Zabbuli 2
1 Lwaki amawanga geegugunga n’abantu ne bateganira obwereere okusala enkwe?
Why do the nations rage, and the peoples plot in vain?
2 Bakabaka ab’ensi bakuŋŋaanye, n’abafuzi ne bateeseza wamu ku Mukama ne ku Kristo we, nga bagamba nti,
The kings of the earth take a stand, and the rulers take counsel together, against YHWH, and against his Anointed:
3 “Ka tukutule enjegere zaabwe, era tweyambulemu ekikoligo kyabwe.”
"Let's tear off their shackles, and throw off their ropes from us."
4 Naye Katonda oyo atuula mu ggulu, abasekerera busekerezi, n’enkwe zaabwe ezitaliimu zimusesa.
The one who sits in the heavens laughs. YHWH scoffs at them.
5 N’alyoka abanenya ng’ajjudde obusungu, n’abatiisa nnyo ng’aswakidde.
Then he will speak to them in his anger, and terrify them in his wrath:
6 N’abagamba nti, “Ddala ddala nateekawo kabaka owange ku lusozi lwange Sayuuni olutukuvu.”
"But I myself have installed my king on Zion, my holy mountain."
7 Nzija kulangirira ekiragiro kya Mukama: kubanga yaŋŋamba nti, “Ggwe oli Mwana wange, olwa leero nfuuse kitaawo.
I will tell of the decree. YHWH said to me, "You are my son. Today I have become your father.
8 Nsaba, nange ndikuwa amawanga gonna okuba obusika bwo, era n’ensi yonna gy’ekoma okuba amatwale go.
Ask of me, and I will give the nations as your inheritance, and the farthest parts of the earth for your possession.
9 Olibafugisa omuggo ogw’ekyuma, era olibabetenta ng’entamu y’omubumbi.”
You shall rule them with an iron scepter. You shall dash them in pieces like a potter's vessel."
10 Kale nno mubeere n’amagezi mmwe bakabaka; muyige okulabulwa mmwe abafuzi b’ensi.
Now therefore, you kings, be wise; receive correction, you judges of the earth.
11 Muweereze Mukama nga mumutya, era musanyuke n’okukankana.
Serve YHWH with fear, and rejoice with trembling.
12 Mwanirize Omwana, mumusembeze Mukama aleme okubasunguwalira n’okubazikiriza nga muli mu kkubo lyammwe; kubanga obusungu bwe bubuubuuka mangu. Kyokka bonna abaddukira gy’ali balina omukisa.
Do homage in purity, lest he be angry, and you perish in the way, when his anger is suddenly kindled. Blessed are all those who take refuge in him.
