Isaia 62

1 Tsy hangina Aho noho ny amin’ i Ziona, Ary tsy hitsaha-miteny Aho noho ny amin’ i Jerosalema, mandra-piposaky ny fahamarinany tahaka ny famirapiratry ny mazava, ary ny famonjena azy tahaka ny fanilo mirehitra.

我因錫安必不靜默， 為耶路撒冷必不息聲， 直到他的公義如光輝發出， 他的救恩如明燈發亮。

2 Ny firenena hahita ny fahamarinanao, ary ny mpanjaka rehetra hahita ny voninahitrao; dia homena anaram-baovao ianao, Izay hotononin’ ny vavan’ i Jehovah;

列國必見你的公義； 列王必見你的榮耀。 你必得新名的稱呼， 是耶和華親口所起的。

3 Ka dia ho tonga satro-boninahitra eo an-tànany ianao sy satrok’ andriana eo am-pelatanan’ Andriamanitrao.

你在耶和華的手中要作為華冠， 在你上帝的掌上必作為冕旒。

4 Hianao tsy hatao intsony hoe nafoy, ary ny taninao tsy hatao intsony hoe Lao fa ianao hatao hoe Ilay sitrako, ary ny taninao hatao hoe Vady ampakarina; Fa sitrak’ i Jehovah ianao, ary ny taninao hampanambadina.

你必不再稱為「撇棄的」； 你的地也不再稱為「荒涼的」。 你卻要稱為「我所喜悅的」； 你的地也必稱為「有夫之婦」。 因為耶和華喜悅你， 你的地也必歸他。

5 Fa tahaka ny zatovo mampakatra virijina ho vadiny no hampakaran’ ny mponina aminao anao; ary tahaka ny fifalian’ ny mpampakatra amin’ ny ampakariny no hifalian’ Andriamanitrao aminao.

少年人怎樣娶處女， 你的眾民也要照樣娶你； 新郎怎樣喜悅新婦， 你的上帝也要照樣喜悅你。

6 Efa nanendry mpiambina ho eny ambonin’ ny mandanao Aho, ry Jerosalema ô, koa mandrakariva na andro na alina dia tsy mahazo mangìna ireny; eny, ianareo izay mpampahatsiaro an’ i Jehovah, aza mitsahatra;

耶路撒冷啊， 我在你城上設立守望的， 他們晝夜必不靜默。 呼籲耶和華的，你們不要歇息，

7 Ary aza mamela Azy hitsahatra mandra-panaony an’ i Jerosalema ho mafy orina sy hoderaina amin’ ny tany.

也不要使他歇息， 直等他建立耶路撒冷， 使耶路撒冷在地上成為可讚美的。

8 Jehovah efa nianiana tamin’ ny tànany ankavanana, dia tamin’ ny sandriny mahery, hoe: Tsy homeko hohanin’ ny fahavalonao intsony ny varinao, ary ny hafa firenena tsy hisotro ny ranom-boalobokao izay efa nisasaranao;

耶和華指着自己的右手和大能的膀臂起誓說： 我必不再將你的五穀給你仇敵作食物； 外邦人也不再喝你勞碌得來的新酒。

9 Fa izay nijinja azy no hihinana azy ka hidera an’ i Jehovah; ary izay nioty azy no hisotro azy ao amin’ ny kianjako masìna.

惟有那收割的要吃，並讚美耶和華； 那聚斂的要在我聖所的院內喝。

10 Mivoaha, mivoaha amin’ ny vavahady, amboary ny lalana halehan’ ny olona; asandrato ho avo ny lalambe; esory ny vato eny aminy; manangàna faneva ho tazan’ ny firenena.

你們當從門經過經過， 預備百姓的路； 修築修築大道， 撿去石頭， 為萬民豎立大旗，

11 Indro, Jehovah efa nanambara hatrany amin’ ny faran’ izao tontolo izao nanao hoe: Lazao amin’ i Ziona zanakavavy: Indro, avy ny famonjena anao; Indro; ny valim-pitia hatolony dia ao aminy, ary ny valin’ asa homeny dia eo anoloany.

看哪，耶和華曾宣告到地極， 對錫安的居民說： 你的拯救者來到。 他的賞賜在他那裏； 他的報應在他面前。

12 Ary Ireny hotononina hoe Firenena masìna, dia olona navotan’ i Jehovah; ary ianao dia hatao hoe Ilay notadiavina, Tanàna tsy foy.

人必稱他們為「聖民」，為「耶和華的贖民」； 你也必稱為「被眷顧、不撇棄的城」。