Zabbuli 148
1 Mutendereze Mukama! Mumutendereze nga musinziira mu ggulu, mumutenderereze mu bifo ebiri waggulu.
Praise ye Jehovah. Praise ye Jehovah from the heavens. Praise him in the heights.
2 Mumutendereze mmwe mwenna bamalayika be, mumutendereze mmwe mwenna eggye lye ery’omu ggulu.
Praise ye him, all his agents. Praise ye him, all his host.
3 Mmwe enjuba n’omwezi mutendereze Mukama, nammwe mwenna emmunyeenye ezaaka mumutendereze.
Praise ye him, sun and moon. Praise him, all ye stars of light.
4 Tendereza Mukama ggwe eggulu eriri waggulu ennyo, naawe amazzi agali waggulu w’eggulu.
Praise him, ye heavens of heavens, and ye waters that are above the heavens.
5 Leka byonna bitendereze erinnya lya Mukama! Kubanga ye yalagira, ne bitondebwa.
Let them praise the name of Jehovah. For he commanded, and they were created.
6 Yabinywereza ddala mu bifo byabyo ennaku zonna, n’ateekawo etteeka eritaliggwaawo.
He has also established them forever and ever. He has made a decree which shall not pass away.
7 Mumutendereze nga musinziira ku nsi, mmwe balukwata n’ebifo byonna eby’omu buziba bw’ennyanja,
Praise Jehovah from the earth, ye sea-monsters, and all deeps,
8 mmwe okumyansa, n’omuzira ogw’amakerenda, n’omuzira ogukutte era n’olufu, naawe kikuŋŋunta, mugondere ekiragiro kye,
fire and hail, snow and vapor, stormy wind, fulfilling his word,
9 mmwe agasozi n’obusozi, emiti egy’ebibala n’emivule;
mountains and all hills, fruitful trees and all cedars,
10 ensolo ez’omu nsiko era n’ente zonna, ebyewalula n’ebinyonyi ebibuuka,
beasts and all cattle, creeping things and flying birds,
11 bakabaka b’ensi n’amawanga gonna, abalangira n’abafuzi bonna ab’ensi,
kings of the earth and all peoples, rulers and all judges of the earth,
12 abavubuka abalenzi n’abawala; abantu abakulu n’abaana abato.
both young men and virgins, old men and sons.
13 Bitendereze erinnya lya Mukama, kubanga erinnya lye lyokka lye ligulumizibwa; ekitiibwa kye kisinga byonna eby’omu nsi n’eby’omu ggulu.
Let them praise the name of Jehovah, for his name alone is exalted. His glory is above the earth and the heavens.
14 Abantu be abawadde amaanyi, era agulumizizza abatukuvu be, be bantu be Isirayiri abakolagana naye. Mutendereze Mukama.
And he has lifted up the horn of his people, the praise of all his sanctified, even of the sons of Israel, a people near to him. Praise ye Jehovah.
