Joba 34
1 Ary mbola niteny ihany Eliho ka nanao hoe:
| ויען אליהוא ויאמר׃ |
2 Mandrenesa ny teniko, ianareo olon-kendry; Ary mihainoa ahy, ianareo manam-pahalalana.
| שמעו חכמים מלי וידעים האזינו לי׃ |
3 Fa ny sofina no mamantatra teny, Ary ny vava no manandrana hanina.
| כי אזן מלין תבחן וחך יטעם לאכל׃ |
4 Koa aoka izay rariny no hodinihintsika, ary aoka hiara-mamantatra izay tsara isika.
| משפט נבחרה לנו נדעה בינינו מה טוב׃ |
5 Fa Joba efa nanao hoe: Marina aho, saingy nesorin’ Andriamanitra tamiko ny rariny;
| כי אמר איוב צדקתי ואל הסיר משפטי׃ |
6 Marina ny ahy, nefa ampandaingainy aho; Mahafaty ny zana-tsipìka mitsatoka amiko, na dia tsy manam-pahadisoana aza aho.
| על משפטי אכזב אנוש חצי בלי פשע׃ |
7 Aiza moa no misy lehilahy tahaka an’ i Joba, izay manaram-po amin’ ny famingavingana toy ny fisotro rano.
| מי גבר כאיוב ישתה לעג כמים׃ |
8 Ary tonga naman’ ny mpanao ratsy sady miara-mandeha amin’ ny ratsy fanahy?
| וארח לחברה עם פעלי און וללכת עם אנשי רשע׃ |
9 Fa hoy izy: Tsy mahasoa ny olona ny mihavana amin’ Andriamanitra.
| כי אמר לא יסכן גבר ברצתו עם אלהים׃ |
10 Koa amin’ izany mihainoa ahy, ianareo manam-panahy: Lavitra an’ Andriamanitra ny hanao ratsy! Ary lavitra ny Tsitoha ny hanao meloka!
| לכן אנשי לבב שמעו לי חללה לאל מרשע ושדי מעול׃ |
11 Fa ny nataon’ ny olona ihany no ampanodiaviny azy, ka mamaly ny olona rehetra araka ny lalany avy Izy.
| כי פעל אדם ישלם לו וכארח איש ימצאנו׃ |
12 Eny tokoa, Andriamanitra tsy manao ratsy mihitsy, ary ny Tsitoha tsy mba mamadika ny rariny.
| אף אמנם אל לא ירשיע ושדי לא יעות משפט׃ |
13 Iza moa no nanendry Azy ho Mpiadidy ny tany? Ary iza no nanorina izao tontolo izao?
| מי פקד עליו ארצה ומי שם תבל כלה׃ |
14 Raha tàhiny ny tenany ihany no heveriny, ka hangoniny ho ao aminy ny fanahiny sy ny fofonainy,
| אם ישים אליו לבו רוחו ונשמתו אליו יאסף׃ |
15 Dia hiala avokoa ny ain’ ny nofo rehetra, ary hiverina amin’ ny vovoka ny olona.
| יגוע כל בשר יחד ואדם על עפר ישוב׃ |
16 Raha manam-pahalalana ianao, dia mandrenesa izao, ka mihainoa ny teniko
| ואם בינה שמעה זאת האזינה לקול מלי׃ |
17 Moa mahay mifehy va izay tsy tia rariny? Ary Ilay marina sady mahery va no hohelohinao?
| האף שונא משפט יחבוש ואם צדיק כביר תרשיע׃ |
18 (Mety va ny miteny amin’ ny mpanjaka hoe: Olom-poana ianao! Ary amin’ ny zanak’ andriana: Ry ilay ratsy!),
| האמר למלך בליעל רשע אל נדיבים׃ |
19 Dia Ilay tsy mizaha ny tavan’ ny lehibe, ary tsy manaja ny ambony mihoatra noho ny ambany, satria samy asan’ ny tànany avokoa izy rehetra.
| אשר לא נשא פני שרים ולא נכר שוע לפני דל כי מעשה ידיו כלם׃ |
20 Maty amin’ ny indray mipi-maso monja amin’ ny mamatonalina ireny; Eny, ringana ny olona ka tsy ao intsony; Ary ny mahery dia lasa tsy esorin-tanana.
| רגע ימתו וחצות לילה יגעשו עם ויעברו ויסירו אביר לא ביד׃ |
21 Fa ny mason’ Andriamanitra dia mijery ny alehan’ ny olona, ary mahita ny diany rehetra Izy.
| כי עיניו על דרכי איש וכל צעדיו יראה׃ |
22 Tsy misy aizina na alim-pito, Izay hieren’ ny mpanao ratsy.
| אין חשך ואין צלמות להסתר שם פעלי און׃ |
23 Fa Andriamanitra tsy mba miandry aloha vao mandinika ny olona Izay tonga hotsaraina eo anatrehany.
| כי לא על איש ישים עוד להלך אל אל במשפט׃ |
24 Manorotoro ny olona mahery Izy, na dia tsy manadina aza, ka manangana olon-kafa hisolo azy.
| ירע כבירים לא חקר ויעמד אחרים תחתם׃ |
25 Koa hita amin’ izany fa fantany ny asan’ ireo, ka dia mamono azy amin’ ny alina ho torotoro Izy.
| לכן יכיר מעבדיהם והפך לילה וידכאו׃ |
26 Tehafiny tanana tahaka ny fanao amin’ ny ratsy fanahy ireo eo imason’ ny vahoaka.
| תחת רשעים ספקם במקום ראים׃ |
27 Izao no nialan’ ireo tamin’ Andriamanitra ka tsy nitandremany ny lalany akory,
| אשר על כן סרו מאחריו וכל דרכיו לא השכילו׃ |
28 Dia ny mba hahatonga ny fitarainan’ ny malahelo eo anatrehany ka hampandre Azy ny fitarainan’ ny ory.
| להביא עליו צעקת דל וצעקת עניים ישמע׃ |
29 Mangìna Izy, ka iza no mahay manameloka? Ary manafin-tava Izy (ka iza no mahajery Azy?), na amin’ ny firenena, na amin’ ny olona tsirairay,
| והוא ישקט ומי ירשע ויסתר פנים ומי ישורנו ועל גוי ועל אדם יחד׃ |
30 Mba tsy hanjakan’ ny ratsy fanahy, ary tsy ho voafandrika ny vahoaka.
| ממלך אדם חנף ממקשי עם׃ |
31 Fa moa mba efa nisy niteny tamin’ Andriamanitra va nanao hoe: Efa nanandra-tena aho ka tsy hanao ratsy intsony;
| כי אל אל האמר נשאתי לא אחבל׃ |
32 Izay tsy hitako mba ampianaro ahy; Raha nanao ratsy aho, dia tsy hanao intsony?
| בלעדי אחזה אתה הרני אם עול פעלתי לא אסיף׃ |
33 Moa araka ny hevitrao va no hamaliany ny ataon’ ny olona, no efa nandà ianao? Fa ianao no mifidy, fa tsy izaho, koa izay fantatrao no ambarao.
| המעמך ישלמנה כי מאסת כי אתה תבחר ולא אני ומה ידעת דבר׃ |
34 Ny olona manam-panahy hilaza amiko, ary ny olon-kendry izay mihaino ahy hanao hoe:
| אנשי לבב יאמרו לי וגבר חכם שמע לי׃ |
35 Miteny tsy amim-pahalalana Joba, ary ny teniny tsy amim-pahendrena.
| איוב לא בדעת ידבר ודבריו לא בהשכיל׃ |
36 Enga anie ka hizahan-toetra mandrakariva Joba noho ny famaliana ataony araka ny fanaon’ ny ratsy fanahy!
| אבי יבחן איוב עד נצח על תשבת באנשי און׃ |
37 Fa ampiany fihaikana koa ny fahotany; Miteha-tanana eto amintsika izy ka manao teny maro ho enti-miady amin’ Andriamanitra.
| כי יסיף על חטאתו פשע בינינו יספוק וירב אמריו לאל׃ |
