Zabbuli 104
1 Weebaze Mukama, ggwe emmeeme yange. Ayi Mukama Katonda wange, oli mukulu nnyo; ojjudde obukulu n’ekitiibwa.
| ברכי נפשי את יהוה יהוה אלהי גדלת מאד הוד והדר לבשת׃ |
2 Yeebika ekitangaala ng’ayeebikka ekyambalo n’abamba eggulu ng’eweema,
| עטה אור כשלמה נוטה שמים כיריעה׃ |
3 n’ateeka akasolya k’ebisulo bye eby’oku ntikko kungulu ku mazzi; ebire abifuula amagaali ge, ne yeebagala ebiwaawaatiro by’empewo.
| המקרה במים עליותיו השם עבים רכובו המהלך על כנפי רוח׃ |
4 Afuula empewo ababaka be, n’ennimi z’omuliro ogwaka abaweereza be.
| עשה מלאכיו רוחות משרתיו אש להט׃ |
5 Yassaawo ensi ku misingi gyayo; teyinza kunyeenyezebwa.
| יסד ארץ על מכוניה בל תמוט עולם ועד׃ |
6 Wagibikkako obuziba ng’ekyambalo; amazzi ne gatumbiira okuyisa ensozi ennene.
| תהום כלבוש כסיתו על הרים יעמדו מים׃ |
7 Bwe wagaboggolera ne gadduka; bwe gaawulira okubwatuka kwo ne gaddukira ddala;
| מן גערתך ינוסון מן קול רעמך יחפזון׃ |
8 gaakulukutira ku nsozi ennene, ne gakkirira wansi mu biwonvu mu bifo bye wagategekera.
| יעלו הרים ירדו בקעות אל מקום זה יסדת להם׃ |
9 Wagassizaawo ensalo ze gatasaana kusukka, na kuddayo kubuutikira nsi.
| גבול שמת בל יעברון בל ישובון לכסות הארץ׃ |
10 Alagira ensulo ne zisindika amazzi mu biwonvu; ne gakulukutira wakati w’ensozi.
| המשלח מעינים בנחלים בין הרים יהלכון׃ |
11 Ne ganywesa ebisolo byonna eby’omu nsiko; n’endogoyi ne gazimalako ennyonta.
| ישקו כל חיתו שדי ישברו פראים צמאם׃ |
12 Ebinyonyi eby’omu bbanga bizimba ebisu byabyo ku mabbali g’amazzi, ne biyimbira mu matabi.
| עליהם עוף השמים ישכון מבין עפאים יתנו קול׃ |
13 Afukirira ensozi ennene ng’osinziira waggulu gy’obeera; ensi n’ekkuta ebibala by’emirimu gyo.
| משקה הרים מעליותיו מפרי מעשיך תשבע הארץ׃ |
14 Olagira omuddo ne gukula okuliisa ente, n’ebirime abantu bye balima, balyoke bafune ebyokulya okuva mu ttaka.
| מצמיח חציר לבהמה ועשב לעבדת האדם להוציא לחם מן הארץ׃ |
15 Ne wayini okusanyusa omutima gwe, n’ebizigo okwesiiga awoomye endabika ye, n’emmere okumuwa obulamu.
| ויין ישמח לבב אנוש להצהיל פנים משמן ולחם לבב אנוש יסעד׃ |
16 Emiti gya Mukama gifuna amazzi mangi; gy’emivule gy’e Lebanooni gye yasimba.
| ישבעו עצי יהוה ארזי לבנון אשר נטע׃ |
17 Omwo ebinyonyi mwe bizimba ebisu byabyo; ne ssekanyolya asula mu miti omwo.
| אשר שם צפרים יקננו חסידה ברושים ביתה׃ |
18 Ku nsozi empanvu eyo embulabuzi ez’omu nsiko gye zibeera; n’enjazi kye kiddukiro ky’obumyu.
| הרים הגבהים ליעלים סלעים מחסה לשפנים׃ |
19 Wakola omwezi okutegeeza ebiro; n’enjuba bw’egwa n’eraga olunaku.
| עשה ירח למועדים שמש ידע מבואו׃ |
20 Oleeta ekizikiza, ne buba ekiro; olwo ebisolo byonna eby’omu bibira ne biryoka bivaayo.
| תשת חשך ויהי לילה בו תרמש כל חיתו יער׃ |
21 Empologoma ento zikaabira emmere gye zinaalya; nga zinoonya ebyokulya okuva eri Katonda.
| הכפירים שאגים לטרף ולבקש מאל אכלם׃ |
22 Enjuba bw’evaayo ne zigenda, n’oluvannyuma ne zikomawo ne zigalamira mu mpuku zaazo.
| תזרח השמש יאספון ואל מעונתם ירבצון׃ |
23 Abantu ne bagenda ku mirimu gyabwe, ne bakola okutuusa akawungeezi.
| יצא אדם לפעלו ולעבדתו עדי ערב׃ |
24 Ayi Mukama, ebintu bye wakola nga bingi nnyo! Byonna wabikola n’amagezi ag’ekitalo; ensi ejjudde ebitonde byo.
| מה רבו מעשיך יהוה כלם בחכמה עשית מלאה הארץ קנינך׃ |
25 Waliwo ennyanja, nnene era ngazi, ejjudde ebitonde ebitabalika, ebintu ebirina obulamu ebinene era n’ebitono.
| זה הים גדול ורחב ידים שם רמש ואין מספר חיות קטנות עם גדלות׃ |
26 Okwo amaato kwe gaseeyeeyera nga galaga eno n’eri; ne galukwata ge wakola mwe gabeera okuzannyiranga omwo.
| שם אניות יהלכון לויתן זה יצרת לשחק בו׃ |
27 Ebyo byonna bitunuulira ggwe okubiwa emmere yaabyo ng’ekiseera kituuse.
| כלם אליך ישברון לתת אכלם בעתו׃ |
28 Bw’ogibiwa, nga bigikuŋŋaanya; bw’oyanjuluza engalo zo n’obigabira ebintu ebirungi ne bikkusibwa.
| תתן להם ילקטון תפתח ידך ישבעון טוב׃ |
29 Bw’okweka amaaso go ne byeraliikirira nnyo; bw’obiggyamu omukka nga bifa, nga biddayo mu nfuufu.
| תסתיר פניך יבהלון תסף רוחם יגועון ואל עפרם ישובון׃ |
30 Bw’oweereza Omwoyo wo, ne bifuna obulamu obuggya; olwo ensi n’ogizza buggya.
| תשלח רוחך יבראון ותחדש פני אדמה׃ |
31 Ekitiibwa kya Katonda kibeerengawo emirembe gyonna; era Mukama asanyukirenga ebyo bye yakola.
| יהי כבוד יהוה לעולם ישמח יהוה במעשיו׃ |
32 Atunuulira ensi, n’ekankana; bw’akwata ku nsozi ennene, ne zinyooka omukka.
| המביט לארץ ותרעד יגע בהרים ויעשנו׃ |
33 Nnaayimbiranga Mukama obulamu bwange bwonna; nnaayimbanga nga ntendereza Katonda wange ennaku zonna ze ndimala nga nkyali mulamu.
| אשירה ליהוה בחיי אזמרה לאלהי בעודי׃ |
34 Ebirowoozo byange, nga nfumiitiriza, bimusanyusenga; kubanga mu Mukama mwe neeyagalira.
| יערב עליו שיחי אנכי אשמח ביהוה׃ |
35 Naye abakola ebibi baggweewo ku nsi; aboonoonyi baleme kulabikirako ddala. Weebaze Mukama, gwe emmeeme yange. Mumutenderezenga Mukama.
| יתמו חטאים מן הארץ ורשעים עוד אינם ברכי נפשי את יהוה הללו יה׃ |
