Zabbuli 20

1 Ya Mukulu wa Bayimbi. Zabbuli ya Dawudi. Mukama akwanukulenga ng’oli mu buzibu. Erinnya lya Katonda wa Yakobo likukuumenga.

למנצח מזמור לדוד יענך יהוה ביום צרה ישגבך שם אלהי יעקב׃

2 Akuweerezenga obuyambi obuva mu kifo kye ekitukuvu; akudduukirirenga okuva ku lusozi Sayuuni.

ישלח עזרך מקדש ומציון יסעדך׃

3 Ajjukirenga ssaddaaka zo zonna z’omuwa, era asiimenga ebiweebwayo byo ebyokebwa.

יזכר כל מנחתך ועולתך ידשנה סלה׃

4 Akuwenga omutima gwo bye gwetaaga, era atuukirizenga by’oteekateeka byonna.

יתן לך כלבבך וכל עצתך ימלא׃

5 Tulijaganya olw’obuwanguzi bwo, ne tuwuuba ebendera zaffe mu linnya lya Katonda waffe. Mukama akuwenga byonna by’omusaba.

נרננה בישועתך ובשם אלהינו נדגל ימלא יהוה כל משאלותיך׃

6 Kaakano ntegedde nga Mukama awanguza oyo gwe yafukako amafuta, amwanukula ng’amuwa obuwanguzi n’omukono gwe ogwa ddyo, ng’asinziira mu ggulu lye ettukuvu.

עתה ידעתי כי הושיע יהוה משיחו יענהו משמי קדשו בגברות ישע ימינו׃

7 Abamu beesiga amagaali, n’abalala beesiga embalaasi, naye ffe twesiga erinnya lya Mukama Katonda waffe.

אלה ברכב ואלה בסוסים ואנחנו בשם יהוה אלהינו נזכיר׃

8 Batalantuka ne bagwa wansi ne balemerawo, naye ffe tugolokoka ne tuyimirira nga tuli banywevu.

המה כרעו ונפלו ואנחנו קמנו ונתעודד׃

9 Ayi Mukama, lokola kabaka, otwanukule bwe tukukoowoola.

יהוה הושיעה המלך יעננו ביום קראנו׃