Zabbuli 109
1 Ya Makulu wa Bayimbi. Zabbuli ya Dawudi. Ayi Katonda wange gwe ntendereza, tonsiriikirira.
| למנצח לדוד מזמור אלהי תהלתי אל-תחרש |
2 Kubanga abantu abakola ebibi era abalimba, banjogeddeko eby’obulimba.
| כי פי רשע ופי-מרמה--עלי פתחו דברו אתי לשון שקר |
3 Banfukumulidde ebigambo eby’obukyayi, ne bannumbagana awatali nsonga.
| ודברי שנאה סבבוני וילחמוני חנם |
4 Bwe mbalaga omukwano, bo bandaga bukyayi; kyokka nze mbasabira.
| תחת-אהבתי ישטנוני ואני תפלה |
5 Bwe mbakolera ebirungi bo bansasulamu bibi; bwe mbalaga okwagala bo bankyawa bukyayi.
| וישימו עלי רעה תחת טובה ושנאה תחת אהבתי |
6 Mumulabire omuntu omukozi w’ebibi amwolekere; wabeewo amuwawaabira.
| הפקד עליו רשע ושטן יעמד על-ימינו |
7 Bwe banaawoza, omusango gumusinge; n’okusaba kwe kufuuke kwonoona.
| בהשפטו יצא רשע ותפלתו תהיה לחטאה |
8 Aleme kuwangaala; omuntu omulala amusikire.
| יהיו-ימיו מעטים פקדתו יקח אחר |
9 Abaana be basigalire awo nga tebaliiko kitaabwe, ne mukyala we afuuke nnamwandu.
| יהיו-בניו יתומים ואשתו אלמנה |
10 Abaana be bataataaganenga nga bagenda basabiriza; bagobebwe ne mu bifulukwa mwe basula.
| ונוע ינועו בניו ושאלו ודרשו מחרבותיהם |
11 Amubanja ajje awambe ebibye byonna; n’abagwira bamunyageko ebintu bye byonna bye yakolerera.
| ינקש נושה לכל-אשר-לו ויבזו זרים יגיעו |
12 Waleme kubaawo amusaasira, wadde akolera abaana be ebyekisa.
| אל-יהי-לו משך חסד ואל-יהי חונן ליתומיו |
13 Ezzadde lye lizikirizibwe, n’amannya g’abazzukulu be gasangulwe mu ago ag’omu mulembe oguliddirira.
| יהי-אחריתו להכרית בדור אחר ימח שמם |
14 Mukama ajjukirenga ebyonoono bya bakadde be; n’ekibi kya nnyina kireme kwerabirwanga.
| יזכר עון אבתיו--אל-יהוה וחטאת אמו אל-תמח |
15 Mukama ajjukirenga ebyonoono byabwe bulijjo, n’ensi ebeerabirire ddala.
| יהיו נגד-יהוה תמיד ויכרת מארץ זכרם |
16 Kubanga talowoozangako kukolera muntu yenna kya kisa; naye yayigganyanga abaavu, n’abeetaaga, n’abanakuwavu n’abatuusa ne ku kufa.
| יען-- אשר לא זכר עשות חסד וירדף איש-עני ואביון--ונכאה לבב למותת |
17 Yayagalanga nnyo okukolima; kale ebikolimo bimwefuulire. Teyayagalanga mikisa; kale gimwesambire ddala!
| ויאהב קללה ותבואהו ולא-חפץ בברכה ותרחק ממנו |
18 Yeeteekako okukolima ng’ekyambalo, ne kumutobya ng’amazzi, ne kuyingira mu magumba ge ng’amafuta.
| וילבש קללה כמדו ותבא כמים בקרבו וכשמן בעצמותיו |
19 Kubeerenga ng’ekyambalo ky’ayambadde, era ng’olukoba lwe yeesibye emirembe gyonna.
| תהי-לו כבגד יעטה ולמזח תמיד יחגרה |
20 Ebyo byonna y’eba ebeera empeera, Mukama gy’awa abo abandoopaloopa, era abanjogerako eby’akabi ebyereere.
| זאת פעלת שטני מאת יהוה והדברים רע על-נפשי |
21 Naye ggwe, Ayi Mukama Katonda wange, nnwanirira olw’erinnya lyo; era omponye olw’okwagala kwo okulungi okutaggwaawo.
| ואתה יהוה אדני-- עשה-אתי למען שמך כי-טוב חסדך הצילני |
22 Kubanga ndi mwavu era ali mu kwetaaga, n’omutima gwange gunyolwa nnyo.
| כי-עני ואביון אנכי ולבי חלל בקרבי |
23 Sikyaliwo, ndi ng’ekisiikirize eky’akawungeezi; mmansuddwa eri ng’enzige.
| כצל-כנטותו נהלכתי ננערתי כארבה |
24 Amaviivi gange ganafuye olw’okusiiba; omubiri gwange gukozze ne guggwaamu ensa.
| ברכי כשלו מצום ובשרי כחש משמן |
25 Abandoopaloopa bansekerera; bwe bandaba nga banyeenyeza omutwe.
| ואני הייתי חרפה להם יראוני יניעון ראשם |
26 Mbeera, Ayi Mukama Katonda wange! Ondokole ng’okwagala kwo okutaggwaawo bwe kuli.
| עזרני יהוה אלהי הושיעני כחסדך |
27 Baleke bategeere nti ggwe okikoze, n’omukono gwo Ayi Mukama.
| וידעו כי-ידך זאת אתה יהוה עשיתה |
28 Balikoma, naye ggwe olimpa omukisa! Leka abannumbagana baswale, naye nze omuddu wo nga nsanyuka!
| יקללו-המה ואתה תברך קמו ויבשו--ועבדך ישמח |
29 Abandoopa baswazibwe, n’ensonyi zaabwe zibabuzeeko obwekyusizo.
| ילבשו שוטני כלמה ויעטו כמעיל בשתם |
30 Nneebazanga Mukama n’akamwa kange; nnaamutenderezanga wakati mu kibiina ekinene.
| אודה יהוה מאד בפי ובתוך רבים אהללנו |
31 Kubanga alwanirira omunaku ali mu kwetaaga, n’amuwonya abo abaagala afe.
| כי-יעמד לימין אביון-- להושיע משפטי נפשו |
