Joba 9

1 Dia namaly Joba ka nanao hoe:

ויען איוב ויאמר

2 Fantatro tokoa fa izany no izy; Fa aiza no hahamarina ny zanak’ olombelona eo anatrehan’ Andriamanitra?

אמנם ידעתי כי-כן ומה-יצדק אנוש עם-אל

3 Raha te-hifandahatra aminy izy, dia tsy mahavaly teny Azy na dia iray amin’ ny arivo aza.

אם-יחפץ לריב עמו-- לא-יעננו אחת מני-אלף

4 Hendry am-po Izy sady matanjaka amin’ ny hery; iza no nikiry nanohitra Azy ka tsy naninona?

חכם לבב ואמיץ כח-- מי-הקשה אליו וישלם

5 Izay mamindra tendrombohitra, nefa ireny tsy mahalala akory, izay mamadika azy amin’ ny fahatezerany,

המעתיק הרים ולא ידעו-- אשר הפכם באפו

6 Ary mampihorohoro ny tany ho afaka amin’ ny fitoerany, ka mihozongozona ny andriny;

המרגיז ארץ ממקומה ועמודיה יתפלצון

7 Mandidy ny masoandro Izy, ka tsy miposaka iny, ary manisy tombo-kase manafina ny kintana;

האמר לחרס ולא יזרח ובעד כוכבים יחתם

8 Sady Izy irery ihany no mamelatra ny lanitra sy mandia ny onjan-dranomasina;

נטה שמים לבדו ודורך על-במתי ים

9 Manao ireo kintana lehibe Izy, dia ny Bera sy ny Telonohorefy ary ny Ikotokelimiadilaona sy ireo kintana maro any atsimo,

עשה-עש כסיל וכימה וחדרי תמן

10 Ary manao zava-dehibe tsy takatry ny saina, eny, fahagagana tsy hita isa.

עשה גדלות עד-אין חקר ונפלאות עד-אין מספר

11 Indro, mandalo ahy Izy, nefa tsy hitako; Ary mihelina Izy, nefa tsy fantatro.

הן יעבר עלי ולא אראה ויחלף ולא-אבין לו

12 Indro, mipaoka Izy, ka iza no mahasakana Azy? Iza no hanao aminy hoe: Inona no ataonao?

הן יחתף מי ישיבנו מי-יאמר אליו מה-תעשה

13 Andriamanitra tsy mampitony ny fahatezerany; Ny mpanampy an-dRahaba aza dia mitanondrika eo ambaniny.

אלוה לא-ישיב אפו תחתו שחחו עזרי רהב

14 Mainka fa izaho tsy mahavaly Azy, na mahafidy teny hifandaharako aminy;

אף כי-אנכי אעננו אבחרה דברי עמו

15 Fa na dia marina aza aho, dia tsy hahavaly tsy akory; Hifona amin’ Ilay manana ady amiko no hany heriko.

אשר אם-צדקתי לא אענה למשפטי אתחנן

16 Raha mba niantso aho, ka namaly ahy aza Izy, dia tsy ho nino aho fa hanaiky ny fitarainako Izy.

אם-קראתי ויענני-- לא-אאמין כי-יאזין קולי

17 Fa manorotoro ahy amin’ ny tafio-drivotra Izy ka manamaro ny feriko tsy ahoan-tsy ahoana.

אשר-בשערה ישופני והרבה פצעי חנם

18 Sady tsy avelany haka aina akory aho, fa vokisany zava-mangidy.

לא-יתנני השב רוחי כי ישבעני ממררים

19 Raha ny amin’ ny herin’ ny mahery, dia: Indro ary! Ary ny amin’ ny fitsarana: Iza no hifandahatra amiko?

אם-לכח אמיץ הנה ואם-למשפט מי יועידני

20 Na dia marina aza aho, dia hanameloka ahy ihany ny vavako; Ary na dia tsy manan-tsiny aza aho, dia hanao ahy ho meloka Izy.

אם-אצדק פי ירשיעני תם-אני ויעקשני

21 Marina aho, ataoko tsinontsinona ny aiko; Tsy ahoako izay ho velona.

תם-אני לא-אדע נפשי אמאס חיי

22 Tsy misy hafa aminy, ka izany no nanaovako hoe: Ny marina sy ny meloka dia samy aringany avokoa.

אחת היא על-כן אמרתי--תם ורשע הוא מכלה

23 Raha misy loza mahafaty tampoka, dia mihomehy ny fizahan-toetra ny marina Izy.

אם-שוט ימית פתאם-- למסת נקים ילעג

24 Ny tany efa voatolotra ho eo an-tànan’ ny ratsy fanahy; Manarona ny tavan’ ny mpitsara eo Izy; Raha tsy Izy no manao izany, dia iza, kosa ary?

ארץ נתנה ביד-רשע-- פני-שפטיה יכסה אם-לא אפוא מי-הוא

25 Ny androko dia faingana noho ny tsimandoa; Lasa ireny ka tsy nahita soa akory.

וימי קלו מני-רץ ברחו לא-ראו טובה

26 Mihelina tahaka ny lakana faingam-pandeha izy, tahaka ny voromahery mipaoka hanina.

חלפו עם-אניות אבה כנשר יטוש עלי-אכל

27 Raha hoy izaho: Hanadino ny alaheloko aho, hitsahatra tsy hanjonitra aho ka ho miramirana,

אם-אמרי אשכחה שיחי אעזבה פני ואבליגה

28 Dia mahatsiravina ahy ny fahoriako rehetra; Fantatro fa tsy hataonao ho tsy manan-tsiny aho.

יגרתי כל-עצבתי ידעתי כי-לא תנקני

29 Tsy maintsy hatao ho meloka ihany aho, koa nahoana aho no hanasa-tena foana?

אנכי ארשע למה-זה הבל איגע

30 Na dia mandro amin’ ny oram-panala aza aho ka manadio ny tanako amin’ ny ranon-davenona,

אם-התרחצתי במו- (במי-) שלג והזכותי בבר כפי

31 Dia hanitrika ahy any am-pahitra miaraka amin’ izay Hianao, ka hataon’ ny fitafiako ho zava-betaveta aho.

אז בשחת תטבלני ותעבוני שלמותי

32 Fa tsy olona tahaka ahy Izy ka ho azoko valiana hifanatrehanay amin’ ny fitsarana.

כי-לא-איש כמוני אעננו נבוא יחדו במשפט

33 Tsy misy mpanelanelana anay Hametraka ny tànany aminay roa tonta.

לא יש-בינינו מוכיח-- ישת ידו על-שנינו

34 Aoka hanaisotra ny tsorakazony amiko Izy, ary aoka tsy hampahatsiravina ahy ny fampitahorany,

יסר מעלי שבטו ואמתו אל-תבעתני

35 Dia hiteny aho ka tsy hatahotra Azy; Fa fantatro fa tsy hatahotra foana aho.

אדברה ולא איראנו כי לא-כן אנכי עמדי