Salamo 115
1 Jehovah ô, aza izahay, aza izahay no omena voninahitra, Fa ny anaranao ihany, Noho ny famindram-ponao sy ny fahamarinanao.
主よ、栄光をわれらにではなく、われらにではなく、あなたのいつくしみと、まこととのゆえに、ただ、み名にのみ帰してください。
2 Nahoana ny jentilisa no manao hoe: Aiza izay Andriamaniny?
なにゆえ、もろもろの国民は言うのでしょう、「彼らの神はどこにいるのか」と。
3 Nefa any an-danitra Andriamanitsika; Efa nanao izay sitrapony rehetra Izy.
われらの神は天にいらせられる。神はみこころにかなうすべての事を行われる。
4 Volafotsy sy volamena ny sampin’ ireny, Asan’ ny tanan’ olona:
彼らの偶像はしろがねと、こがねで、人の手のわざである。
5 Manam-bava izy, fa tsy miteny; Mana-maso izy, fa tsy mahita;
それは口があっても語ることができない。目があっても見ることができない。
6 Manan-tsofina izy, fa tsy mandre; Manana orona izy, fa tsy manimbolo:
耳があっても聞くことができない。鼻があってもかぐことができない。
7 Manan-tanana izy, fa tsy mandray; Manan-tongotra izy, fa tsy mandeha; Ary tsy mahaloa-peo ny tendany.
手があっても取ることができない。足があっても歩くことができない。また、のどから声を出すこともできない。
8 Ho tahaka azy izay manao azy Sy izay rehetra matoky azy.
これを造る者と、これに信頼する者とはみな、これと等しい者になる。
9 Ry Isiraely ô, matokia an’ i Jehovah; Heriny sy ampingany Izy.
イスラエルよ、主に信頼せよ。主は彼らの助け、また彼らの盾である。
10 Ry taranak’ i Arona ô, matokia an’ i Jehovah; Heriny sy ampingany Izy.
アロンの家よ、主に信頼せよ。主は彼らの助け、また彼らの盾である。
11 Hianareo izay matahotra an’ i Jehovah, matokia an’ i Jehovah; Heriny sy ampingany Izy.
主を恐れる者よ、主に信頼せよ。主は彼らの助け、また彼らの盾である。
12 Jehovah mahatsiaro ka mitahy antsika; Hitahy ny taranak’ i Isiraely Izy; Hitahy ny taranak’ i Arona Izy;
主はわれらをみこころにとめられた。主はわれらを恵み、イスラエルの家を恵み、アロンの家を恵み、
13 Hotahiny izay matahotra an’ i Jehovah, Na ny kely na ny lehibe.
また、小さい者も、大いなる者も、主を恐れる者を恵まれる。
14 Jehovah anie hampitombo anareo, Dia ianareo mbamin’ ny zanakareo.
どうか、主があなたがたを増し加え、あなたがたと、あなたがたの子孫とを増し加えられるように。
15 Hitahy anareo anie Jehovah, Mpanao ny lanitra sy ny tany.
天地を造られた主によってあなたがたが恵まれるように。
16 Ny lanitra dia an’ i Jehovah: fa ny tany nomeny ho an’ ny zanak’ olombelona.
天は主の天である。しかし地は人の子らに与えられた。
17 Ny maty tsy mba hidera an’ i Jehovah. Na izay midìna any amin’ ny mangingina;
死んだ者も、音なき所に下る者も、主をほめたたえることはない。
18 Fa izahay hisaotra an’ i Jehovah Hatramin’ izao ka ho mandrakizay. Haleloia.
しかし、われらは今より、とこしえに至るまで、主をほめまつるであろう。主をほめたたえよ。
