Efesiana 4

1 Ary noho izany izaho, mpifatotra noho ny amin’ ny Tompo, dia mangataka aminareo mba handeha miendrika ny fiantsoana izay niantsoana anareo,

I then, the prisoner in the Lord, make this request from my heart, that you will see that your behaviour is a credit to the position which God's purpose has given you,

2 amin’ ny fanetren-tena rehetra sy ny fahalemem-panahy, amin’ ny fahari-po mifandefitra amin’ ny fitiavana,

With all gentle and quiet behaviour, taking whatever comes, putting up with one another in love;

3 mazoto mitana ny firaisana avy amin’ ny Fanahy amin’ ny fehim-pihavanana.

Taking care to keep the harmony of the Spirit in the yoke of peace.

4 Iray ny tena, ary iray ny Fanahy, dia toy ny niantsoana anareo ho amin’ ny fanantenana iray momba ny fiantsoana anareo;

There is one body and one Spirit, even as you have been marked out by God in the one hope of his purpose for you;

5 iray ny Tompo, iray ny finoana, iray ny batisa,

One Lord, one faith, one baptism,

6 iray Andriamanitra sady Rain’ izy rehetra, Izay ambonin’ izy rehetra sy manerana azy rehetra ary ao amin’ izy rehetra.

One God and Father of all, who is over all, and through all, and in all.

7 Fa samy nomena ny fahasoavana araka ny ohatry ny fanomezan’ i Kristy avy isika rehetra.

But to every one of us has grace been given in the measure of the giving of Christ.

8 Koa izany no ilazany hoe: Raha niakatra ho any amin’ ny avo Izy, dia nitondra olona maro ho babo Ka nanome fanomezana ho an’ ny olona.

For this reason he says, He went up on high, taking his prisoners with him, and gave freely to men.

9 (Ary ny amin’ ny hoe niakatra, inona moa izany, afa-tsy ny efa nidina ho any ambanin’ ny tany koa?

(Now this, He went up, what is it but that he first went down into the lower parts of the earth?

10 Izay nidina, dia Izy koa no Ilay niakatra any ambonin’ ny lanitra rehetra, hamenoany ny zavatra rehetra.)

He who went down is the same who went up far over all the heavens so that he might make all things complete.)

11 Ary Izy no nanome ny sasany ho Apostoly, ary ny sasany ho mpaminany, ary ny sasany ho evanjelista, ary ny sasany ho mpiandry sy mpampianatra,

And he gave some as Apostles, and some, prophets; and some, preachers of the good news; and some to give care and teaching;

12 ho fanatanterahana ny olona masìna, ho amin’ ny asan’ ny fanompoana amin’ ny fiangonana, ho amin’ ny fampandrosoana ny tenan’ i Kristy,

For the training of the saints as servants in the church, for the building up of the body of Christ:

13 mandra-pahatongantsika rehetra ho amin’ ny firaisan’ ny finoana sy ny fahalalana tsara ny Zanak’ Andriamanitra, ka ho lehilahy lehibe, mahatratra ny ohatry ny halehiben’ ny fahafenoan’ i Kristy;

Till we all come to the harmony of the faith, and of the knowledge of the Son of God, to full growth, to the full measure of Christ:

14 mba tsy ho zaza intsony isika, ka ahilangilana sy ampitambolimbolenin’ ny rivotry ny fampianarana samy hafa rehetra amin’ ny saim-petsy ataon’ ny olona sy ny fihendreny hahatanteraka ny hevitry ny famitahana;

So that we may be no longer children, sent this way and that, turned about by every wind of teaching, by the twisting and tricks of men, by the deceits of error;

15 fa mba hanaraka ny marina amin’ ny fitiavana ka hitombo amin’ ny ny zavatra rehetra ho amin’ izay Loha, dia Kristy;

But saying true words in love, may come to full growth in him, who is the head, even Christ;

16 Izy no itomboan’ ny tena rehetra (izay akambana sy ampiarahina tsara) noho ny fifanompoan’ ny isan-tonony, araka ny fiàsan’ izay rehetra momba azy amin’ izay mety ho anjara-asany avy ka hampandrosoany ny tenany amin’ ny fitiavana.

Through whom all the body, being rightly formed and united together, by the full working of every part, is increased to the building up of itself in love.

17 Koa izao no lazaiko sady ambarako ao amin’ ny Tompo: ny tsy mba handehananareo intsony tahaka ny fandehan’ ny jentilisa amin’ ny fahafoanan’ ny sainy;

This I say, then, and give witness in the Lord, that you are to go no longer in the way of the Gentiles whose minds are turned to that which has no profit,

18 fa efa tonga maizin-tsaina sy olon-ko azy amin’ ny fiainan’ Andriamanitra ireny noho ny tsi-fahalalana ny anatiny, noho ny hamafin’ ny fony,

Whose thoughts are dark, to whom the life of God is strange because they are without knowledge, and their hearts have been made hard;

19 dia olona tsy mahalala henatra intsony ka nanolo-tena ho amin’ ny fijejojejoana hanao izay fahalotoana rehetra amin’ ny fieremana.

Who having no more power of feeling, have given themselves up to evil passions, to do all unclean things with overmuch desire.

20 Fa ianareo kosa, dia tsy mba toy izany no nianaranareo an’ i Kristy,

For this was not the teaching of Christ which was given to you;

21 raha Izy tokoa no renareo ka tao aminy no nampianarana anareo, araka ny fahamarinana izay ao amin’ i Jesosy,

If in fact you gave ear to him, and were given teaching in him, even as what is true is made clear in Jesus:

22 mba hialanareo ny toetrareo taloha araka ny fitondran-tenanareo fahiny, izay mihasimba araka ny filan’ ny fitaka;

That you are to put away, in relation to your earlier way of life, the old man, which has become evil by love of deceit;

23 fa mba hohavaozina kosa ianareo amin’ ny fanahin’ ny sainareo,

And be made new in the spirit of your mind,

24 ary mba hotafinareo ny toetra vaovao, izay noforonina araka an’ Andriamanitra amin’ ny fahitsiana sy ny fahamasinana momba ny fahamarinana.

And put on the new man, to which God has given life, in righteousness and a true and holy way of living.

25 Koa esory ny lainga, ka samia milaza ny marina amin’ ny namany avy ianareo rehetra; fa samy isan’ ny momba ny tenan’ ny namantsika avokoa isika.

And so, putting away false words, let everyone say what is true to his neighbour: for we are parts one of another.

26 Tezera, fa aza manota; ary aoka tsy ho tratry ny masoandro milentika ny fahatezeranareo.

Be angry without doing wrong; let not the sun go down on your wrath;

27 Aza manome fitoerana ho an’ ny devoly.

And do not give way to the Evil One.

28 Aoka izay nangalatra tsy hangalatra intsony; fa aleo hikely aina ka hiasa izay tsara amin’ ny tànany, mba hisy homeny izay tsy manana.

Let him who was a thief be so no longer, but let him do good work with his hands, so that he may have something to give to him who is in need.

29 Aoka tsy haloaky ny vavanareo izay teny maloto, fa izay tsara ho fampandrosoana, araka izay tokony hanaovana, mba hahazoan’ ny mihaino fahasoavana.

Let no evil talk come out of your mouth, but only what is good for giving necessary teaching, and for grace to those who give ear.

30 Ary aza mampalahelo ny Fanahy Masin’ Andriamanitra, Izay nanisiana tombo-kase anareo ho amin’ ny andro fanavotana.

And do not give grief to the Holy Spirit of God, by whom you were marked for the day of salvation.

31 Esory aminareo ny fo-lentika rehetra sy ny fahavinirana sy ny fahatezerana sy ny fitabatabana sy ny fitenenan-dratsy ary ny lolompo rehetra;

Let all bitter, sharp and angry feeling, and noise, and evil words, be put away from you, with all unkind acts;

32 ary aoka samy halemy fanahy amin’ ny namany avy ianareo, ka hifampiantra sy hifamela heloka, tahaka ny namelan’ Andriamanitra ny helokareo ao amin’ i Kristy.

And be kind to one another, full of pity, having forgiveness for one another, even as God in Christ had forgiveness for you.