Zabbuli 148
1 Mutendereze Mukama! Mumutendereze nga musinziira mu ggulu, mumutenderereze mu bifo ebiri waggulu.
Praise Yahweh. Praise Yahweh, you in the heavens; praise him, you in the heights.
2 Mumutendereze mmwe mwenna bamalayika be, mumutendereze mmwe mwenna eggye lye ery’omu ggulu.
Praise him, all his angels; praise him, all his hosts.
3 Mmwe enjuba n’omwezi mutendereze Mukama, nammwe mwenna emmunyeenye ezaaka mumutendereze.
Praise him, sun and moon; praise him, all you shining stars.
4 Tendereza Mukama ggwe eggulu eriri waggulu ennyo, naawe amazzi agali waggulu w’eggulu.
Praise him, highest heaven and you waters that are above the sky.
5 Leka byonna bitendereze erinnya lya Mukama! Kubanga ye yalagira, ne bitondebwa.
Let them praise the name of Yahweh, for he gave the command, and they were created.
6 Yabinywereza ddala mu bifo byabyo ennaku zonna, n’ateekawo etteeka eritaliggwaawo.
He has also established them forever and ever; he issued a decree that will never change.
7 Mumutendereze nga musinziira ku nsi, mmwe balukwata n’ebifo byonna eby’omu buziba bw’ennyanja,
Praise him from the earth, you sea monsters and all ocean depths,
8 mmwe okumyansa, n’omuzira ogw’amakerenda, n’omuzira ogukutte era n’olufu, naawe kikuŋŋunta, mugondere ekiragiro kye,
fire and hail, snow and clouds, stormy wind fulfilling his word.
9 mmwe agasozi n’obusozi, emiti egy’ebibala n’emivule;
Praise him, mountains and all hills, fruit trees and all cedars,
10 ensolo ez’omu nsiko era n’ente zonna, ebyewalula n’ebinyonyi ebibuuka,
animals wild and tame, creatures that crawl and birds.
11 bakabaka b’ensi n’amawanga gonna, abalangira n’abafuzi bonna ab’ensi,
Praise Yahweh, kings of the earth and all nations, princes and all who govern on the earth,
12 abavubuka abalenzi n’abawala; abantu abakulu n’abaana abato.
both young men and young women, elderly and children.
13 Bitendereze erinnya lya Mukama, kubanga erinnya lye lyokka lye ligulumizibwa; ekitiibwa kye kisinga byonna eby’omu nsi n’eby’omu ggulu.
Let them all praise the name of Yahweh, for his name alone is exalted and his glory extends over the earth and the heavens.
14 Abantu be abawadde amaanyi, era agulumizizza abatukuvu be, be bantu be Isirayiri abakolagana naye. Mutendereze Mukama.
He has lifted up the horn of his people for praise from all his faithful ones, the Israelites, the people near to him. Praise Yahweh.
