Salamo 108

1 Tonon-kira. Salamo nataon’ i Davida. Andriamanitra ô, tafatoetra ny foko; Ny fanahiko no hihira sy hankalaza.

A song. A psalm of David. God, I have complete confidence in you! My whole being sings praises to you!

2 Mifohaza, ry valiha sy lokanga; hifoha maraina koa aho.

Wake up, harp and lyre! I will wake up the dawn!

3 Hidera Anao eny amin’ ny firenena maro aho, Jehovah ô, Ary hankalaza Anao eny amin’ ny jentilisa.

I will thank you among the peoples, Lord, I will sing your praises among the nations.

4 Fa lehibe mihoatra ny lanitra ny famindram-ponao; Ary mipaka eny amin’ ny rahona ny fahamarinanao.

For your trustworthy love reaches higher than the heavens, your faithfulness is higher than the clouds.

5 Misandrata any ambonin’ ny lanitra Hianao, Andriamanitra ô; Ary aoka ho etỳ ambonin’ ny tany rehetra ny voninahitrao.

God, your greatness is above the highest heavens; and your glory is over all the earth!

6 Mba hahafaka ny malalanao, Dia vonjeo amin’ ny tananao ankavanana aho, ka valio.

Rescue those you love! Answer us, and save us by your power!

7 Andriamanitra niteny tamin’ ny fahamasinany hoe: Hifaly Aho ka hizara an’ i Sekema, Ary ny lohasahan’ i Sokota horefesiko;

God has spoken from his Temple: “Triumphantly I divide up Shechem, and portion out the Valley of Succoth.

8 Ahy Gileada, Ahy Manase; Ary aron’ ny lohako Efraima; Tehim-panjakako Joda;

Both Gilead and Manasseh belong to me. Ephraim is my helmet, and Judah is my scepter.

9 Tavindranoko fanasana Moaba; Edoma no hanipazako ny kapako; noho ny amin’ i Filistia ho hihobiako.

I will treat Moab as my washbasin; I will place my sandal on Edom; I will shout in triumph over Philistia.”

10 Iza no hitondra ahy ho any an-tanàna mafy? Iza no hitarika ahy ho any Edoma?

Who will bring me into the fortified city? Who will lead me into Edom?

11 Tsy Hianao va no efa nanary anay, Andriamanitra ô, Sady tsy mivoaka miaraka amin’ ny miaramilanay, Andriamanitra ô?

Have you rejected us, God? Won't you go out with our armies?

12 Vonjeo amin’ ny fahavalo izahay; Fa zava-poana ny famonjena ataon’ ny olona.

Please give us help against our enemies, for human help is worthless.

13 Andriamanitra no haharezan-tsika; Fa Izy no hanitsakitsaka ny fahavalontsika.

Our strength is in God, and he will crush our enemies.