Zabbuli 95

1 Mujje tuyimbire Mukama; tuyimbire waggulu n’essanyu nga tutendereza Mukama Olwazi olw’obulokozi bwaffe.

Come, let us sing for joy to the LORD; let us shout to the Rock of our salvation!

2 Tujje mu maaso ge n’okwebaza; tumuyimbire ennyimba ez’okumutendereza.

Let us enter His presence with thanksgiving; let us make a joyful noise to Him in song.

3 Kubanga Mukama ye Katonda Omukulu; era Kabaka Omukulu asinga bakatonda bonna.

For the LORD is a great God, a great King above all gods.

4 Enkonko ez’ensi ziri mu mukono gwe; n’entikko z’ensozi nazo zize.

In His hand are the depths of the earth, and the mountain peaks belong to Him.

5 Ennyanja yiye, kubanga ye yagikola; n’emikono gye, gye gyabumba olukalu.

The sea is His, for He made it, and His hands formed the dry land.

6 Mujje tusinze tuvuuname mu maaso ge; tufukamire mu maaso ga Mukama, Omutonzi waffe.

O come, let us worship and bow down; let us kneel before the LORD our Maker.

7 Kubanga ye Katonda waffe, naffe tuli bantu ab’omu ddundiro lye, era tuli ndiga ze z’alabirira. Olwa leero bwe muwulira eddoboozi lye,

For He is our God, and we are the people of His pasture, the sheep under His care. Today, if you hear His voice,

8 “Temukakanyaza mitima gyammwe nga bwe kyali e Meriba, ne ku lunaku luli e Maasa mu ddungu;

do not harden your hearts as you did at Meribah, in the day at Massah in the wilderness,

9 bajjajjammwe gye bangezesa; newaakubadde baali baalaba dda ebyamagero bye nakola.

where your fathers tested and tried Me, though they had seen My work.

10 Abantu b’omulembe ogwo ne mbasunguwalira okumala emyaka amakumi ana; ne ŋŋamba nti, ‘Be bantu abakyama mu mutima gwabwe, era tebamanyi makubo gange.’

For forty years I was angry with that generation, and I said, “They are a people whose hearts go astray, and they have not known My ways.”

11 Kyennava ndayira nga nsunguwadde nti, ‘Tebaliyingira mu kiwummulo kyange.’”

So I swore on oath in My anger, “They shall never enter My rest.”