गलातियों 2
1 चौदा साल बाद आऊँ बरनबासो साथे यरूशलेम नगरो खे फेर गया और तीतुसो खे बी आपू साथे लयी गा।
Deinde post annos quattuordecim, iterum ascendi Ierosolymam cum Barnaba, assumpto et Tito.
2 आँऊ तेती गया कऊँकि परमेशरे माखे ये प्रकट कित्तेया कि आँऊ तेती जाऊँ। मैं तेती जो मण्डल़िया रे जाणे-माणे रे अगुवे थे लग जे मिली की तिना खे बताई ता कि आऊँ दुजिया जातिया बीचे सुसमाचार प्रचार करूँआ। ताकि एड़ा नि ओ कि मेरे एस बखतो री या आगली दौड़-तूप बेकार ओ।
Ascendi autem secundum revelationem: et contuli cum illis Evangelium, quod prædico in Gentibus, seorsum autem iis, qui videbantur aliquid esse: ne forte in vacuum currerem, aut cucurrissem.
3 तीतुस जो मां साथे आया था से यूनानी था और बिना खतने रा था। पर यरूशलेम नगरो री मण्डल़िया रे तिने अगुओ से अपनाया और खतना कराणे खे मजबूर नि कित्तेया।
Sed neque Titus, qui mecum erat, cum esset Gentilis, compulsus est circumcidi:
4 तीतुसो रा बिना खतने ते ऊणा एक मसला बणीगा। ये तिना चूठे पाईया री बजअ ते ऊआ, जो चोरिए कूसी की आए थे, ताकि तेसा आजादिया रा जो मसीह यीशुए रे आसा खे मिली री, पेत लयी की आसा खे दास बणाओ।
sed propter subintroductos falsos fratres, qui subintroierunt explorare libertatem nostram, quam habemus in Christo Iesu, ut nos in servitutem redigerent.
5 पर आसे तिना लोका री गल्ला ते एक कअड़िया खे बी सईमत नि ऊए, ताकि सुसमाचारो री सच्चाई तुसा रे बणी री रओ।
Quibus neque ad horam cessimus subiectione, ut veritas Evangelii permaneat apud vos:
6 जो लोक जाणे-माणे रे अगुवे थे सेयो चाए केड़े बी थे, इजी ते मेरे बचारा रे कोई फर्क नि पड़दा। कऊँकि परमेशर मूँ देखेया न्याय नि करदा। तिना लोका ते माखे कुछ बी नवां उपदेश नि मिलेया।
ab iis autem, qui videbantur esse aliquid, (quales aliquando fuerint, nihil mea interest. Deus personam hominis non accipit) mihi enim qui videbantur esse aliquid, nihil contulerunt.
7 इजी ते लग तिने लोके समजेया कि जेड़ा यहूदी लोका खे सुसमाचार सुनाणे रा काम पतरसो गे देई राखेया, तेड़ा ई दूजिया जातिया रे लोका खे सुसमाचार सुनाणे रा काम परमेशरे माखे देई राखेया।
Sed econtra cum vidissent quod creditum est mihi Evangelium præputii, sicut et Petro circumcisionis:
8 कऊँकि जिने परमेशरे पतरसो खे यहूदिया रा प्रेरित बणाई की तिना रे जरिए सेवा रा काम कित्तेया, तिने ई परमेशरे माखे बी दुजिया जातिया रा प्रेरित बणाई की मेरे जरिए सेवा रा काम कित्तेया।
(qui enim operatus est Petro in Apostolatum circumcisionis, operatus est et mihi inter Gentes)
9 जो लोक मण्डल़िया रे खम्बे समजे जाओ थे मतलब याकूब, कैफा और यूहन्ना तिने कृपा रा से वरदान पछयाणेया जो माखे मिलेया। तिने माखे और बरनबासो खे आपणे साथी समजी की आसा खे सहभागिता रा दाँणा आथ दित्तेया। सेयो एते गल्ला खे सईमत ऊए कि आसे दुजिया जातिया गे सुसमाचार सुनाणे खे जाऊँ और सेयो यहूदिया गे जाओ।
et cum cognovissent gratiam, quæ data est mihi, Iacobus, et Cephas, et Ioannes, qui videbantur columnæ esse, dextras dederunt mihi, et Barnabæ societatis: ut nos in Gentes, ipsi autem in circumcisionem:
10 तिने बस आसा ते येई बिनती कित्ती कि आसे यरूशलेम नगरो रे गरीब विश्वासिया री मताद करिए और एस ई कामो खे करने री आऊँ आपू बी कोशिश करने लगी रा था।
tantum ut pauperum memores essemus, quod etiam solicitus fui hoc ipsum facere.
11 पतरसो रा अन्ताकिया नगरो रे आऊणे ते बाद एक दिन मैं तेसरा लोका रे सामणे बरोद कित्तेया, कऊँकि जो से करने लगी रा था से गल़त था।
Cum autem venisset Cephas Antiochiam: in faciem ei restiti, quia reprehensibilis erat.
12 से पईले दुजिया जातिया साथे रोटी खाया करो था, पर जेबे याकूबो री तरफा ते कुछ यहूदी लोक आये, तो खतना कित्ते रे यहूदी लोका रे डरो रे मारे से तिना ते पीछे आटीगा और कनारा करने लगेया।
Prius enim quam venirent quidam a Iacobo, cum Gentibus edebat: cum autem venissent, subtrahebat, et segregabat se timens eos, qui ex circumcisione erant.
13 और तेस साथे बाकि यहूदी विश्वासिये बी कपट कित्तेया, एथो तक कि बरनबास बी तिना रे कपटो रे पड़ी गा।
Et simulationi eius consenserunt ceteri Iudæi, ita ut et Barnabas duceretur ab eis in illam simulationem.
14 पर जेबे मैं देखेया कि सेयो सुसमाचारो री सच्चाईया पाँदे सीदी चाल नि चलदे, तो मैं सबी सामणे पतरसो खे बोलेया, “जेबे तूँ यहूदी ऊई की दुजिया जातिया जेड़े चलेया और यहूदिया जेड़ा निए, तो तूँ दुजिया जातिया खे यहूदिया जेड़े चलणे खे कऊँ बोलेया?
Sed cum vidissem quod non recte ambularent ad veritatem Evangelii, dixi Cephæ coram omnibus: Si tu, cum Iudæus sis, Gentiliter vivis, et non Iudaice: quomodo Gentes cogis Iudaizare?
15 “आसे जो जन्मो रे यहूदी ए और ‘पापी दूजी जाति’ निए, जेड़ा कि आसे यहूदी तिना खे दुजिया जातिया रे बोलोए।
Nos natura Iudæi, et non ex Gentibus peccatores.
16 तेबे बी आसे ये जाणूंए कि मांणू मूसे रा बिधानो रे कामो ते तर्मी नि ठईरदा। पर बस यीशु मसीह पाँदे विश्वास करने ते तर्मी ठईरोआ। आसे आपू बी यीशु मसीह पाँदे विश्वास कित्तेया, कि आसे बिधानो रे कामो ते नि पर मसीह पाँदे विश्वास करने ते तर्मी ठईरूँ। कऊँकि बिधानो रे कामो ते कोई मांणू तर्मी नि ठईरना।
Scientes autem quod non iustificatur homo ex operibus legis, nisi per fidem Iesu Christi: et nos in Christo Iesu credimus, ut iustificemur ex fide Christi, et non ex operibus legis: propter quod ex operibus legis non iustificabitur omnis caro.
17 “कुछ यहूदी सोचोए कि बस यीशु मसीह पाँदे विश्वास करी की आसे पाप कित्तेया। कऊँकि आसे तर्मी बणने खे बिधानो खे मानणे री बजाये बस मसीह पाँदे विश्वास करूँए। तो क्या मसीह पापो रा पालण-पोषण करने वाल़े ए? कदी पनि!
Quod si quærentes iustificari in Christo, inventi sumus et ipsi peccatores, numquid Christus peccati minister est? Absit.
18 पर जे आँऊ फेर सेई बिधानो खे मानणे रा काम करूँ जो मैं छाडीता था, तो आपणे आपू खे अपराधी ठराऊँआ।
Si enim quæ destruxi, iterum hæc ædifico: prævaricatorem me constituo.
19 “कऊँकि आऊँ तो बिधानो रे जरिए बिधानो खे मरी गा, ताकि आँऊ परमेशरो री खातर जिऊँ।
Ego enim per legem, legi mortuus sum, ut Deo vivam: Christo confixus sum cruci.
20 आऊँ मसीह साथे क्रूसो पाँदे चढ़ाया। आऊँ एबे जिऊँदा नि रया, पर मसीह मांदे जिऊँदा ए। आऊँ शरीरो रे जो एबु जिऊँदा ए, तो बस तेस विश्वासो ते जिऊँदा ए, जो परमेशरो रे पुत्रो पाँदे ए, जिने माखे प्यार कित्तेया और मेरी खातर आपू खे देईता।
Vivo autem, iam non ego: vivit vero in me Christus. Quod autem nunc vivo in carne: in fide vivo Filii Dei, qui dilexit me, et tradidit semetipsum pro me.
21 आऊँ परमेशरो री कृपा बेकार नि ठराई सकदा। जे बिधानो रे जरिए धार्मिकता ऊँदी, तो मसीह रा मरना बेकार ऊँदा।”
Non abiicio gratiam Dei. Si enim per legem iustitia, ergo gratis Christus mortuus est.
