Zabbuli 102
1 Okusaba kw’oyo ali mu buyinike ng’ayigganyizibwa nga yeeyongedde okunafuwa, n’afukumula byonna ebimuli ku mutima mu maaso ga Mukama. Wulira okusaba kwange, Ayi Mukama, okkirize okukoowoola kwange kutuuke gy’oli.
| תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃ |
2 Tonneekweka mu biseera eby’obuyinike bwange. Ntegera okutu kwo onnyanukule mangu bwe nkukoowoola!
| אל תסתר פניך ממני ביום צר לי הטה אלי אזנך ביום אקרא מהר ענני׃ |
3 Kubanga ennaku zange zifuumuuka ng’omukka, n’amagumba gange gaaka ng’amanda.
| כי כלו בעשן ימי ועצמותי כמו קד נחרו׃ |
4 Omutima gwange gulinnyirirwa ng’omuddo, era guwotose; neerabira n’okulya emmere yange.
| הוכה כעשב ויבש לבי כי שכחתי מאכל לחמי׃ |
5 Olw’okwaziirana kwange okunene, nzenna nfuuse ŋŋumbagumba.
| מקול אנחתי דבקה עצמי לבשרי׃ |
6 Ndi ng’ekiwuugulu eky’omu ddungu, era ng’ekiwuugulu eky’omu nsiko.
| דמיתי לקאת מדבר הייתי ככוס חרבות׃ |
7 Nsula ntunula, nga ndi ng’ekinyonyi ekitudde kyokka ku kasolya k’ennyumba.
| שקדתי ואהיה כצפור בודד על גג׃ |
8 Abalabe bange banvuma olunaku lwonna; abo abanduulira bakozesa linnya lyange nga bakolima.
| כל היום חרפוני אויבי מהוללי בי נשבעו׃ |
9 Kubanga ndya evvu ng’alya emmere, n’amaziga gange ne geegattika mu kyokunywa kyange.
| כי אפר כלחם אכלתי ושקוי בבכי מסכתי׃ |
10 Olw’obusungu n’okunyiiga kwo; onneegobyeko n’onsuula eyo.
| מפני זעמך וקצפך כי נשאתני ותשליכני׃ |
11 Ennaku zange ziri ng’ekisiikirize ky’olweggulo nga buziba; mpotoka ng’omuddo.
| ימי כצל נטוי ואני כעשב איבש׃ |
12 Naye ggwe, Ayi Mukama, obeera mu ntebe yo ey’obwakabaka emirembe n’emirembe; erinnya lyo linajjukirwanga ab’omu mirembe gyonna.
| ואתה יהוה לעולם תשב וזכרך לדר ודר׃ |
13 Olisituka n’osaasira Sayuuni, kino kye kiseera okulaga Sayuuni omukwano; ekiseera kye wateekateeka kituuse.
| אתה תקום תרחם ציון כי עת לחננה כי בא מועד׃ |
14 Kubanga amayinja gaakyo abaweereza bo bagaagala nnyo, n’enfuufu y’omu kibuga ekyo ebakwasa ekisa.
| כי רצו עבדיך את אבניה ואת עפרה יחננו׃ |
15 Amawanga gonna ganaatyanga erinnya lya Mukama; ne bakabaka bonna ab’ensi banaakankananga olw’ekitiibwa kyo.
| וייראו גוים את שם יהוה וכל מלכי הארץ את כבודך׃ |
16 Kubanga Mukama alizimba Sayuuni buto, era n’alabika mu kitiibwa kye.
| כי בנה יהוה ציון נראה בכבודו׃ |
17 Alyanukula okusaba kw’abanaku; talinyooma kwegayirira kwabwe.
| פנה אל תפלת הערער ולא בזה את תפלתם׃ |
18 Bino leka biwandiikirwe ab’omu mirembe egirijja, abantu abatannatondebwa bwe balibisoma balyoke batendereze Mukama.
| תכתב זאת לדור אחרון ועם נברא יהלל יה׃ |
19 Bategeere nti Mukama yatunula wansi ng’asinziira waggulu mu kifo kye ekitukuvu; Mukama yasinzira mu ggulu n’atunuulira ensi,
| כי השקיף ממרום קדשו יהוה משמים אל ארץ הביט׃ |
20 okuwulira okusinda kw’abasibe, n’okusumulula abo abasaliddwa ogw’okufa.
| לשמע אנקת אסיר לפתח בני תמותה׃ |
21 Erinnya lya Mukama, liryoke litenderezebwe mu Sayuuni, bamutenderezenga mu Yerusaalemi;
| לספר בציון שם יהוה ותהלתו בירושלם׃ |
22 abantu nga bakuŋŋaanye, awamu n’obwakabaka, okusinza Mukama.
| בהקבץ עמים יחדו וממלכות לעבד את יהוה׃ |
23 Mukama ammazeemu amaanyi nga nkyali muvubuka; akendeezezza ku nnaku z’obulamu bwange.
| ענה בדרך כחו קצר ימי׃ |
24 Ne ndyoka mmukaabira nti, “Ayi Katonda wange, tontwala nga nkyali mu makkati g’emyaka gy’obulamu bwange, ggw’abeera omulamu emirembe gyonna.
| אמר אלי אל תעלני בחצי ימי בדור דורים שנותיך׃ |
25 Ku ntandikwa wassaawo omusingi gw’ensi; n’eggulu gy’emirimu gy’emikono gyo.
| לפנים הארץ יסדת ומעשה ידיך שמים׃ |
26 Byonna biriggwaawo, naye ggwe oli wa lubeerera. Byonna birikaddiwa ng’ebyambalo. Olibikyusa ng’ebyambalo, ne bisuulibwa.
| המה יאבדו ואתה תעמד וכלם כבגד יבלו כלבוש תחליפם ויחלפו׃ |
27 Naye ggwe tokyuka oli wa lubeerera n’emyaka gyo tegirikoma.
| ואתה הוא ושנותיך לא יתמו׃ |
28 Abaana b’abaweereza bo baliba mu ddembe; ne bazzukulu baabwe banaabeeranga w’oli nga tebalina kye batya.”
| בני עבדיך ישכונו וזרעם לפניך יכון׃ |
