Zabbuli 145
1 Oluyimba lwa Dawudi olw’okutendereza. Nnaakugulumizanga ggwe Katonda wange, era Kabaka wange; era nnaatenderezanga erinnya lyo buli lunaku emirembe n’emirembe.
| תהלה לדוד ארוממך אלוהי המלך ואברכה שמך לעולם ועד׃ |
2 Nnaakutenderezanga buli lunaku; era nnaasuutanga erinnya lyo emirembe n’emirembe.
| בכל יום אברכך ואהללה שמך לעולם ועד׃ |
3 Mukama mukulu, wa kitiibwa, era asaanira okutenderezebwanga ennyo, n’obukulu bwe tebwogerekeka.
| גדול יהוה ומהלל מאד ולגדלתו אין חקר׃ |
4 Buli mulembe gunaatenderanga gunnaagwo ebikolwa byo, era gunaatendanga emirimu gyo egy’amaanyi.
| דור לדור ישבח מעשיך וגבורתיך יגידו׃ |
5 Nnaatendanga obukulu n’obulungi bw’ekitiibwa kyo, era nnaafumiitirizanga ku bikolwa byo ebyewuunyisa.
| הדר כבוד הודך ודברי נפלאותיך אשיחה׃ |
6 Abantu banaatendanga amaanyi g’ebikolwa byo eby’ekitalo, nange nnaatendanga obukulu bwo obw’ekitiibwa.
| ועזוז נוראתיך יאמרו וגדולתיך אספרנה׃ |
7 Banaayogeranga ku bulungi bwo obw’ekitalo nga bajaguza; era banaayimbanga olw’obutuukirivu bwo.
| זכר רב טובך יביעו וצדקתך ירננו׃ |
8 Mukama wa kisa, ajudde okusaasira, alwawo okusunguwala era ajudde okwagala okutaggwaawo.
| חנון ורחום יהוה ארך אפים וגדל חסד׃ |
9 Mukama mulungi eri buli muntu, era okusaasira kwe kubuna byonna bye yatonda.
| טוב יהוה לכל ורחמיו על כל מעשיו׃ |
10 Byonna bye watonda binaakutenderezanga, Ayi Mukama; n’abatukuvu bo banaakugulumizanga.
| יודוך יהוה כל מעשיך וחסידיך יברכוכה׃ |
11 Banaayogeranga ku kitiibwa ky’obwakabaka bwo, era banaatendanga amaanyi go.
| כבוד מלכותך יאמרו וגבורתך ידברו׃ |
12 Balyoke bategeeze abantu bonna ebikolwa byo eby’amaanyi, n’ekitiibwa ky’obukulu obw’obwakabaka bwo.
| להודיע לבני האדם גבורתיו וכבוד הדר מלכותו׃ |
13 Obwakabaka bwo, bwakabaka bwa lubeerera, n’obufuzi bwo bwa mirembe na mirembe. Mukama by’ayogera byonna bya bwesigwa, n’ebikolwa bye bijjudde okusaasira.
| מלכותך מלכות כל עלמים וממשלתך בכל דור ודור׃ |
14 Mukama awanirira abo bonna abazitoowereddwa, era ayimusa bonna abagwa.
| סומך יהוה לכל הנפלים וזוקף לכל הכפופים׃ |
15 Amaaso g’abantu bonna gatunuulira ggwe, Ayi Mukama, era bonna gw’obawa ebyokulya mu biseera byabyo.
| עיני כל אליך ישברו ואתה נותן להם את אכלם בעתו׃ |
16 Oyanjuluza engalo zo, ebiramu byonna n’obigabira bye byetaaga ne bikkuta.
| פותח את ידך ומשביע לכל חי רצון׃ |
17 Mukama mutuukirivu mu bikolwa bye byonna era ayagala byonna bye yatonda.
| צדיק יהוה בכל דרכיו וחסיד בכל מעשיו׃ |
18 Mukama abeera kumpi n’abo bonna abamukoowoola; abo bonna abamukoowoola mu mazima.
| קרוב יהוה לכל קראיו לכל אשר יקראהו באמת׃ |
19 Abo bonna abamussaamu ekitiibwa abawa bye baagala, era awulira okukaaba kwabwe n’abawonya.
| רצון יראיו יעשה ואת שועתם ישמע ויושיעם׃ |
20 Mukama akuuma bonna abamwagala, naye abakola ebibi alibazikiriza.
| שומר יהוה את כל אהביו ואת כל הרשעים ישמיד׃ |
21 Akamwa kange kanaatenderezanga Mukama, era na buli kitonde kinaatenderezanga erinnya lye ettukuvu emirembe n’emirembe.
| תהלת יהוה ידבר פי ויברך כל בשר שם קדשו לעולם ועד׃ |
