Zabbuli 114

1 Isirayiri bwe yava mu Misiri, abaana ba Yakobo abo, ne bava mu bantu abaayogeranga olulimi olutali lwabwe;

When Israel came forth out of Egypt, the house of Jacob from a people of strange language;

2 Yuda n’afuuka omutukuvu wa Katonda, Isirayiri n’afuuka amatwale ge.

Judah became His sanctuary, Israel His dominion.

3 Ennyanja bwe yabalaba n’edduka; Omugga Yoludaani ne gudda emabega.

The sea saw it, and fled; the Jordan turned backward.

4 Ensozi ne zibuukabuuka ng’endiga zisseddume, n’obusozi obutono ng’obuliga obuto.

The mountains skipped like rams, the hills like young sheep.

5 Ggwe ennyanja, lwaki wadduka? Ggwe Yoludaani, lwaki wadda emabega?

What aileth thee, O thou sea, that thou fleest? thou Jordan, that thou turnest backward?

6 Mmwe ensozi, lwaki mwabuukabuuka ng’endiga zisseddume, nammwe obusozi obutono ng’obuliga obuto?

Ye mountains, that ye skip like rams; ye hills, like young sheep?

7 Kankana, ggwe ensi, mu maaso ga Mukama, mu maaso ga Katonda wa Yakobo,

Tremble, thou earth, at the presence of the Lord, at the presence of the God of Jacob;

8 eyafuula olwazi ekidiba eky’amazzi, n’olwazi olugumu n’aluggyamu ensulo ez’amazzi.

Who turned the rock into a pool of water, the flint into a fountain of waters.