Zabbuli 2
1 Lwaki amawanga geegugunga n’abantu ne bateganira obwereere okusala enkwe?
Wherefore do nations rage, and people meditate a vain thing?
2 Bakabaka ab’ensi bakuŋŋaanye, n’abafuzi ne bateeseza wamu ku Mukama ne ku Kristo we, nga bagamba nti,
The kings of the earth raise themselves up, and rulers take counsel together, against the Lord, and against his anointed:
3 “Ka tukutule enjegere zaabwe, era tweyambulemu ekikoligo kyabwe.”
“Let us break asunder their bands, and cast away from us their cords.”
4 Naye Katonda oyo atuula mu ggulu, abasekerera busekerezi, n’enkwe zaabwe ezitaliimu zimusesa.
He who dwelleth in the heavens will laugh: the Lord will hold them in derision.
5 N’alyoka abanenya ng’ajjudde obusungu, n’abatiisa nnyo ng’aswakidde.
Then will he speak unto them in his anger, and in his displeasure will he terrify them.
6 N’abagamba nti, “Ddala ddala nateekawo kabaka owange ku lusozi lwange Sayuuni olutukuvu.”
[Saying, ] Yet have I appointed my king upon Zion my holy mount.
7 Nzija kulangirira ekiragiro kya Mukama: kubanga yaŋŋamba nti, “Ggwe oli Mwana wange, olwa leero nfuuse kitaawo.
I will announce the decree, the Lord hath said unto me, “My son art thou: I have indeed this day begotten thee.
8 Nsaba, nange ndikuwa amawanga gonna okuba obusika bwo, era n’ensi yonna gy’ekoma okuba amatwale go.
Ask it of me, and I will give thee nations for an inheritance, and for thy possession the uttermost ends of the earth.
9 Olibafugisa omuggo ogw’ekyuma, era olibabetenta ng’entamu y’omubumbi.”
Thou shalt break them with a rod of iron; like a potter's vessel shalt thou dash them in pieces.”
10 Kale nno mubeere n’amagezi mmwe bakabaka; muyige okulabulwa mmwe abafuzi b’ensi.
And now, O ye kings, be wise: take warning, ye judges of the earth.
11 Muweereze Mukama nga mumutya, era musanyuke n’okukankana.
Serve the Lord with fear, and rejoice with trembling.
12 Mwanirize Omwana, mumusembeze Mukama aleme okubasunguwalira n’okubazikiriza nga muli mu kkubo lyammwe; kubanga obusungu bwe bubuubuuka mangu. Kyokka bonna abaddukira gy’ali balina omukisa.
Do homage to the son, lest he be angry, and ye be lost on the way; for his wrath is so speedily kindled. Happy are all they that put their trust in him.
