Zabbuli 106
1 Mumutendereze Mukama! Mwebaze Mukama kubanga mulungi, kubanga okwagala kwe tekuggwaawo emirembe gyonna.
| הללו-יה הודו ליהוה כי-טוב-- כי לעולם חסדו |
2 Ani ayinza okwogera ku bikulu Mukama by’akola n’abimalayo, oba okumutendereza obulungi nga bw’asaanira?
| מי--ימלל גבורות יהוה ישמיע כל-תהלתו |
3 Balina omukisa abalina obwenkanya, era abakola ebituufu bulijjo.
| אשרי שמרי משפט עשה צדקה בכל-עת |
4 Onzijukiranga, Ayi Mukama, bw’obanga okolera abantu bo ebirungi; nange onnyambe bw’olibalokola,
| זכרני יהוה ברצון עמך פקדני בישועתך |
5 ndyoke neeyagalire wamu n’abalonde bo nga bafunye ebirungi, nsanyukire wamu n’eggwanga lyo, era ntendererezenga mu bantu bo.
| לראות בטובת בחיריך-- לשמח בשמחת גויך להתהלל עם-נחלתך |
6 Twonoonye, nga bajjajjaffe bwe baakola; tukoze ebibi ne tusobya nnyo.
| חטאנו עם-אבותינו העוינו הרשענו |
7 Bakadde baffe tebaafaayo kujjukira ebyamagero bye wakola nga bali mu Misiri; n’ebyekisa ebingi bye wabakolera tebaabijjukira, bwe baatuuka ku Nnyanja Emyufu ne bakujeemera.
| אבותינו במצרים לא-השכילו נפלאותיך-- לא זכרו את-רב חסדיך וימרו על-ים בים-סוף |
8 Naye Mukama n’abalokola, olw’erinnya lye, alyoke amanyise amaanyi g’obuyinza bwe obungi.
| ויושיעם למען שמו-- להודיע את-גבורתו |
9 Yaboggolera Ennyanja Emyufu, n’ekalira; n’abakulembera okubayisa mu buziba ng’abayita ku lukalu mu ddungu.
| ויגער בים-סוף ויחרב ויוליכם בתהמות כמדבר |
10 Yabawonya abalabe baabwe; n’abanunula mu mikono gy’abo ababakyawa.
| ויושיעם מיד שונא ויגאלם מיד אויב |
11 Amazzi ne gabuutikira abalabe baabwe; ne wataba n’omu awona.
| ויכסו-מים צריהם אחד מהם לא נותר |
12 Olwo ne bakkiriza ebigambo bye, bye yabasuubiza; ne bayimba nga bamutendereza.
| ויאמינו בדבריו ישירו תהלתו |
13 Waayita akabanga katono ne beerabira ebyo byonna bye yakola; ne batawulirizanga kubuulirira kwe.
| מהרו שכחו מעשיו לא-חכו לעצתו |
14 Bwe baatuuka mu ddungu, okwegomba ne kubasukkirira; ne bagezesa Katonda nga bali mu lukoola olwo.
| ויתאוו תאוה במדבר וינסו-אל בישימון |
15 Bw’atyo n’abawa kye baasaba, kyokka n’abaleetera n’olumbe olw’amaanyi.
| ויתן להם שאלתם וישלח רזון בנפשם |
16 Nga bali mu lusiisira baakwatirwa obuggya eri Musa ne Alooni abalonde ba Mukama.
| ויקנאו למשה במחנה לאהרן קדוש יהוה |
17 Ettaka ne lyasama ne limira Dasani; Abiraamu ne banne ne libasaanyaawo.
| תפתח-ארץ ותבלע דתן ותכס על-עדת אבירם |
18 Omuliro ne gukoleera ne gukwata abagoberezi baabwe; ennimi z’omuliro ne zookya aboonoonyi.
| ותבער-אש בעדתם להבה תלהט רשעים |
19 Bwe baali e Kolebu ne beekolera ennyana; ne basinza ekifaananyi ekyo kye baakola mu byuma bye baasaanuusa.
| יעשו-עגל בחרב וישתחוו למסכה |
20 Ekitiibwa kya Katonda ne bakiwaanyisaamu ekibumbe ekifaanana ente erya omuddo.
| וימירו את-כבודם בתבנית שור אכל עשב |
21 Ne beerabira Katonda eyabanunula, eyabakolera ebintu ebikulu bwe bityo mu Misiri,
| שכחו אל מושיעם-- עשה גדלות במצרים |
22 ebyamagero bye yabakolera mu nsi ya Kaamu, n’ebikolwa eby’entiisa ku Nnyanja Emyufu.
| נפלאות בארץ חם נוראות על-ים-סוף |
23 N’agamba nti, Ajja kubazikiriza. Naye Musa, omulonde we, n’ayimirira mu maaso ge n’amwegayirira, obusungu bwe ne bumuggwaako n’atabazikiriza.
| ויאמר להשמידם לולי משה בחירו-- עמד בפרץ לפניו להשיב חמתו מהשחית |
24 Baanyooma eby’ensi ennungi, kubanga ekisuubizo kye tebaakirinaamu bwesige.
| וימאסו בארץ חמדה לא-האמינו לדברו |
25 Beemulugunyiriza mu weema zaabwe, ne batagondera ddoboozi lya Mukama.
| וירגנו באהליהם לא שמעו בקול יהוה |
26 Kyeyava yeerayirira nti alibazikiririza mu ddungu,
| וישא ידו להם-- להפיל אותם במדבר |
27 era nga n’abaana baabwe balisaasaanira mu mawanga ne bafiira eyo.
| ולהפיל זרעם בגוים ולזרותם בארצות |
28 Baatandika okusinza Baali e Peoli; ne balya ebyaweebwangayo eri bakatonda abataliimu bulamu.
| ויצמדו לבעל פעור ויאכלו זבחי מתים |
29 Ne banyiiza Katonda olw’ebikolwa byabwe ebibi; kawumpuli kyeyava abagwamu.
| ויכעיסו במעלליהם ותפרץ-בם מגפה |
30 Naye Finekaasi n’ayimirira wakati waabwe ne Katonda, kawumpuli n’agenda.
| ויעמד פינחס ויפלל ותעצר המגפה |
31 Ekyo ne kimubalirwa nga kya butuukirivu emirembe gyonna.
| ותחשב לו לצדקה לדר ודר עד-עולם |
32 Bwe baatuuka okumpi n’amazzi ag’e Meriba ne banyiiza Mukama, ne baleetera Musa emitawaana;
| ויקציפו על-מי מריבה וירע למשה בעבורם |
33 kubanga baajeemera ebiragiro bye, ne kimwogeza n’ebigambo ebitaali bya magezi.
| כי-המרו את-רוחו ויבטא בשפתיו |
34 Abantu be baalwanyisa tebaabazikiriza nga Mukama bwe yali abalagidde,
| לא-השמידו את-העמים-- אשר אמר יהוה להם |
35 naye beetabika n’abannaggwanga ago ne bayiga empisa zaabwe.
| ויתערבו בגוים וילמדו מעשיהם |
36 Baasinza ebifaananyi ebikole n’emikono eby’amawanga ago ne bibafuukira omutego.
| ויעבדו את-עצביהם ויהיו להם למוקש |
37 Baawaayo batabani baabwe ne bawala baabwe eri bakatonda abo.
| ויזבחו את-בניהם ואת-בנותיהם-- לשדים |
38 Ne bayiwa omusaayi gwa batabani baabwe ne bawala baabwe abataliiko musango, be baawangayo eri ebifaananyi ebikole n’emikono Abakanani bye baakola, ensi n’eyonoonebwa n’omusaayi gwabwe.
| וישפכו דם נקי דם-בניהם ובנותיהם-- אשר זבחו לעצבי כנען ותחנף הארץ בדמים |
39 Beeyonoona olw’ebyo bye baakola, ebikolwa byabwe ne bibafuula abataliimu nsa nga bavudde ku Katonda waabwe.
| ויטמאו במעשיהם ויזנו במעלליהם |
40 Mukama kyeyava asunguwalira abantu be, n’akyawa ezzadde lye.
| ויחר-אף יהוה בעמו ויתעב את-נחלתו |
41 N’abawaayo eri amawanga amalala, abalabe ne babafuga.
| ויתנם ביד-גוים וימשלו בהם שנאיהם |
42 Abalabe baabwe ne babanyigiriza, ne babatuntuza nnyo ddala.
| וילחצום אויביהם ויכנעו תחת ידם |
43 Yabawonyanga abalabe baabwe emirundi mingi, naye obujeemu ne bubalemeramu, ebibi byabwe ne bigenda nga bibasaanyaawo.
| פעמים רבות יצילם והמה ימרו בעצתם וימכו בעונם |
44 Naye bwe yawulira okukaaba kwabwe, n’abakwatirwa ekisa;
| וירא בצר להם-- בשמעו את-רנתם |
45 ku lwabwe, n’ajjukira endagaano ye; okwagala kwe okungi ne kumuleetera okukyusa ekirowoozo kye.
| ויזכר להם בריתו וינחם כרב חסדו |
46 N’abaleetera okusaasirwa abo abaabawambanga.
| ויתן אותם לרחמים-- לפני כל-שוביהם |
47 Ayi Mukama Katonda, otulokole, otukuŋŋaanye, otuggye mu mawanga, tulyoke twebazenga erinnya lyo ettukuvu, era tusanyukenga nga tukutendereza.
| הושיענו יהוה אלהינו וקבצנו מן-הגוים להדות לשם קדשך להשתבח בתהלתך |
48 Mukama atenderezebwenga, Katonda wa Isirayiri, emirembe n’emirembe. Abantu bonna ka boogere nti, “Amiina!” Mumutendereze Mukama.
| ברוך יהוה אלהי ישראל מן-העולם ועד העולם-- ואמר כל-העם אמן הללו-יה |
