Tohàny aho araka ny teninao, mba ho velona, Ary aoka tsy ho menatra amin’ ny fanantenako aho.
| סמכני כאמרתך ואחיה ואל-תבישני משברי |
117 Tohàny aho mba ho voavonjy, Ka ho faly hijery ny didinao mandrakariva.
| סעדני ואושעה ואשעה בחקיך תמיד |
118 Ataonao tsinontsinona izay rehetra mania amin’ ny didinao; Fa famitahan-tena ihany ny laingany.
| סלית כל-שוגים מחקיך כי-שקר תרמיתם |
119 Efa nataonao fanary tain-drendrika ny ratsy fanahy rehetra amin’ ny tany; Izany no itiavako ny teni-vavolombelonao.
| סגים--השבת כל-רשעי-ארץ לכן אהבתי עדתיך |
120 Mipararetra ny nofoko ny fahatahorana Anao, Ary matahotra ny fitsaranao aho.
| סמר מפחדך בשרי וממשפטיך יראתי |
121 Manaraka ny fitsipika sy ny fahamarinana aho; Aza manolotra ahy ho amin’ ny mpampahory ahy.
| עשיתי משפט וצדק בל-תניחני לעשקי |
122 Iantohy mba ho soa ny mpanomponao; Aza avela hampahory ahy ny mpirehareha.
| ערב עבדך לטוב אל-יעשקני זדים |
123 Pahina ny masoko miandry ny famonjenao. Sy ny tenin’ ny fahamarinanao.
| עיני כלו לישועתך ולאמרת צדקך |
124 Ataovy amin’ ny mpanomponao araka ny famindram-ponao; Ary ampianaro ahy ny didinao.
| עשה עם-עבדך כחסדך וחקיך למדני |
125 Mpanomponao aho, ka ampianaro, Mba ho fantatro ny teni-vavolombelonao.
| עבדך-אני הבינני ואדעה עדתיך |
126 Efa andro tokony hampisehoan’ i Jehovah ny heriny izao; Fa nandika ny lalànao ny olona.
| עת לעשות ליהוה-- הפרו תורתך |
127 Izany no itiavako ny didinao mihoatra noho ny volamena, Eny, noho ny tena volamena aza.
| על-כן אהבתי מצותיך-- מזהב ומפז |
128 Izany no iheverako ny didy rehetra ho marina avokoa; Halako ny lalam-pitaka rehetra;
| על-כן כל-פקודי כל ישרתי כל-ארח שקר שנאתי |
129 Mahagaga ny teni-vavolombelonao, Ka dia mitandrina azy ny fanahiko.
| פלאות עדותיך על-כן נצרתם נפשי |
130 Mahazava ny famoahana ny hevitry ny teninao Ka manome fahalalana ho an’ ny kely saina.
| פתח דבריך יאיר מבין פתיים |
131 Mitanatana vava aho ka mihanahana, Fa ny didinao no iriko.
| פי-פערתי ואשאפה כי למצותיך יאבתי |
132 Todiho aho, ka mamindrà fo amiko, Araka ny tokony ho anjaran’ izay tia ny anaranao.
| פנה-אלי וחנני-- כמשפט לאהבי שמך |
133 Ampitoero eo amin’ ny teninao ny diako; Ary aza avela hanapaka ahy izay mety ho faharatsiana.
| פעמי הכן באמרתך ואל-תשלט-בי כל-און |
134 Vonjeo amin’ ny fampahorian’ ny olona Dia hitandrina ny didinao.
| פדני מעשק אדם ואשמרה פקודיך |
135 Ampamirapirato amin’ ny mpanomponao ny tavanao; Ary ampianaro ahy ny didinao.
| פניך האר בעבדך ולמדני את-חקיך |
136 Rano mandriaka no mijononoka amin’ ny masoko Noho ny tsi-fitandreman’ ny olona ny lalànao.
| פלגי-מים ירדו עיני-- על לא-שמרו תורתך |
137 Marina Hianao, Jehovah ô, Ary mahitsy ny fitsipikao.
| צדיק אתה יהוה וישר משפטיך |
138 Efa voadidinao amin’ ny fahamarinana Sy ny fahatokiana indrindra ny teni-vavolombelonao.
| צוית צדק עדתיך ואמונה מאד |
139 Efa maharitra aina ahy ny fahasaro-piaroko, Satria nanadino ny teninao ny mpandrafy ahy.
| צמתתני קנאתי כי-שכחו דבריך צרי |
140 Voazaha toetra tamin’ ny memy ny teninao, Ka dia tian’ ny mpanomponao.
| צרופה אמרתך מאד ועבדך אהבה |
141 Kely aho ka natao ho tsinontsinona; Nefa tsy hadinoiko ny didinao.
| צעיר אנכי ונבזה פקדיך לא שכחתי |
142 Ny fahamarinanao dia fahamarinana mandrakizay, Ary marina ny lalànao.
| צדקתך צדק לעולם ותורתך אמת |
143 Fahoriana sy fahaterena no nahazo ahy; Ny didinao no firavoravoako.
| צר-ומצוק מצאוני מצותיך שעשעי |
144 Ny fahamarinan’ ny teni-vavolombelonao dia mandrakizay; Ampianaro aho, mba ho velona.
| צדק עדותיך לעולם הבינני ואחיה |
145 Ny foko rehetra no nentiko nitaraina hoe: Valio aho, Jehovah ô; Ny didinao no hotandremako;
| קראתי בכל-לב ענני יהוה חקיך אצרה |
146 Nitaraina taminao aho nanao hoe Vonjeo aho, Dia hitandrina ny didinao.
| קראתיך הושיעני ואשמרה עדתיך |
147 Raha mbola tsy nazavaratsy aza ny andro, dia nitaraina aho; Ny teninao no andrasako.
| קדמתי בנשף ואשועה לדבריך (לדברך) יחלתי |
148 Nialoha ny fiambenana amin’ ny alina ny masoko, Mba hisaintsainako ny teninao.
| קדמו עיני אשמרות-- לשיח באמרתך |
149 Henoy ny feoko araka ny famindram-ponao, Jehovah ô, Velomy aho araka ny fitsipikao.
| קולי שמעה כחסדך יהוה כמשפטך חיני |
150 Efa mby akaiky izay fatra-panaraka ny ratsy, Dia izay manalavitra ny lalànao.
| קרבו רדפי זמה מתורתך רחקו |
151 Akaiky Hianao, Jehovah ô; Ary marina ny didinao rehetra.
| קרוב אתה יהוה וכל-מצותיך אמת |
152 Efa fantatro ela tamin’ ny teni-vavolombelonao Fa nampitoerinao ho mandrakizay ireny.
| קדם ידעתי מעדתיך כי לעולם יסדתם |
153 Jereo ny fahoriako, ka vonjeo aho; Fa ny lalànao tsy mba hadinoiko.
| ראה-עניי וחלצני כי-תורתך לא שכחתי |
154 Soloy vava aho, ka vonjeo; Velomy aho araka ny teninao.
| ריבה ריבי וגאלני לאמרתך חיני |
155 Lavitra ny ratsy fanahy ny famonjena, Satria ny didinao tsy tadiaviny.
| רחוק מרשעים ישועה כי חקיך לא דרשו |
156 Lehibe ny antranao, Jehovah ô; Velomy aho araka ny fitsipikao.
| רחמיך רבים יהוה כמשפטיך חיני |
157 Maro ny mpanenjika sy mpandrafy ahy; Tsy mba niala tamin’ ny teni-vavolombelonao aho.
| רבים רדפי וצרי מעדותיך לא נטיתי |
158 Mijery ny mpivadika aho, ka maharikoriko ahy ireny, Dia izay tsy nitandrina ny teninao.
| ראיתי בגדים ואתקוטטה-- אשר אמרתך לא שמרו |
159 He ny fitiavako ny didinao! Jehovah ô, velomy aho araka ny famindram-ponao.
| ראה כי-פקודיך אהבתי יהוה כחסדך חיני |
160 Fahamarinana no tontalin-kevitry ny teninao; Ary mandrakizay ny fitsipikao marina rehetra.
| ראש-דברך אמת ולעולם כל-משפט צדקך |
161 Na dia ny mpanapaka aza dia nanenjika ahy tsy ahoan-tsy ahoana; Nefa ny teninao no atahoran’ ny foko.
| שרים רדפוני חנם ומדבריך (ומדברך) פחד לבי |
162 Faly aho noho ny teninao Tahaka ny mahazo babo be.
| שש אנכי על-אמרתך-- כמוצא שלל רב |
163 Halako ny lainga ka ataoko ho fahavetavetana; Ny lalànao no tiako.
| שקר שנאתי ואתעבה תורתך אהבתי |
164 Impito isan’ andro no iderako Anao Noho ny fitsipikao marina.
| שבע ביום הללתיך-- על משפטי צדקך |
165 Be fiadanana izay tia ny lalànao, Ary tsy misy mahatafintohina azy.
| שלום רב לאהבי תורתך ואין-למו מכשול |
166 Miandry ny famonjenao aho, Jehovah ô, Ka mankatò ny didinao.
| שברתי לישועתך יהוה ומצותיך עשיתי |
167 Mitandrina ny teni-vavolombelonao ny fanahiko, Ka tiako indrindra izy.
| שמרה נפשי עדתיך ואהבם מאד |
168 Mitandrina ny didinao sy ny teni-vavolombelonao aho; Fa ny lalan-kalehako rehetra dia eo anatrehanao.
| שמרתי פקודיך ועדתיך כי כל-דרכי נגדך |
169 Aoka anie ho tonga eo anatrehanao ny fitarainako, Jehovah ô; Ampianaro aho araka ny teninao.
| תקרב רנתי לפניך יהוה כדברך הבינני |
170 Aoka anie ho tonga eo anatrehanao ny fifonako; Vonjeo aho araka ny teninao.
| תבוא תחנתי לפניך כאמרתך הצילני |
171 Aoka hiboiboika fiderana ny molotro, Fa ampianarinao ahy ny didinao.
| תבענה שפתי תהלה כי תלמדני חקיך |
172 Hihira ny teninao ny lelako, Fa marina ny didinao rehetra.
| תען לשוני אמרתך כי כל-מצותיך צדק |
173 Aoka anie hamonjy ahy ny tananao; Fa efa nifidy ny didinao aho.
| תהי-ידך לעזרני כי פקודיך בחרתי |
174 Efa manina ny famonjenao aho, Jehovah ô; Ary ny lalànao no firavoravoako.
| תאבתי לישועתך יהוה ותורתך שעשעי |
175 Aoka anie ho velona ny fanahiko ka hidera Anao; Ary aoka anie hamonjy ahy ny fitsaranao.
| תחי-נפשי ותהללך ומשפטך יעזרני |
176 Efa nania aho; tadiavo ny mpanomponao toy ny fitady ondry very; Fa ny didinao tsy mba hadinoiko.
| תעיתי-- כשה אבד בקש עבדך כי מצותיך לא שכחתי |
