Zabbuli 92
1 Zabbuli. Oluyimba lwa Ssabbiiti. Kirungi okwebazanga Mukama, n’okuyimba ennyimba n’okutenderezanga erinnya lyo, Ayi Ggwe, Ali Waggulu Ennyo;
A psalm. A song for the Sabbath day. How good it is to thank the Lord, to sing praises to you, Most High,
2 okutendanga okwagala kwo okutakoma buli nkya, n’okutendanga obwesigwa bwo buli kiro.
to tell of your trustworthy love in the morning, and your faithfulness in the night,
3 Okukutenderezanga n’amaloboozi g’enkoba z’ennanga n’endere awamu n’entongooli.
to the music of a ten-stringed harp and the melody of a lyre.
4 Kubanga ggwe, Ayi Mukama, onkoledde ebinsanyusizza; kyenva nkuyimbira n’essanyu olw’emirimu gy’emikono gyo.
You've made me so happy, Lord, because of all you've done for me! I sing for joy at what you've done!
5 Emirimu gyo nga mikulu, Ayi Mukama; ebirowoozo byo nga tebitegeerekeka!
Lord, what you do is amazing; your thoughts are very profound!
6 Omuntu atalina magezi tamanyi; n’omusirusiru kino tasobola kukitegeera;
Only senseless people and fools don't know and understand this:
7 newaakubadde ng’abakola ebibi baloka ng’omuddo, n’aboonoonyi bonna ne bafuna ebirungi, boolekedde okuzikirira okw’emirembe n’emirembe!
even though the wicked grow up quickly like grass, and even though people who do evil flourish, they will be destroyed forever!
8 Naye ggwe, Ayi Mukama, ogulumizibwa emirembe gyonna.
But you, Lord, rule on high forever.
9 Kubanga abalabe bo, Ayi Mukama, abalabe bo balizikirira, abakola ebibi bonna balisaasaanyizibwa.
Your enemies, Lord, your enemies will die; everyone who does evil will be destroyed!
10 Naye nze wanfuula wa maanyi okwenkana embogo, n’onfukako amafuta amalungi.
But you have made me as powerful as a wild bull; you have anointed me with the best olive oil.
11 Amaaso gaalaba bbugwe ng’agwa ku balabe bange; n’amatu gange gawulidde akabi akatuuse ku abo abanjigganya.
My eyes look with pleasure to see my enemies defeated; my ears have heard the downfall of those who tried to attack me.
12 Abatuukirivu balyegolola ng’enkindu, ne bakula ne bawanvuwa ng’emivule gy’e Lebanooni.
Those who live right flourish like a palm tree; they grow tall like a cedar tree in Lebanon.
13 Egisimbibwa mu nnyumba ya Mukama. Baligimukira mu mpya za Katonda waffe.
They are planted in the house of the Lord; they thrive in the courts of our God.
14 Ne mu bukadde bwabwe balibala ebibala; baliba balamu era abagimu,
Even when they are old they will still produce fruit, staying fresh and green.
15 kiryoke kitegeeze nti, Mukama w’amazima, lwe Lwazi lwange era mu ye temuli butali butuukirivu.
They will declare, “The Lord does what is right! He is my rock! There is no wrong in him!”
