Salamo 10
1 Jehovah ô, nahoana no mijanona eny lavitra eny Hianao ka miery amin’ ny andro fahoriana?
| למה יהוה תעמד ברחוק תעלים לעתות בצרה |
2 Noho ny fireharehan’ ny ratsy fanahy dia enjehina mafy ny malahelo; azon’ ny fahendrena nataony izy ireny.
| בגאות רשע ידלק עני יתפשו במזמות זו חשבו |
3 Ny ratsy fanahy mandoka izay irin’ ny fony; ary ny mpierina mahafoy sy manamavo an’ i Jehovah.
| כי-הלל רשע על-תאות נפשו ובצע ברך נאץ יהוה |
4 Ny ratsy fanahy mirehareha hoe: Tsy hanadina Izy; eny, “Tsy misy Andriamanitra” no tontalin-keviny.
| רשע--כגבה אפו בל-ידרש אין אלהים כל-מזמותיו |
5 Tanteraka mandrakariva ny alehany; any amin’ ny avo lavitra azy ny fitsarànao; ny mpandrafy azy rehetra dia ataony hoe: zinona ireny?
| יחילו דרכו בכל-עת--מרום משפטיך מנגדו כל-צורריו יפיח בהם |
6 Hoy izy am-pony: tsy hangozohozo aho, tsy ho azon-doza mandrakizay doria aho.
| אמר בלבו בל-אמוט לדר ודר אשר לא-ברע |
7 Feno ozona sy fitaka ary fanaovana an-keriny ny vavany; ao ambanin’ ny lelany dia misy fampahoriana sy faharatsiana.
| אלה פיהו מלא--ומרמות ותך תחת לשונו עמל ואון |
8 Mamitsaka amin’ ny fanotrehana ao an-tanàna izy, ao an-katakonana no amonoany ny marina; ny masony mikendry ny mahantra.
| ישב במארב חצרים--במסתרים יהרג נקי עיניו לחלכה יצפנו |
9 Manotrika ao an-katakonana tahaka ny liona ao amin’ ny famitsahany izy; manotrika hisambotra ny malahelo izy; fandrihany amin’ ny haratony no fisambony ny malahelo.
| יארב במסתר כאריה בסכה-- יארב לחטוף עני יחטף עני במשכו ברשתו |
10 Torotoro sy mitanondrika ny mahantra ka lavo amin’ ny herin’ ny ratsy fanahy.
| ודכה (ידכה) ישח ונפל בעצומיו חלכאים (חל כאים) |
11 Hoy izy anakampony: efa nanadino Andriamanitra, efa nanafina ny tavany Izy ka tsy hahita mandrakizay.
| אמר בלבו שכח אל הסתיר פניו בל-ראה לנצח |
12 Mitsangàna, Jehovah ô; Andriamanitra ô, atsangano ny tananao, aza manadino ny ory.
| קומה יהוה--אל נשא ידך אל-תשכח עניים (ענוים) |
13 Nahoana no mamingavinga an’ Andriamanitra ny ratsy fanahy ka manao anakampo hoe: Tsy hanadina Hianao?
| על-מה נאץ רשע אלהים אמר בלבו לא תדרש |
14 Efa nahita ihany Hianao, satria mijery fahoriana sy alahelo, mba hovalian’ ny tananao. Hianao no iononan’ ny mahantra; Hianao no Mpamonjy ny kamboty.
| ראתה כי-אתה עמל וכעס תביט-- לתת בידך עליך יעזב חלכה יתום אתה היית עוזר |
15 Torotoroy ny sandrin’ ny ratsy fanahy; ary adino ny heloky ny mpanao ratsy mandra-paha-tsy hisy hitanao intsony.
| שבר זרוע רשע ורע תדרוש-רשעו בל-תמצא |
16 Jehovah no Mpanjaka mandrakizay doria; voafongotra tsy ho amin’ ny taniny intsony ny jentilisa.
| יהוה מלך עולם ועד אבדו גוים מארצו |
17 Efa nohenoinao, Jehovah ô, ny irin’ ny mpandefitra; mampiomana ny fony Hianao sady mampihaino ny sofinao,
| תאות ענוים שמעת יהוה תכין לבם תקשיב אזנך |
18 Hanomezanao rariny ny kamboty sy ny mahantra, mba tsy handroso hampitahotra intsony ny zanak’ olombelona etỳ an-tany.
| לשפט יתום ודך בל-יוסיף עוד--לערץ אנוש מן-הארץ |
