Zabbuli 71
1 Mu ggwe, Ayi Mukama, mwe neekweka, tondeka kuswazibwa.
| בך יהוה חסיתי אל אבושה לעולם׃ |
2 Mu butuukirivu bwo ondokole, omponye; ontegere okutu ondokole.
| בצדקתך תצילני ותפלטני הטה אלי אזנך והושיעני׃ |
3 Onfuukire olwazi obuddukiro bwange, ekifo eky’amaanyi; ondokole kubanga oli lwazi lwange era ekiddukiro kyange.
| היה לי לצור מעון לבוא תמיד צוית להושיעני כי סלעי ומצודתי אתה׃ |
4 Ayi Katonda wange omponye mu mukono gw’ababi, omponye abantu abatali batuukirivu era abakambwe.
| אלהי פלטני מיד רשע מכף מעול וחומץ׃ |
5 Kubanga ggwe, Ayi Mukama, ggwe ssuubi lyange; ggwe, ggwe neesiga, okuviira ddala mu buvubuka bwange.
| כי אתה תקותי אדני יהוה מבטחי מנעורי׃ |
6 Neesiga ggwe kasookedde nzalibwa; ggwe wanziggya mu lubuto lwa mmange. Nnaakutenderezanga ennaku zonna.
| עליך נסמכתי מבטן ממעי אמי אתה גוזי בך תהלתי תמיד׃ |
7 Eri abangi nafuuka; naye ggwe kiddukiro kyange eky’amaanyi.
| כמופת הייתי לרבים ואתה מחסי עז׃ |
8 Akamwa kange kajjudde ettendo lyo, nga ntenda ekitiibwa kyo obudde okuziba.
| ימלא פי תהלתך כל היום תפארתך׃ |
9 Tonsuula mu kiseera kyange eky’obukadde. Tondekerera ng’amaanyi gampweddemu.
| אל תשליכני לעת זקנה ככלות כחי אל תעזבני׃ |
10 Kubanga abalabe bange banjogerako; abo abaagala okunzita bansalira olukwe.
| כי אמרו אויבי לי ושמרי נפשי נועצו יחדו׃ |
11 Bagamba nti, “Katonda amulese, ka tumugobe tumukwate, kubanga taliiko anaamuwonya.”
| לאמר אלהים עזבו רדפו ותפשוהו כי אין מציל׃ |
12 Ayi Katonda, tombera wala, Ayi Katonda wange, yanguwa ojje ombeere.
| אלהים אל תרחק ממני אלהי לעזרתי חישה׃ |
13 Abo abampawaabira bazikirizibwe nga bajjudde ensonyi, abanoonya okunnumya baswale era banyoomebwe.
| יבשו יכלו שטני נפשי יעטו חרפה וכלמה מבקשי רעתי׃ |
14 Naye nze nnaabanga n’essuubi ennaku zonna. Era nneeyongeranga okukutenderezanga.
| ואני תמיד איחל והוספתי על כל תהלתך׃ |
15 Akamwa kange kanaayogeranga ku bikolwa byo eby’obutuukirivu obudde okuziba; nnaayogeranga ku bulokozi bwo, wadde siyinza kubupima.
| פי יספר צדקתך כל היום תשועתך כי לא ידעתי ספרות׃ |
16 Nnaatambuliranga mu maanyi go, Ayi Mukama Katonda, era ne ntegeezanga nti ggwe wekka ggwe mutuukirivu.
| אבוא בגברות אדני יהוה אזכיר צדקתך לבדך׃ |
17 Ayi Katonda, ggwe wanjigiriza okuva mu buvubuka bwange; n’okutuusa leero nkyatenda ebikolwa byo eby’ekitalo.
| אלהים למדתני מנעורי ועד הנה אגיד נפלאותיך׃ |
18 Ne bwe ndiba nga nkaddiye nga mmeze n’envi, tonjabuliranga, Ayi Katonda, okutuusiza ddala nga mmaze okutendera abo abaliddawo amaanyi go amangi, n’okumanyisa emirembe egigenda okujja obuyinza bwo.
| וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃ |
19 N’obutuukirivu bwo, Ayi Katonda, butuuka mu ggulu. Ggw’okoze ebikulu, Ayi Katonda, ani akwenkana?
| וצדקתך אלהים עד מרום אשר עשית גדלות אלהים מי כמוך׃ |
20 Newaakubadde wandeka ne mbonaabona nnyo bwe ntyo, ggw’olinzizaamu obulamu, n’ompa amaanyi amaggya, n’onnyimusa okuva mu kinnya ekiwanvu ennyo wansi w’ensi.
| אשר הראיתנו צרות רבות ורעות תשוב תחיינו ומתהמות הארץ תשוב תעלני׃ |
21 Olinnyongerako ekitiibwa n’oddamu okunsanyusa.
| תרב גדלתי ותסב תנחמני׃ |
22 Nnaakutenderezanga ne nnanga ey’enkoba olw’obwesigwa bwo, Ayi Katonda wange; nnaakutenderezanga n’entongooli, Ayi ggwe Omutukuvu wa Isirayiri.
| גם אני אודך בכלי נבל אמתך אלהי אזמרה לך בכנור קדוש ישראל׃ |
23 Nnaayimusanga eddoboozi lyange olw’essanyu nga nkutendereza, nze gw’onunudde!
| תרננה שפתי כי אזמרה לך ונפשי אשר פדית׃ |
24 Olulimi lwange nalwo lunaayogeranga ku bikolwa byo eby’obutuukirivu obudde okuziba, kubanga abo ababadde baagala okunkola akabi otabuddetabudde enkwe zaabwe ne baswazibwa.
| גם לשוני כל היום תהגה צדקתך כי בשו כי חפרו מבקשי רעתי׃ |
