Salamo 112

1 Haleloia. Sambatra ny olona izay matahotra an’ i Jehovah Sady mankasitraka ny didiny indrindra.

Louez Yah! Heureux l'homme qui craint Yahvé, qui se complaît dans ses commandements.

2 Hahery ambonin’ ny tany ny zanany; Hotahina ny taranaky ny marina.

Sa progéniture sera puissante dans le pays. La génération des hommes intègres sera bénie.

3 Fananana sy harena no ao an-tranony; Ary ny fahamarinany haharitra mandrakizay.

La richesse et les richesses sont dans sa maison. Sa justice est éternelle.

4 Ao amin’ ny maizina no iposahan’ ny mazava ho an’ ny mahitsy; Mamindra fo sy miantra ary marina ireny.

La lumière se lève dans les ténèbres pour les justes, gracieux, miséricordieux et juste.

5 Sambatra ny olona izay miantra ka mampisambotra; Tsy mba ho resy eo am-pitsarana izy.

Tout va bien pour l'homme qui traite avec bonté et qui prête. Il maintiendra sa cause dans le jugement.

6 Fa tsy hangozohozo mandrakizay izy; Hotsarovana mandrakizay ny marina.

Car il ne sera jamais ébranlé. On se souviendra toujours des justes.

7 Tsy mba manahinahy hahare loza izy; Tafatoetra matoky an’ i Jehovah ny fony.

Il ne craindra pas les mauvaises nouvelles. Son cœur est inébranlable, il a confiance en Yahvé.

8 Voatohana ny fony, ka tsy hatahotra izy, Mandra-pifaliny mahita ny amin’ ny mpandrafy azy.

Son cœur est affermi. Il n'aura pas peur à la fin quand il verra ses adversaires.

9 Namafy izy, eny, nanome ho an’ ny malahelo; Ny fahamarinany maharitra mandrakizay; Hisandratra amim-boninahitra ny tandrony.

Il a dispersé, il a donné aux pauvres. Sa justice est éternelle. Sa corne sera exaltée avec honneur.

10 Ny ratsy fanahy hahita ka ho sosotra; Hihidy vazana izy ka ho levona; Ho foana ny fanirian’ ny ratsy fanahy.

Les méchants le verront, et seront affligés. Il grincera des dents et se fondra. Le désir des méchants périra.