Zabbuli 2
1 Lwaki amawanga geegugunga n’abantu ne bateganira obwereere okusala enkwe?
Why do the nations rage, and the peoples plot a vain thing?
2 Bakabaka ab’ensi bakuŋŋaanye, n’abafuzi ne bateeseza wamu ku Mukama ne ku Kristo we, nga bagamba nti,
The kings of the earth take a stand, and the rulers take counsel together, against the LORD, and against his Anointed, saying,
3 “Ka tukutule enjegere zaabwe, era tweyambulemu ekikoligo kyabwe.”
“Let’s break their bonds apart, and cast their cords from us.”
4 Naye Katonda oyo atuula mu ggulu, abasekerera busekerezi, n’enkwe zaabwe ezitaliimu zimusesa.
He who sits in the heavens will laugh. The Lord will have them in derision.
5 N’alyoka abanenya ng’ajjudde obusungu, n’abatiisa nnyo ng’aswakidde.
Then he will speak to them in his anger, and terrify them in his wrath:
6 N’abagamba nti, “Ddala ddala nateekawo kabaka owange ku lusozi lwange Sayuuni olutukuvu.”
“Yet I have set my King on my holy hill of Zion.”
7 Nzija kulangirira ekiragiro kya Mukama: kubanga yaŋŋamba nti, “Ggwe oli Mwana wange, olwa leero nfuuse kitaawo.
I will tell of the decree: The LORD said to me, “You are my son. Today I have become your father.
8 Nsaba, nange ndikuwa amawanga gonna okuba obusika bwo, era n’ensi yonna gy’ekoma okuba amatwale go.
Ask of me, and I will give the nations for your inheritance, the uttermost parts of the earth for your possession.
9 Olibafugisa omuggo ogw’ekyuma, era olibabetenta ng’entamu y’omubumbi.”
You shall break them with a rod of iron. You shall dash them in pieces like a potter’s vessel.”
10 Kale nno mubeere n’amagezi mmwe bakabaka; muyige okulabulwa mmwe abafuzi b’ensi.
Now therefore be wise, you kings. Be instructed, you judges of the earth.
11 Muweereze Mukama nga mumutya, era musanyuke n’okukankana.
Serve the LORD with fear, and rejoice with trembling.
12 Mwanirize Omwana, mumusembeze Mukama aleme okubasunguwalira n’okubazikiriza nga muli mu kkubo lyammwe; kubanga obusungu bwe bubuubuuka mangu. Kyokka bonna abaddukira gy’ali balina omukisa.
Give sincere homage to the Son, lest he be angry, and you perish on the way, for his wrath will soon be kindled. Blessed are all those who take refuge in him.
