Joba 5

1 Miantsoa ange! moa misy hamaly anao va? Ary iza amin’ ireo masìna no hotodihinao?

“Pray, call, is there any to answer you? And to which of the holy ones do you turn?

2 Fa ny adala dia vonoin’ ny fahasosorana, ary ny kely saina dia matin’ ny fialonana.

For provocation slays the perverse, And envy puts to death the simple,

3 Izaho nahita olona adala mamaka, nefa vetivety Indray dia tsy maintsy nanozona ny fonenany aho;

I have seen the perverse taking root, And I mark his habitation straight away,

4 Lavitra ny famonjena ny zanany Ka torotoro eo am-bavahady, nefa tsy manan-kamonjy;

His sons are far from safety, And they are bruised in the gate, And there is no deliverer.

5 Ny vokatry ny taniny dia lanin’ ny noana, eny, alainy na dia voafefy tsilo aza; ary ny fandrika mitanatana vava hahazo ny fananany

Whose harvest the hungry eat, And even take it from the thorns, And the designing swallowed their wealth.

6 Fa tsy mivoaka avy amin’ ny vovoka ny alahelo, ary tsy mitrebona avy amin’ ny tany ny fahoriana,

For sorrow does not come forth from the dust, Nor does misery spring up from the ground.

7 Nefa teraka ho amin’ ny fahoriana ny olombelona, dia tahaka ny fanidin’ ny kilalaon’ afo miakatra

For man is born to misery, And the sparks go high to fly.

8 Fa raha toa ahy kosa dia hitady an’ Andriamanitra aho, ary Andriamanitra ihany no hotolorako ny teniko,

Yet I inquire for God, And for God I give my word,

9 Dia Izay manao zava-dehibe tsy takatry ny saina sy zava-mahagaga tsy hita isa,

Doing great things, and there is no searching. Wonderful, until there is no numbering.

10 Dia Izay mampilatsaka ranonorana etỳ ambonin’ ny tany ary mampandeha rano eny amin’ ny saha,

Who is giving rain on the face of the land, And is sending waters on the out-places.

11 Ka apetrany amin’ ny avo Izay ambany, ary asandrany ho amin’ ny fahafinaretana ny miory,

To set the low on a high place, And the mourners have been high [in] safety.

12 Dia Izay mahafoana ny hevitry ny fetsy, ka tsy hahefan’ ny tànany na inona na inona hahasoa ny tenany;

Making void thoughts of the cunning, And their hands do not execute wisdom.

13 Ny fahafetsen’ ny hendry ihany no entiny misambotra azy, ary ny saina ataon’ ny mpiolakolaka dia rava;

Capturing the wise in their subtlety, And the counsel of wrestling ones was hurried,

14 Na dia amin’ ny antoandro aza dia tafatsarapaka ao amin’ ny maizina ireny ka miraparapa amin’ ny mitataovovonana tahaka ny amin’ ny alina;

By day they meet darkness, And as night—they grope at noon.

15 Fa vonjeny kosa ny malahelo tsy ho voan’ ny sabatry ny vavany; Eny, vonjeny tsy ho azon’ ny tanan’ ny mahery izy.

He saves the needy from the sword in their mouth, And from a strong hand,

16 Dia misy fanantenana ho an’ ny reraka; fa ny faharatsiana kosa mihombom-bava

And there is hope for the poor, And perverseness has shut her mouth.

17 Indro, sambatra ny zanak’ olombelona izay anarin’ Andriamanitra, koa aza atao ho zavatra kely ny famaizan’ ny Tsitoha;

Behold, the blessedness of mortal man, God reproves him: And do not despise the discipline of the Mighty,

18 Fa sady mandratra Izy no mamehy; Manorotoro Izy, ary ny tànany ihany no manasitrana.

For He pains, and He binds up, He strikes, and His hands heal.

19 Amin’ ny fahoriana enina dia hamonjy anao Izy; Eny, amin’ ny fito aza dia tsy hisy loza hihatra aminao.

In six distresses He delivers you, And in seven evil does not strike on you.

20 Raha avy ny mosary, dia hiaro anao amin’ ny fahafatesana Izy; Ary raha avy ny ady, dia hiaro anao tsy ho voan’ ny sabatra Izy;

In famine He has redeemed you from death, And in battle from the hands of the sword.

21 Hampiereny tsy ho voan’ ny kapo-bava ianao, ary tsy hatahotra, raha avy ny fandringanana;

When the tongue scourges you are hid, And you are not afraid of destruction, When it comes.

22 Ny fandringanana sy ny mosary dia hihomehezanao; ary tsy hatahoranao ny bibi-dia;

At destruction and at hunger you mock, And of the beast of the earth, You are not afraid.

23 Fa vita fanekena amin’ ny vato any an-tsaha aza ianao; Ary ny bibi-dia hihavana aminao;

(For with sons of the field [is] your covenant, And the beast of the field Has been at peace with you.)

24 Ary ho hitanao fa ny fiadanana no lainao; Ary raha mizaha ny kijanao ianao, dia ho hitanao fa tsy misy very ny ao;

And you have known that your tent [is] peace, And inspected your habitation, and do not err,

25 Ary ho hitanao koa fa maro ny zanakao, ary ny terakao ho tahaka ny ahitra amin’ ny tany;

And have known that your seed [is] numerous, And your offspring as the herb of the earth;

26 Haharitra ianao ambara-piditrao any am-pasana, raha mbola henjana, dia tahaka ny amboaram-bary akarina amin’ ny fotoana.

You come in full age to the grave, As the going up of a stalk in its season.

27 Izany ary no izy, fa efa nandinika azy izahay; Hevero ary izany, ka fantaro tsara.

Behold, this—we searched it out—it [is] right, listen; And you, know for yourself!”