Salamo 112

1 Haleloia. Sambatra ny olona izay matahotra an’ i Jehovah Sady mankasitraka ny didiny indrindra.

Praise Yah! Blessed is the man who fears Yahweh, who delights greatly in his commandments.

2 Hahery ambonin’ ny tany ny zanany; Hotahina ny taranaky ny marina.

His offspring will be mighty in the land. The generation of the upright will be blessed.

3 Fananana sy harena no ao an-tranony; Ary ny fahamarinany haharitra mandrakizay.

Wealth and riches are in his house. His righteousness endures forever.

4 Ao amin’ ny maizina no iposahan’ ny mazava ho an’ ny mahitsy; Mamindra fo sy miantra ary marina ireny.

Light dawns in the darkness for the upright, gracious, merciful, and righteous.

5 Sambatra ny olona izay miantra ka mampisambotra; Tsy mba ho resy eo am-pitsarana izy.

It is well with the man who deals graciously and lends. He will maintain his cause in judgment.

6 Fa tsy hangozohozo mandrakizay izy; Hotsarovana mandrakizay ny marina.

For he will never be shaken. The righteous will be remembered forever.

7 Tsy mba manahinahy hahare loza izy; Tafatoetra matoky an’ i Jehovah ny fony.

He will not be afraid of evil news. His heart is steadfast, trusting in Yahweh.

8 Voatohana ny fony, ka tsy hatahotra izy, Mandra-pifaliny mahita ny amin’ ny mpandrafy azy.

His heart is established. He will not be afraid in the end when he sees his adversaries.

9 Namafy izy, eny, nanome ho an’ ny malahelo; Ny fahamarinany maharitra mandrakizay; Hisandratra amim-boninahitra ny tandrony.

He has dispersed, he has given to the poor. His righteousness endures forever. His horn will be exalted with honor.

10 Ny ratsy fanahy hahita ka ho sosotra; Hihidy vazana izy ka ho levona; Ho foana ny fanirian’ ny ratsy fanahy.

The wicked will see it, and be grieved. He shall gnash with his teeth, and melt away. The desire of the wicked will perish.