Zabbuli 63
1 Zabbuli ya Dawudi, bwe yali mu ddungu lya Yuda. Ayi Katonda, oli Katonda wange, nkunoonya n’omutima gwange gwonna; emmeeme yange ekwetaaga, omubiri gwange gwonna gukuyaayaanira, nga nnina ennyonta ng’ali mu nsi enkalu omutali mazzi.
“A psalm of David, when he was in the wilderness of Judah.” O God! thou art my God! earnestly do I seek thee! My soul thirsteth, my flesh longeth for thee, In a dry, thirsty land. where is no water!
2 Nkulabye ng’oli mu kifo kyo ekitukuvu, ne ndaba amaanyi go n’ekitiibwa kyo.
Thus I look toward thee in thy sanctuary, To behold thy power and thy glory!
3 Kubanga okwagala kwo okutaggwaawo kusinga obulamu; akamwa kange kanaakutenderezanga.
For thy loving-kindness is better than life; Therefore my lips shall praise thee!
4 Bwe ntyo nnaakutenderezanga obulamu bwange bwonna; nnaayimusanga emikono gyange mu linnya lyo.
Thus will I bless thee, while I live; In thy name will I lift up my hands!
5 Emmeeme yange enekkutanga ebyassava n’obugagga; nnaayimbanga nga nkutendereza n’emimwa egy’essanyu.
My soul shall be satisfied as with marrow and fatness, And with joyful lips my mouth shall praise thee,
6 Nkujjukira nga ndi ku kitanda kyange, era nkufumiitirizaako mu ssaawa ez’ekiro.
When I think of thee upon my bed, And meditate on thee in the night-watches.
7 Olw’okuba ng’oli mubeezi wange, nnyimba nga ndi mu kisiikirize ky’ebiwaawaatiro byo.
For thou art my help, And in the shadow of thy wings I rejoice.
8 Emmeeme yange yeekwata ku ggwe; omukono gwo ogwa ddyo gumpanirira.
My soul cleaveth to thee; Thy right hand holdeth me up.
9 Naye abo abannoonya okunzita balizikirizibwa, baliserengeta emagombe.
While they who seek to destroy my life Shall themselves go down into the depths of the earth.
10 Balisaanawo n’ekitala; ne bafuuka emmere y’ebibe.
They shall be given up to the sword, And be a portion for jackals.
11 Naye ye kabaka anaajagulizanga mu Katonda; bonna abalayira mu linnya lya Katonda banaatenderezanga Katonda, naye akamwa k’abalimba kalisirisibwa.
But the king shall rejoice in God; All that swear by him shall be honored; But the mouth of liars shall be stopped.
