Zabbuli 107
1 Mwebaze Mukama, kubanga mulungi; okwagala kwe kubeerera emirembe gyonna.
| הדו ליהוה כי-טוב כי לעולם חסדו |
2 Kale abanunule ba Mukama boogere bwe batyo; abo be yanunula mu mikono gy’abalabe;
| יאמרו גאולי יהוה-- אשר גאלם מיד-צר |
3 abo be yakuŋŋaanya mu mawanga; okuva Ebugwanjuba n’Ebuvanjuba, n’okuva obukiikakkono ne mu bukiikaddyo.
| ומארצות קבצם ממזרח וממערב מצפון ומים |
4 Abamu baataataaganira mu malungu nga babuliddwa ekkubo eribatwala ku kibuga gye banaabeeranga.
| תעו במדבר בישימון דרך עיר מושב לא מצאו |
5 Baalumwa ennyonta n’enjala, obulamu bwabwe ne butandika okusereba.
| רעבים גם-צמאים-- נפשם בהם תתעטף |
6 Bwe batyo ne bakaabira Mukama nga bali mu kabi; n’abawonya mu kweraliikirira kwabwe.
| ויצעקו אל-יהוה בצר להם ממצוקותיהם יצילם |
7 Yabakulembera butereevu n’abatuusa mu kibuga mwe baabeera.
| וידריכם בדרך ישרה-- ללכת אל-עיר מושב |
8 Kale singa beebazanga Mukama olw’okwagala kwe okutaggwaawo, n’olw’eby’ekitalo by’akolera abaana b’abantu!
| יודו ליהוה חסדו ונפלאותיו לבני אדם |
9 Kubanga abalina ennyonta abanywesa, n’abayala abakkusa ebirungi.
| כי-השביע נפש שקקה ונפש רעבה מלא-טוב |
10 Abamu baatuulanga mu kizikiza ne mu kisiikirize eky’okufa; abasibiddwa mu byuma era abali mu nnaku ennyingi;
| ישבי חשך וצלמות אסירי עני וברזל |
11 kubanga baajeemera ekigambo kya Katonda, ne banyoomoola amagezi g’oyo Ali Waggulu Ennyo.
| כי-המרו אמרי-אל ועצת עליון נאצו |
12 Baakozesebwa emirimu egy’amaanyi, emitima gyabwe ne gijjula obuyinike; baagwanga wansi, naye nga tebalina abasitulawo.
| ויכנע בעמל לבם כשלו ואין עזר |
13 Bwe batyo ne bakaabirira Mukama nga bali mu bizibu byabwe, era n’abawonya;
| ויזעקו אל-יהוה בצר להם ממצקותיהם יושיעם |
14 n’abaggya mu kizikiza ne mu kisiikirize eky’okufa; n’enjegere ezaali zibasibye n’azikutula.
| יוציאם מחשך וצלמות ומוסרותיהם ינתק |
15 Kale singa beebazanga Mukama olw’okwagala kwe okutaggwaawo, n’olwebikolwa bye eby’ekitalo by’akolera abaana b’abantu!
| יודו ליהוה חסדו ונפלאותיו לבני אדם |
16 Kubanga enzigi ez’ebikomo azaasaayasa, n’emitayimbwa egy’ekyuma agimenyamu.
| כי-שבר דלתות נחשת ובריחי ברזל גדע |
17 Abamu baafuuka basirusiru olw’obujeemu bwabwe; ne babonaabona olw’ebikolwa byabwe ebibi.
| אולים מדרך פשעם ומעונתיהם יתענו |
18 Ne batamwa emmere yonna, ne babulako katono ddala okufa.
| כל-אכל תתעב נפשם ויגיעו עד-שערי מות |
19 Bwe batyo ne bakaabirira Mukama nga bali mu buzibu obwo, n’abawonya.
| ויזעקו אל-יהוה בצר להם ממצקותיהם יושיעם |
20 Yabatumira ekigambo kye, n’awonya endwadde zaabwe; n’abalokola mu kuzikirira.
| ישלח דברו וירפאם וימלט משחיתותם |
21 Kale singa beebazanga Mukama olw’okwagala kwe okutaggwaawo, n’olw’ebikolwa bye eby’ekyewuunyo by’akolera abaana b’abantu!
| יודו ליהוה חסדו ונפלאותיו לבני אדם |
22 Bamuleeterenga ebiweebwayo eby’okwebaza, era batendenga ebikolwa bye n’ennyimba ez’essanyu.
| ויזבחו זבחי תודה ויספרו מעשיו ברנה |
23 Abalala baasaabalira mu maato ku nnyanja; baali basuubuzi b’oku gayanja aganene.
| ] יורדי הים באניות עשי מלאכה במים רבים |
24 Baalaba Mukama bye yakola, ebikolwa bye eby’ekitalo mu buziba bw’ennyanja.
| ] המה ראו מעשי יהוה ונפלאותיו במצולה |
25 Kubanga yalagira omuyaga ne gusitula amayengo waggulu.
| ] ויאמר--ויעמד רוח סערה ותרומם גליו |
26 Ne gagulumira okutuuka ku ggulu, ate ne gakka wansi mu ddubi; akabenje ne kabayitirira, ne baggwaamu amaanyi.
| ] יעלו שמים ירדו תהומות נפשם ברעה תתמוגג |
27 Ne beesunda, eruuyi n’eruuyi ne baba ng’omutamiivu atagala; n’amagezi ne gabaggwaako.
| ] יחוגו וינועו כשכור וכל-חכמתם תתבלע |
28 Bwe batyo ne bakaabira Mukama nga bali mu buzibu; n’abawonya mu kweraliikirira kwabwe.
| ] ויצעקו אל-יהוה בצר להם וממצוקתיהם יוציאם |
29 Omuyaga yagusirisa, ennyanja n’etteeka.
| יקם סערה לדממה ויחשו גליהם |
30 Ne bajjula essanyu kubanga ennyanja yateeka; n’abakulembera n’abatuusa bulungi ku mwalo gwabwe.
| וישמחו כי-ישתקו וינחם אל-מחוז חפצם |
31 Kale singa abantu beebazanga Mukama olw’okwagala kwe okutaggwaawo, n’olw’ebikolwa bye eby’ekyewuunyo by’akolera abaana b’abantu!
| יודו ליהוה חסדו ונפלאותיו לבני אדם |
32 Bamugulumizenga ng’abantu bakuŋŋaanye, era bamutenderezenga mu lukiiko lw’abakulu.
| וירוממוהו בקהל-עם ובמושב זקנים יהללוהו |
33 Afuula emigga amalungu, n’emikutu gy’amazzi ne giba ng’ettaka ekkalu,
| ישם נהרות למדבר ומצאי מים לצמאון |
34 ensi engimu n’agifuula olukoola olw’olunnyo olw’obwonoonyi bw’abantu baamu.
| ארץ פרי למלחה מרעת יושבי בה |
35 Eddungu yalijjuza ebidiba by’amazzi, n’ensi enkalu n’agikulukusizaamu amazzi,
| ישם מדבר לאגם-מים וארץ ציה למצאי מים |
36 abalina enjala n’abateeka omwo, ne beezimbira ekibuga eky’okubeeramu,
| ויושב שם רעבים ויכוננו עיר מושב |
37 ennimiro zaabwe ne bazisigamu emmere, ne basimba emizabbibu, ne bakungula ebibala bingi.
| ויזרעו שדות ויטעו כרמים ויעשו פרי תבואה |
38 Yabawa omukisa gwe, ne beeyongera obungi; n’ebisibo byabwe n’atabiganya kukendeera.
| ויברכם וירבו מאד ובהמתם לא ימעיט |
39 Ate ne bakendeera obungi, ne bakkakkanyizibwa olw’okujeezebwa, n’okujoogebwa n’okulaba ennaku;
| וימעטו וישחו-- מעצר רעה ויגון |
40 oyo anyooma n’abakungu, n’ababungeetanyiza mu lukoola omutali kantu.
| ] שפך בוז על-נדיבים ויתעם בתהו לא-דרך |
41 Naye abaali mu kwetaaga yabamalako ennaku n’okubonaabona, n’ayaza ezzadde lyabwe ng’ebisibo.
| וישגב אביון מעוני וישם כצאן משפחות |
42 Abagolokofu, bino babiraba ne basanyuka; naye abakola ebibi bo basirika busirisi.
| יראו ישרים וישמחו וכל-עולה קפצה פיה |
43 Abalina amagezi bonna, bagondere ebigambo bino era bategeere okwagala kwa Mukama okutaggwaawo.
| מי-חכם וישמר-אלה ויתבוננו חסדי יהוה |
