Zabbuli 55
1 Ya Mukulu wa Bayimbi. Eyimbibwa n’ebivuga eby’enkoba. Zabbuli ya Dawudi. Owulirize okusaba kwange, Ayi Katonda, togaya kwegayirira kwange.
| למנצח בנגינת משכיל לדוד ב האזינה אלהים תפלתי ואל-תתעלם מתחנתי |
2 Ompulire era onziremu, kubanga ndi mu buzibu, nga nsinda olw’okweraliikirira okunene.
| הקשיבה לי וענני אריד בשיחי ואהימה |
3 Mpulira amaloboozi g’abalabe bange; ababi bankanulidde amaaso ne banvuma nga bajjudde obusungu.
| מקול אויב--מפני עקת רשע כי-ימיטו עלי און ובאף ישטמוני |
4 Omutima gwange gulumwa nnyo munda yange; entiisa y’okufa entuukiridde.
| לבי יחיל בקרבי ואימות מות נפלו עלי |
5 Okutya n’okukankana binnumbye; entiisa empitiridde.
| יראה ורעד יבא בי ותכסני פלצות |
6 Ne njogera nti, Singa nnina ebiwaawaatiro ng’ejjiba, nandibuuse ne ŋŋenda mpummulako.
| ואמר--מי-יתן-לי אבר כיונה אעופה ואשכנה |
7 “Nandiraze wala nnyo, ne mbeera eyo mu ddungu;
| הנה ארחיק נדד אלין במדבר סלה |
8 nandiyanguye ne ntuuka mu kifo kyange eky’okuwummuliramu, eteri kibuyaga na mpewo ekunta n’amaanyi.”
| אחישה מפלט לי-- מרוח סעה מסער |
9 Mukama tabulatabula ennimi z’ababi, ozikirize enkwe zaabwe; kubanga ndaba obukambwe n’okulwanagana mu kibuga.
| בלע אדני פלג לשונם כי-ראיתי חמס וריב בעיר |
10 Beetooloola bbugwe waakyo emisana n’ekiro, ne munda mu kyo mujjudde ettima n’ebikolwa ebibi.
| יומם ולילה--יסובבה על-חומתיה ואון ועמל בקרבה |
11 Obutemu n’obussi obwa buli ngeri biri mu kibuga omwo. Buli lw’oyita mu nguudo zaakyo osanga bulimba bwereere na kutiisibwatiisibwa.
| הוות בקרבה ולא-ימיש מרחבה תך ומרמה |
12 Singa omulabe wange y’abadde anvuma, nandikigumiikirizza; singa oyo atakkiriziganya nange y’annumbaganye n’anduulira, nandimwekwese.
| כי לא-אויב יחרפני ואשא לא-משנאי עלי הגדיל ואסתר ממנו |
13 Naye ggwe munnange, bwe tuyita, era mukwano gwange ddala!
| ואתה אנוש כערכי אלופי ומידעי |
14 Gwe twabanga naye mu ssanyu ng’abooluganda, nga tutambulira mu kibiina ekinene mu nnyumba ya Katonda.
| אשר יחדו נמתיק סוד בבית אלהים נהלך ברגש |
15 Okufa kubatuukirire, bakke emagombe nga bakyali balamu; kubanga bajjudde okukola ebibi. (Sheol h7585)
| ישימות (ישי מות) עלימו--ירדו שאול חיים כי-רעות במגורם בקרבם (Sheol h7585) |
16 Naye nze nkoowoola Mukama Katonda, n’andokola.
| אני אל-אלהים אקרא ויהוה יושיעני |
17 Ekiro, ne mu makya ne mu ttuntu, ndaajana nga bwe nsinda; n’awulira eddoboozi lyange.
| ערב ובקר וצהרים אשיחה ואהמה וישמע קולי |
18 Amponyezza mu lutalo nga siriiko kintuseeko newaakubadde ng’abannwanyisizza babadde bangi.
| פדה בשלום נפשי מקרב-לי כי-ברבים היו עמדי |
19 Katonda oyo atudde ku ntebe ye ebbanga lyonna, aliwulira n’ababonereza abo abatakyusa makubo gaabwe era abatatya Katonda.
| ישמע אל ויענם-- וישב קדם סלה אשר אין חליפות למו ולא יראו אלהים |
20 Agololera emikono gye ku mikwano gye; n’amenya endagaano ye.
| שלח ידיו בשלמיו חלל בריתו |
21 By’ayogera bigonvu okusinga omuzigo, so nga mu mutima gwe alowooza lutalo; ebigambo bye biweweera okusinga amafuta, so nga munda mu mutima gwe asowodde bitala byennyini.
| חלקו מחמאת פיו-- וקרב-לבו רכו דבריו משמן והמה פתחות |
22 Ebizibu byo byonna bireete eri Mukama, ajja kukuwanirira; kubanga talireka mutuukirivu kugwa.
| השלך על-יהוה יהבך-- והוא יכלכלך לא-יתן לעולם מוט-- לצדיק |
23 Naye ggwe, Ayi Katonda, olisuula abakola ebibi mu kinnya eky’okuzikirira; era abatemu n’abalimba bonna tebagenda kuwangaala kimu kyakubiri eky’obulamu bwabwe. Naye nze, neesiga ggwe.
| ואתה אלהים תורדם לבאר שחת-- אנשי דמים ומרמה לא-יחצו ימיהם ואני אבטח-בך |
