Zabbuli 119
1 Balina omukisa abo abatambulira mu butuukirivu; abatambulira mu mateeka ga Mukama.
| אשרי תמימי דרך ההלכים בתורת יהוה׃ |
2 Balina omukisa abo abagondera ebiragiro bye, era abanoonya Mukama n’omutima gwabwe gwonna.
| אשרי נצרי עדתיו בכל לב ידרשוהו׃ |
3 Abo abatasobya, era abatambulira mu makubo ge.
| אף לא פעלו עולה בדרכיו הלכו׃ |
4 Ggwe wateekawo ebiragiro byo; n’olagira bigonderwenga n’obwegendereza bungi.
| אתה צויתה פקדיך לשמר מאד׃ |
5 Ayi Mukama, nsaba mbeerenga munywevu bulijjo; nga nkuuma bye walagira.
| אחלי יכנו דרכי לשמר חקיך׃ |
6 Bwe ntyo siriswazibwa, amaaso gange nga ngasimbye ku ebyo bye walagira byonna.
| אז לא אבוש בהביטי אל כל מצותיך׃ |
7 Nga njiga ebiragiro byo ebitukuvu, nnaakutenderezanga n’omutima omulungi.
| אודך בישר לבב בלמדי משפטי צדקך׃ |
8 Nnaakwatanga amateeka go; Ayi Mukama, tonsuulira ddala.
| את חקיך אשמר אל תעזבני עד מאד׃ |
9 Omuvubuka anaakuumanga atya ekkubo lye nga ttereevu? Anaalikuumanga ng’agoberera ekigambo kyo nga bwe kiri.
| במה יזכה נער את ארחו לשמר כדברך׃ |
10 Nkunoonya n’omutima gwange gwonna; tonzikiriza kuva ku mateeka go.
| בכל לבי דרשתיך אל תשגני ממצותיך׃ |
11 Ntadde ekigambo kyo mu mutima gwange; ndyoke nneme okwonoona.
| בלבי צפנתי אמרתך למען לא אחטא לך׃ |
12 Ogulumizibwe, Ayi Mukama; onjigirize amateeka go.
| ברוך אתה יהוה למדני חקיך׃ |
13 Njatula n’akamwa kange amateeka go gonna ge walagira.
| בשפתי ספרתי כל משפטי פיך׃ |
14 Nsanyukira okugondera ebiragiro byo, ng’asanyukira eby’obugagga.
| בדרך עדותיך ששתי כעל כל הון׃ |
15 Nnaafumiitirizanga ku biragiro byo, ne nzisaayo omwoyo ku makubo go.
| בפקדיך אשיחה ואביטה ארחתיך׃ |
16 Nnaasanyukiranga amateeka go, era siigeerabirenga.
| בחקתיך אשתעשע לא אשכח דברך׃ |
17 Omuddu wo omukolere ebirungi, mbe omulamu, ngobererenga ekigambo kyo.
| גמל על עבדך אחיה ואשמרה דברך׃ |
18 Ozibule amaaso gange, nsobole okulaba eby’ekitalo ebiri mu mateeka go.
| גל עיני ואביטה נפלאות מתורתך׃ |
19 Nze ndi muyise ku nsi; tonkisa bye walagira.
| גר אנכי בארץ אל תסתר ממני מצותיך׃ |
20 Bulijjo emmeeme yange eyaayaanira amateeka go.
| גרסה נפשי לתאבה אל משפטיך בכל עת׃ |
21 Onenya ab’amalala, abaakolimirwa, abaleka amateeka go.
| גערת זדים ארורים השגים ממצותיך׃ |
22 Mponya okuduula kwabwe n’okunyooma kwabwe; kubanga bye walagira mbigondera.
| גל מעלי חרפה ובוז כי עדתיך נצרתי׃ |
23 Newaakubadde ng’abalangira bansalira enkwe; naye nze, omuweereza wo, nnaafumiitirizanga ku biragiro byo.
| גם ישבו שרים בי נדברו עבדך ישיח בחקיך׃ |
24 Amateeka go lye ssanyu lyange, era ge gannuŋŋamya.
| גם עדתיך שעשעי אנשי עצתי׃ |
25 Nzigweddemu amaanyi, ndi wansi mu nfuufu; nkusaba onzizeemu endasi ng’ekigambo kyo bwe kiri.
| דבקה לעפר נפשי חיני כדברך׃ |
26 Nakutegeeza bye nteesezza okukola, n’onnyanukula; onjigirize amateeka go.
| דרכי ספרתי ותענני למדני חקיך׃ |
27 Njigiriza amateeka go bye gagamba, nange nnaafumiitirizanga ku byamagero byo.
| דרך פקודיך הבינני ואשיחה בנפלאותיך׃ |
28 Emmeeme empweddemu ensa olw’okunakuwala; onzizeemu amaanyi ng’ekigambo kyo bwe kiri.
| דלפה נפשי מתוגה קימני כדברך׃ |
29 Nzigiraako ddala ebyo ebitali bya butuukirivu; olw’ekisa kyo njigiriza amateeka go.
| דרך שקר הסר ממני ותורתך חנני׃ |
30 Nonzeewo okubeera omwesigwa; ntambulire mu ebyo bye walagira.
| דרך אמונה בחרתי משפטיך שויתי׃ |
31 Nnyweredde ku biragiro byo, Ayi Mukama, tondeka kuswazibwa.
| דבקתי בעדותיך יהוה אל תבישני׃ |
32 Bw’onoosumulula omutima gwange, nnaatambuliranga mu makubo go ng’ebiragiro byo bwe biri.
| דרך מצותיך ארוץ כי תרחיב לבי׃ |
33 Njigiriza, Ayi Mukama, okugonderanga ebiragiro byo; ndyoke mbinywezenga ennaku zonna ez’obulamu bwange.
| הורני יהוה דרך חקיך ואצרנה עקב׃ |
34 Mpa okutegeera ndyoke nkuume amateeka go era ngakwate n’omutima gwange gwonna.
| הבינני ואצרה תורתך ואשמרנה בכל לב׃ |
35 Ntambuliza mu mateeka go, kubanga mwe nsanyukira.
| הדריכני בנתיב מצותיך כי בו חפצתי׃ |
36 Okyuse omutima gwange ogulaze eri ebyo bye walagira; so si eri eby’okufuna ebitaliimu.
| הט לבי אל עדותיך ואל אל בצע׃ |
37 Kyusa amaaso gange galeme okunneegombesa ebitaliimu; obulamu bwange obufuule obuggya ng’ekigambo kyo bwe kiri.
| העבר עיני מראות שוא בדרכך חיני׃ |
38 Tuukiriza kye wasuubiza omuddu wo, kubanga ekyo kye wasuubiza abo abakutya.
| הקם לעבדך אמרתך אשר ליראתך׃ |
39 Nziggyako okunyoomebwa kuno kwe ntya, kubanga ebiragiro byo birungi.
| העבר חרפתי אשר יגרתי כי משפטיך טובים׃ |
40 Laba, njayaanira ebiragiro byo; onkomyewo mu butuukirivu bwo.
| הנה תאבתי לפקדיך בצדקתך חיני׃ |
41 Okwagala kwo okutaggwaawo kujje gye ndi, Ayi Mukama; ompe obulokozi bwo nga bwe wasuubiza;
| ויבאני חסדך יהוה תשועתך כאמרתך׃ |
42 ndyoke mbeere n’eky’okwanukula abo abambonyaabonya; kubanga neesiga kigambo kyo.
| ואענה חרפי דבר כי בטחתי בדברך׃ |
43 Toganya kigambo ekitali kya mazima okuva mu kamwa kange; kubanga essuubi lyange liri mu ebyo bye walagira.
| ואל תצל מפי דבר אמת עד מאד כי למשפטך יחלתי׃ |
44 Nnaagonderanga amateeka go ennaku zonna, emirembe n’emirembe.
| ואשמרה תורתך תמיד לעולם ועד׃ |
45 Era nnaatambulanga n’emirembe, kubanga ngoberedde ebyo bye walagira.
| ואתהלכה ברחבה כי פקדיך דרשתי׃ |
46 Era nnaayogeranga ku biragiro by’omu maaso ga bakabaka, nga sikwatibwa nsonyi.
| ואדברה בעדתיך נגד מלכים ולא אבוש׃ |
47 Kubanga nsanyukira amateeka go, era ngaagala.
| ואשתעשע במצותיך אשר אהבתי׃ |
48 Nzisaamu nnyo ekitiibwa ebiragiro byo era mbyagala. Nnaafumiitirizanga ku mateeka go.
| ואשא כפי אל מצותיך אשר אהבתי ואשיחה בחקיך׃ |
49 Jjukira ekigambo kye wansuubiza, nze omuddu wo, kubanga gwe wampa essuubi.
| זכר דבר לעבדך על אשר יחלתני׃ |
50 Ekiwummuza omutima gwange nga ndi mu bulumi kye kisuubizo kyo ekimpa obulamu.
| זאת נחמתי בעניי כי אמרתך חיתני׃ |
51 Ab’amalala banduulira obutamala, naye nze siva ku mateeka go.
| זדים הליצני עד מאד מתורתך לא נטיתי׃ |
52 Bwe ndowooza ku biragiro byo eby’edda, Ayi Mukama, biwummuza omutima gwange.
| זכרתי משפטיך מעולם יהוה ואתנחם׃ |
53 Nkyawa nnyo abakola ebibi, abaleka amateeka go.
| זלעפה אחזתני מרשעים עזבי תורתך׃ |
54 Ebiragiro byo binfuukidde ennyimba buli we nsula nga ndi mu lugendo lwange.
| זמרות היו לי חקיך בבית מגורי׃ |
55 Mu kiro nzijukira erinnya lyo, Ayi Mukama, ne neekuuma amateeka go.
| זכרתי בלילה שמך יהוה ואשמרה תורתך׃ |
56 Olw’okukugonderanga nfunye emikisa gyo mingi.
| זאת היתה לי כי פקדיך נצרתי׃ |
57 Ggwe mugabo gwange, Ayi Mukama; nasuubiza okukugonderanga.
| חלקי יהוה אמרתי לשמר דבריך׃ |
58 Nkwegayirira n’omutima gwange gwonna, ondage ekisa kyo nga bwe wasuubiza.
| חליתי פניך בכל לב חנני כאמרתך׃ |
59 Bwe ndabye amakubo amakyamu ge nkutte, ne nkyuka okugoberera ebiragiro byo.
| חשבתי דרכי ואשיבה רגלי אל עדתיך׃ |
60 Nyanguwa nnyo okugondera amateeka go, so seekunya.
| חשתי ולא התמהמהתי לשמר מצותיך׃ |
61 Newaakubadde ng’emiguwa gy’ababi ginsibye, naye seerabirenga mateeka go.
| חבלי רשעים עודני תורתך לא שכחתי׃ |
62 Nzuukuka mu ttumbi okukwebaza, olw’ebiragiro byo ebituukirivu.
| חצות לילה אקום להודות לך על משפטי צדקך׃ |
63 Ntambula n’abo abakutya, abo bonna abakwata amateeka go.
| חבר אני לכל אשר יראוך ולשמרי פקודיך׃ |
64 Ensi, Ayi Mukama, ejjudde okwagala kwo; onjigirize amateeka go.
| חסדך יהוה מלאה הארץ חקיך למדני׃ |
65 Okoze bulungi omuddu wo, Ayi Mukama, ng’ekigambo kyo bwe kiri.
| טוב עשית עם עבדך יהוה כדברך׃ |
66 Njigiriza okumanya n’okwawula ekirungi n’ekibi, era ompe okumanya; kubanga nzikiririza mu mateeka go.
| טוב טעם ודעת למדני כי במצותיך האמנתי׃ |
67 Bwe wali tonnambonereza nakyama nnyo, naye kaakano ŋŋondera ekigambo kyo.
| טרם אענה אני שגג ועתה אמרתך שמרתי׃ |
68 Ayi Mukama, oli mulungi era okola ebirungi; onjigirize amateeka go.
| טוב אתה ומטיב למדני חקיך׃ |
69 Ab’amalala banjogeddeko nnyo eby’obulimba, naye nze nkwata ebyo bye walagira, n’omutima gwange gwonna.
| טפלו עלי שקר זדים אני בכל לב אצר פקודיך׃ |
70 Omutima gwabwe gugezze ne gusavuwala; naye nze nsanyukira amateeka go.
| טפש כחלב לבם אני תורתך שעשעתי׃ |
71 Okubonerezebwa kwangasa, ndyoke njige amateeka go.
| טוב לי כי עניתי למען אלמד חקיך׃ |
72 Amateeka go ge walagira ga mugaso nnyo gye ndi okusinga enkumi n’enkumi eza ffeeza ne zaabu.
| טוב לי תורת פיך מאלפי זהב וכסף׃ |
73 Emikono gyo gye gyankola ne gimmumba, mpa okutegeera ndyoke njige amateeka go.
| ידיך עשוני ויכוננוני הבינני ואלמדה מצותיך׃ |
74 Abo abakutya banandabanga ne basanyuka, kubanga essuubi lyange liri mu kigambo kyo.
| יראיך יראוני וישמחו כי לדברך יחלתי׃ |
75 Mmanyi, Ayi Mukama, ng’amateeka go matukuvu, era wali mutuufu okumbonereza.
| ידעתי יהוה כי צדק משפטיך ואמונה עניתני׃ |
76 Kale okwagala kwo okutaggwaawo kumbeere kumpi kunsanyuse, nga bwe wansuubiza, nze omuddu wo.
| יהי נא חסדך לנחמני כאמרתך לעבדך׃ |
77 Kkiriza okusaasira kwo kuntuukeko ndyoke mbeere mulamu; kubanga mu mateeka go mwe nsanyukira.
| יבאוני רחמיך ואחיה כי תורתך שעשעי׃ |
78 Ab’amalala baswazibwe, kubanga bampisizza bubi nga siriiko kye nkoze. Naye nze nnaafumiitirizanga ku biragiro byo.
| יבשו זדים כי שקר עותוני אני אשיח בפקודיך׃ |
79 Abo abakutya bajje gye ndi, abategeera amateeka go.
| ישובו לי יראיך וידעו עדתיך׃ |
80 Mbeera, omutima gwange guleme kubaako kya kunenyezebwa mu mateeka go, nneme kuswazibwa!
| יהי לבי תמים בחקיך למען לא אבוש׃ |
81 Emmeeme yange erumwa nnyo ennyonta ng’eyaayaanira obulokozi bwo, essuubi lyange liri mu kigambo kyo.
| כלתה לתשועתך נפשי לדברך יחלתי׃ |
82 Ntunuulidde ebbanga ddene n’amaaso gange ne ganfuuyirira nga nninda okutuukirira kw’ekisuubizo kyo; ne neebuuza nti, “Olinsanyusa ddi?”
| כלו עיני לאמרתך לאמר מתי תנחמני׃ |
83 Newaakubadde nga nfuuse ng’ensawo ey’eddiba, eya wayini eri mu mukka, naye seerabira bye walagira.
| כי הייתי כנאד בקיטור חקיך לא שכחתי׃ |
84 Ayi Mukama, nze omuddu wo nnaalindirira kutuusa ddi nga tonnabonereza abo abanjigganya?
| כמה ימי עבדך מתי תעשה ברדפי משפט׃ |
85 Abantu ab’amalala abatatya Katonda bansimidde ebinnya mu kkubo; be bo abatagondera mateeka go.
| כרו לי זדים שיחות אשר לא כתורתך׃ |
86 Amateeka go gonna geesigibwa; abo abatakwagala banjigganyiza bwereere; nkusaba onnyambe!
| כל מצותיך אמונה שקר רדפוני עזרני׃ |
87 Baali kumpi okunzikiririza ddala ku nsi kuno; naye nze sivudde ku ebyo bye walagira.
| כמעט כלוני בארץ ואני לא עזבתי פקודיך׃ |
88 Olw’okwagala kwo okutaggwaawo ndekera obulamu bwange, ndyoke nkuume ebyo bye walagira ebiva mu kamwa ko.
| כחסדך חיני ואשמרה עדות פיך׃ |
89 Ayi Mukama, Ekigambo kyo kinywevu mu ggulu, kya mirembe gyonna.
| לעולם יהוה דברך נצב בשמים׃ |
90 Obwesigwa bwo tebuggwaawo emirembe gyonna; watonda ensi era enyweredde ddala.
| לדר ודר אמונתך כוננת ארץ ותעמד׃ |
91 Amateeka go na buli kati manywevu; kubanga ebintu byonna bikuweereza.
| למשפטיך עמדו היום כי הכל עבדיך׃ |
92 Singa nnali sisanyukira mu mateeka go, nandizikiridde olw’obulumi bwe nalimu.
| לולי תורתך שעשעי אז אבדתי בעניי׃ |
93 Siyinza kwerabira biragiro byo; kubanga mu ebyo obulamu bwange mw’obufuulidde obuggya.
| לעולם לא אשכח פקודיך כי בם חייתני׃ |
94 Ndi wuwo, ndokola, kubanga neekuumye bye walagira.
| לך אני הושיעני כי פקודיך דרשתי׃ |
95 Newaakubadde ng’abakola ebibi beekukumye nga banteeze okunzikiriza; naye nze nyweredde ku ebyo bye walagira.
| לי קוו רשעים לאבדני עדתיך אתבונן׃ |
96 Ebintu byonna biriko we bikoma naye amateeka go tegakugirwa.
| לכל תכלה ראיתי קץ רחבה מצותך מאד׃ |
97 Amateeka go nga ngagala nnyo! Ngafumiitirizaako olunaku lwonna.
| מה אהבתי תורתך כל היום היא שיחתי׃ |
98 Amateeka go ganfuula mugezi okusinga abalabe bange, kubanga ge gannuŋŋamya bulijjo.
| מאיבי תחכמני מצותך כי לעולם היא לי׃ |
99 Ntegeera okusinga abasomesa bange bonna, kubanga nfumiitiriza nnyo ebyo bye walagira.
| מכל מלמדי השכלתי כי עדותיך שיחה לי׃ |
100 Ntegeera okusinga abakadde; kubanga ŋŋondera ebyo bye walagira.
| מזקנים אתבונן כי פקודיך נצרתי׃ |
101 Neekuumye obutatambulira mu kkubo lyonna ekyamu, nsobole okugondera ekigambo kyo.
| מכל ארח רע כלאתי רגלי למען אשמר דברך׃ |
102 Sivudde ku mateeka go, kubanga ggwe waganjigiriza.
| ממשפטיך לא סרתי כי אתה הורתני׃ |
103 Ebisuubizo byo nga bimpoomera nnyo! Biwoomera akamwa kange okusinga omubisi gw’enjuki.
| מה נמלצו לחכי אמרתך מדבש לפי׃ |
104 Mu biragiro byo mwe nfunira okutegeera; kyenva nkyawa ekkubo lyonna ekyamu.
| מפקודיך אתבונן על כן שנאתי כל ארח שקר׃ |
105 Ekigambo kyo ye ttaala eri ebigere byange, era kye kimulisa ekkubo lyange.
| נר לרגלי דברך ואור לנתיבתי׃ |
106 Ndayidde ekirayiro era nkikakasizza nga nnaakwatanga amateeka ag’obutuukirivu bwo.
| נשבעתי ואקימה לשמר משפטי צדקך׃ |
107 Nnumizibwa nnyo; nzizaamu obulamu, Ayi Mukama, ng’ekigambo kyo bwe kiri.
| נעניתי עד מאד יהוה חיני כדברך׃ |
108 Okkirize Ayi Mukama ettendo akamwa kange lye kakuwa; era onjigirize amateeka go.
| נדבות פי רצה נא יהוה ומשפטיך למדני׃ |
109 Newaakubadde ng’obulamu bwange ntera okubutambuza nga bwe njagala, naye seerabira mateeka go.
| נפשי בכפי תמיד ותורתך לא שכחתי׃ |
110 Abakola ebibi banteze omutego, naye sikyamye kuva ku ebyo bye walagira.
| נתנו רשעים פח לי ומפקודיך לא תעיתי׃ |
111 Ebiragiro byo gwe mugabo gwange emirembe gyonna; weewaawo, ebyo bye bisanyusa omutima gwange.
| נחלתי עדותיך לעולם כי ששון לבי המה׃ |
112 Omutima gwange gweteeseteese okukwatanga ebiragiro byo ennaku zonna ez’obulamu bwange.
| נטיתי לבי לעשות חקיך לעולם עקב׃ |
113 Nkyawa abalina emitima egisagaasagana, naye nze njagala amateeka go.
| סעפים שנאתי ותורתך אהבתי׃ |
114 Ggwe kiddukiro kyange era ggwe ngabo yange; essuubi lyange liri mu kigambo kyo.
| סתרי ומגני אתה לדברך יחלתי׃ |
115 Muve we ndi mmwe abakola ebitali bya butuukirivu, mundeke nkwate ebiragiro bya Katonda wange.
| סורו ממני מרעים ואצרה מצות אלהי׃ |
116 Onnyweze nga bwe wasuubiza, ndyoke mbeere omulamu; nneme kuswazibwa ne nzigwamu essuubi.
| סמכני כאמרתך ואחיה ואל תבישני משברי׃ |
117 Onnyweze ndyoke nfuuke ow’eddembe, era nkwatenga ebiragiro byo bulijjo.
| סעדני ואושעה ואשעה בחקיך תמיד׃ |
118 Onyooma abo bonna abaleka ebiragiro byo; weewaawo obugezigezi bwabwe tebuliimu kantu.
| סלית כל שוגים מחקיך כי שקר תרמיתם׃ |
119 Abakola ebibi bonna mu nsi obalaba ng’ebisasiro; nze kyenva njagala ebyo bye walagira.
| סגים השבת כל רשעי ארץ לכן אהבתי עדתיך׃ |
120 Nkankana nzenna nga nkutya, era ntya amateeka go.
| סמר מפחדך בשרי וממשפטיך יראתי׃ |
121 Nkoze eby’obwenkanya era eby’obutuukirivu; tondeka mu mikono gy’abo abanjooga.
| עשיתי משפט וצדק בל תניחני לעשקי׃ |
122 Okakase okundaganga ekisa kyo bulijjo, oleme kukkiriza ababi okunjooganga.
| ערב עבדך לטוב אל יעשקני זדים׃ |
123 Amaaso gange ganfuuyiririra, nga nnindirira obulokozi bwo n’ebyo bye wasuubiza mu butuukirivu bwo.
| עיני כלו לישועתך ולאמרת צדקך׃ |
124 Nze omuddu wo nkolaako ng’okwagala kwo bwe kuli; era onjigirize amateeka go.
| עשה עם עבדך כחסדך וחקיך למדני׃ |
125 Ndi muddu wo, mpa okwawula ekirungi n’ekibi; ndyoke ntegeere ebiragiro byo.
| עבדך אני הבינני ואדעה עדתיך׃ |
126 Ekiseera kituuse, Ayi Mukama, okubaako ky’okola, kubanga amateeka go gamenyeddwa.
| עת לעשות ליהוה הפרו תורתך׃ |
127 Naye nze njagala amateeka go okusinga zaabu, wadde zaabu omulongoose.
| על כן אהבתי מצותיך מזהב ומפז׃ |
128 Kubanga mmanyi ng’ebiragiro byo byonna bituufu; nkyawa buli kkubo lyonna ekyamu.
| על כן כל פקודי כל ישרתי כל ארח שקר שנאתי׃ |
129 Ebiragiro byo bya kitalo; kyenva mbigondera.
| פלאות עדותיך על כן נצרתם נפשי׃ |
130 Ebigambo byo bwe binnyonnyolwa bireeta omusana; n’atategeera bulungi bimugeziwaza.
| פתח דבריך יאיר מבין פתיים׃ |
131 Njasamya akamwa kange ne mpejjawejja nga njaayaanira amateeka go.
| פי פערתי ואשאפה כי למצותיך יאבתי׃ |
132 Nkyukira, onkwatirwe ekisa, nga bw’okolera bulijjo abo abaagala erinnya lyo.
| פנה אלי וחנני כמשפט לאהבי שמך׃ |
133 Oluŋŋamye ebigere byange ng’ekigambo kyo bwe kiri, era tokkiriza kibi kyonna kunfuga.
| פעמי הכן באמרתך ואל תשלט בי כל און׃ |
134 Mponya okujooga kw’abantu, bwe ntyo nkwatenga ebiragiro byo.
| פדני מעשק אדם ואשמרה פקודיך׃ |
135 Ontunuulire, nze omuddu wo, n’amaaso ag’ekisa, era onjigirizenga amateeka go.
| פניך האר בעבדך ולמדני את חקיך׃ |
136 Amaziga gakulukuta mu maaso gange ng’omugga, olw’abo abatakwata mateeka go.
| פלגי מים ירדו עיני על לא שמרו תורתך׃ |
137 Oli mutuukirivu, Ayi Katonda, era amateeka go matuufu.
| צדיק אתה יהוה וישר משפטיך׃ |
138 Ebiragiro byo bye wateekawo bituukirivu, era byesigibwa.
| צוית צדק עדתיך ואמונה מאד׃ |
139 Nnyiikadde nnyo munda yange, olw’abalabe bange abatassaayo mwoyo eri ebiragiro byo.
| צמתתני קנאתי כי שכחו דבריך צרי׃ |
140 Ebisuubizo byo byetegerezebwa nnyo, kyenva mbyagala.
| צרופה אמרתך מאד ועבדך אהבה׃ |
141 Newaakubadde ndi muntu wa bulijjo era anyoomebwa, naye seerabira biragiro byo.
| צעיר אנכי ונבזה פקדיך לא שכחתי׃ |
142 Obutuukirivu bwo bwa lubeerera, n’amateeka go ga mazima.
| צדקתך צדק לעולם ותורתך אמת׃ |
143 Newaakubadde nga ndi mu kulumwa n’okutegana okungi, amateeka go ge gansanyusa.
| צר ומצוק מצאוני מצותיך שעשעי׃ |
144 Ebiragiro byo bituufu emirembe gyonna; onjigirize okubitegeera ndyoke mbeere omulamu.
| צדק עדותיך לעולם הבינני ואחיה׃ |
145 Nkoowoola n’omutima gwange gwonna, Ayi Mukama, onnyanukule! Nnaagonderanga amateeka go.
| קראתי בכל לב ענני יהוה חקיך אצרה׃ |
146 Nkukaabirira, ondokole, nkwate ebiragiro byo.
| קראתיך הושיעני ואשמרה עדתיך׃ |
147 Ngolokoka bunatera okukya ne nkukaabirira onnyambe; essuubi lyange liri mu kigambo kyo.
| קדמתי בנשף ואשועה לדבריך יחלתי׃ |
148 Seebaka ekiro kyonna nga nfumiitiriza ku ebyo bye wasuubiza.
| קדמו עיני אשמרות לשיח באמרתך׃ |
149 Olw’okwagala kwo okutaggwaawo wulira eddoboozi lyange, Ayi Mukama, ompe obulamu obuggya ng’amateeka go bwe gali.
| קולי שמעה כחסדך יהוה כמשפטך חיני׃ |
150 Abo ab’enkwe era abatakwata mateeka go bansemberedde, kyokka bali wala n’amateeka go.
| קרבו רדפי זמה מתורתך רחקו׃ |
151 Naye ggwe, Ayi Mukama, oli kumpi nange, era n’amateeka go gonna ga mazima.
| קרוב אתה יהוה וכל מצותיך אמת׃ |
152 Okuva edda n’edda nayiga mu biragiro byo, nga wabissaawo bibeerewo emirembe gyonna.
| קדם ידעתי מעדתיך כי לעולם יסדתם׃ |
153 Tunuulira okubonaabona kwange omponye, kubanga seerabira mateeka go.
| ראה עניי וחלצני כי תורתך לא שכחתי׃ |
154 Ompolereze, onnunule, onzizeemu obulamu nga bwe wasuubiza.
| ריבה ריבי וגאלני לאמרתך חיני׃ |
155 Abakola ebibi obulokozi bubabeera wala, kubanga tebanoonya mateeka go.
| רחוק מרשעים ישועה כי חקיך לא דרשו׃ |
156 Ekisa kyo kinene, Ayi Mukama, onzizeemu obulamu nga bwe wasuubiza.
| רחמיך רבים יהוה כמשפטיך חיני׃ |
157 Abalabe abanjigganya bangi, naye nze siivenga ku biragiro byo.
| רבים רדפי וצרי מעדותיך לא נטיתי׃ |
158 Nnakuwalira abo abatakwesiga, kubanga tebakwata biragiro byo.
| ראיתי בגדים ואתקוטטה אשר אמרתך לא שמרו׃ |
159 Laba, Ayi Mukama, bwe njagala ebiragiro byo! Onkuumenga ng’okwagala kwo bwe kuli.
| ראה כי פקודיך אהבתי יהוה כחסדך חיני׃ |
160 Ebigambo byo byonna bya mazima meereere; n’amateeka go ga lubeerera.
| ראש דברך אמת ולעולם כל משפט צדקך׃ |
161 Abafuzi banjigganyiza bwereere, naye ekigambo kyo nkissaamu ekitiibwa.
| שרים רדפוני חנם ומדבריך פחד לבי׃ |
162 Nsanyukira ekisuubizo kyo okufaanana ng’oyo afunye obugagga obungi.
| שש אנכי על אמרתך כמוצא שלל רב׃ |
163 Nkyawa era ntamwa obulimba, naye amateeka go ngagala.
| שקר שנאתי ואתעבה תורתך אהבתי׃ |
164 Mu lunaku nkutendereza emirundi musanvu olw’amateeka go amatuukirivu.
| שבע ביום הללתיך על משפטי צדקך׃ |
165 Abo abaagala amateeka go bali mu ddembe lingi; tewali kisobola kubeesittaza.
| שלום רב לאהבי תורתך ואין למו מכשול׃ |
166 Nnindirira obulokozi bwo, Ayi Mukama, era mu biragiro byo mwe ntambulira.
| שברתי לישועתך יהוה ומצותיך עשיתי׃ |
167 Ŋŋondera ebiragiro byo, mbyagala nnyo nnyini.
| שמרה נפשי עדתיך ואהבם מאד׃ |
168 Buli kye nkola okimanyi, era olaba nga bwe nkwata ebiragiro byo.
| שמרתי פקודיך ועדתיך כי כל דרכי נגדך׃ |
169 Okukaaba kwange kutuuke gy’oli, Ayi Mukama, ompe okutegeera ng’ekigambo kyo bwe kiri.
| תקרב רנתי לפניך יהוה כדברך הבינני׃ |
170 Okwegayirira kwange kutuuke gy’oli, onnunule nga bwe wasuubiza.
| תבוא תחנתי לפניך כאמרתך הצילני׃ |
171 Akamwa kange kanaakutenderezanga, kubanga gw’onjigiriza amateeka go.
| תבענה שפתי תהלה כי תלמדני חקיך׃ |
172 Olulimi lwange lunaayimbanga ekigambo kyo, kubanga bye walagira byonna bya butuukirivu.
| תען לשוני אמרתך כי כל מצותיך צדק׃ |
173 Omukono gwo gumbeerenga, kubanga nnonzeewo okukwatanga ebiragiro byo.
| תהי ידך לעזרני כי פקודיך בחרתי׃ |
174 Neegomba nnyo obulokozi bwo, Ayi Mukama, era amateeka go lye ssanyu lyange.
| תאבתי לישועתך יהוה ותורתך שעשעי׃ |
175 Ompe obulamu nkutenderezenga, era amateeka go gampanirirenga.
| תחי נפשי ותהללך ומשפטך יעזרני׃ |
176 Ndi ng’endiga ebuze. Onoonye omuddu wo, kubanga seerabidde mateeka go.
| תעיתי כשה אבד בקש עבדך כי מצותיך לא שכחתי׃ |
