Engero 8
1 Amagezi tegakoowoolera waggulu, n’okutegeera ne kuyimusa eddoboozi lyakwo?
| הלא-חכמה תקרא ותבונה תתן קולה |
2 Ku ntikko y’ebifo ebigulumivu okumpi n’ekkubo, mu masaŋŋanzira, amagezi we gayimirira butengerera,
| בראש-מרמים עלי-דרך בית נתיבות נצבה |
3 ku mabbali g’enzigi eziyingira mu kibuga, ku miryango, gakoowoolera waggulu nga gagamba nti,
| ליד-שערים לפי-קרת מבוא פתחים תרנה |
4 Mmwe abantu, mmwe b’empita; nnyimusa eddoboozi lyange eri buli omu ali ku nsi.
| אליכם אישים אקרא וקולי אל-בני אדם |
5 Mmwe abatategeera mufune okutegeera; nammwe abasirusiru mufune amagezi.
| הבינו פתאים ערמה וכסילים הבינו לב |
6 Muwulirize kubanga nnina ebintu ebikulu eby’okubagamba, era mu kamwa kange muvaamu ebituufu.
| שמעו כי-נגידים אדבר ומפתח שפתי מישרים |
7 Akamwa kange koogera bituufu byereere; kubanga emimwa gyange gikyawa ebitali bya butuukirivu.
| כי-אמת יהגה חכי ותועבת שפתי רשע |
8 Ebigambo by’emimwa gyange byonna bya bwenkanya tewali na kimu kikyamu oba kya bukuusa.
| בצדק כל-אמרי-פי אין בהם נפתל ועקש |
9 Ebigambo byange byonna bitegeerekeka eri oyo ategeera, era tebirina kabi eri oyo alina amagezi.
| כלם נכחים למבין וישרים למצאי דעת |
10 Mu kifo kya ffeeza, londawo okuyigiriza kwange, era n’okumanya mu kifo kya zaabu ennongoose obulungi,
| קחו-מוסרי ואל-כסף ודעת מחרוץ נבחר |
11 kubanga amagezi gasinga amayinja ag’omuwendo omungi, era n’ebyo byonna bye weegomba tebiyinza kugeraageranyizibwa nago.
| כי-טובה חכמה מפנינים וכל-חפצים לא ישוו-בה |
12 Nze Magezi, mbeera wamu n’okuteesa okulungi, era mu nze mulimu okumanya n’okwawula ekirungi n’ekibi.
| אני-חכמה שכנתי ערמה ודעת מזמות אמצא |
13 Okutya Mukama kwe kukyawa ekibi; nkyawa amalala n’okwemanya, n’obuteeyisa bulungi n’enjogera ey’obubambaavu.
| יראת יהוה שנאת-רע גאה וגאון ודרך רע ופי תהפכות שנאתי |
14 Okuteesa okulungi n’okusalawo okw’amagezi bye byange; ntegeera era ndi wa buyinza.
| לי-עצה ותושיה אני בינה לי גבורה |
15 Ku bwange, Magezi, bakabaka bafuga, abafuzi ne bakola amateeka ag’obwenkanya.
| בי מלכים ימלכו ורזנים יחקקו צדק |
16 Abalangira bafuga ku bwange, n’abakungu bonna abafuga ku nsi.
| בי שרים ישרו ונדיבים כל-שפטי צדק |
17 Njagala abo abanjagala, n’abo abanyiikira okunnoonya bandaba.
| אני אהביה (אהבי) אהב ומשחרי ימצאנני |
18 Obugagga n’ekitiibwa biri mu nze, obugagga obutakoma n’okukulaakulana.
| עשר-וכבוד אתי הון עתק וצדקה |
19 Ekibala kyange kisinga zaabu ennongoose, n’ebinvaamu bisinga ffeeza ey’omuwendo omungi.
| טוב פריי מחרוץ ומפז ותבואתי מכסף נבחר |
20 Ntambulira mu kkubo ery’obutuukirivu, mu kkubo ery’obwenkanya,
| בארח-צדקה אהלך בתוך נתיבות משפט |
21 n’abo abanjagala mbagaggawaza era nzijuza amawanika gaabwe.
| להנחיל אהבי יש ואצרתיהם אמלא |
22 Mukama nze gwe yasooka okwoleka nga tannabaako kirala ky’akola.
| יהוה--קנני ראשית דרכו קדם מפעליו מאז |
23 Nateekebwawo dda nnyo, ku lubereberye ng’ensi tennabaawo.
| מעולם נסכתי מראש-- מקדמי-ארץ |
24 Nateekebwawo ng’obuziba bw’ennyanja tebunnateekebwawo, nga n’emigga egireeta amazzi teginnabaawo,
| באין-תהמות חוללתי באין מעינות נכבדי-מים |
25 ng’ensozi tezinnateekebwa mu bifo byazo, nga n’obusozi tebunnabaawo;
| בטרם הרים הטבעו לפני גבעות חוללתי |
26 nga tannakola nsi newaakubadde amalundiro gaakwo, wadde enfuufu eyasooka ey’oku nsi.
| עד-לא עשה ארץ וחוצות וראש עפרות תבל |
27 Naliwo ng’ateekawo eggulu mu kifo kyalyo, ne bwe yakola enkulungo kungulu ku buziba,
| בהכינו שמים שם אני בחקו חוג על-פני תהום |
28 ate ne bwe yawanika ebire n’abinywereza waggulu mu bbanga, n’anywereza ddala ensulo z’amazzi,
| באמצו שחקים ממעל בעזוז עינות תהום |
29 bwe yawa ennyanja ensalo zaazo we zikoma, amazzi galeme kusukka we yagalagira, ne bwe yali ng’alamba emisingi gy’ensi.
| בשומו לים חקו ומים לא יעברו-פיו בחוקו מוסדי ארץ |
30 Nnali naye ng’omukozi omukugu, nga nzijudde essanyu lye erya buli lunaku, nga nsanyukira mu maaso ge bulijjo,
| ואהיה אצלו אמון ואהיה שעשועים יום יום משחקת לפניו בכל-עת |
31 nga nsanyukira mu nsi ye yonna, era nga ne nesiima olw’abaana b’abantu.
| משחקת בתבל ארצו ושעשעי את-בני אדם |
32 Kale nno, batabani bange mumpulirize; balina omukisa abo abakwata amakubo gange!
| ועתה בנים שמעו-לי ואשרי דרכי ישמרו |
33 Muwulirizenga okuyigirizibwa, mubenga n’amagezi, so temugalekanga.
| שמעו מוסר וחכמו ואל-תפרעו |
34 Alina omukisa omuntu ampuliriza, alindirira nga bw’akuuma ku nzigi zange buli lunaku.
| אשרי אדם שמע-לי לשקד על-דלתתי יום יום--לשמר מזוזת פתחי |
35 Kubanga buli andaba afuna obulamu, era afuna okuganja eri Mukama.
| כי מצאי מצאי (מצא) חיים ויפק רצון מיהוה |
36 Oyo atannoonya yeerumya yekka, era n’abo bonna abankyawa banoonya kufa.
| וחטאי חמס נפשו כל-משנאי אהבו מות |
