Zabbuli 122

1 Oluyimba nga balinnya amadaala. Lwa Dawudi. Nasanyuka bwe baŋŋamba nti, “Tugende mu nnyumba ya Mukama!”

A Song of Ascents. By David. I was glad when they said to me, “Let’s go to the LORD’s house!”

2 Ebigere byaffe biyimiridde mu miryango gyo, Ayi Yerusaalemi.

Our feet are standing within your gates, Jerusalem!

3 Yerusaalemi yazimbibwa okuba ekibuga ekinywevu ekiyimiridde awamu.

Jerusalem is built as a city that is compact together,

4 Eyo ebika byonna gye biraga, ebika bya Mukama, okutendereza erinnya lya Mukama ng’ebiragiro ebyaweebwa Isirayiri bwe biri.

where the tribes go up, even the LORD’s tribes, according to an ordinance for Israel, to give thanks to the LORD’s name.

5 Eyo entebe ez’okusalirako emisango gye zaateekebwa; z’entebe ez’obwakabaka ez’ennyumba ya Dawudi.

For there are set thrones for judgment, the thrones of David’s house.

6 Musabirenga Yerusaalemi emirembe: “Abo abakwagala bafune ebirungi.

Pray for the peace of Jerusalem. Those who love you will prosper.

7 Emirembe gibeerenga munda w’ebisenge byo; n’amayumba go amanene gabeerenga n’omukisa era nga manywevu.”

Peace be within your walls, and prosperity within your palaces.

8 Olwa baganda bange ne mikwano gyange nnaayogeranga nti, “Emirembe gibeerenga mu ggwe.”

For my brothers’ and companions’ sakes, I will now say, “Peace be within you.”

9 Olw’obulungi bw’ennyumba ya Mukama Katonda waffe, nnaanoonyanga okukulaakulana kwa Yerusaalemi.

For the sake of the house of the LORD our God, I will seek your good.