Engero 4
1 Muwulirize baana bange okuyigiriza kwange ng’okwa kitammwe, era musseeyo omwoyo mufune okutegeera.
| שמעו בנים מוסר אב והקשיבו לדעת בינה׃ |
2 Kubanga mbawa okuyigiriza okulungi; temulekanga biragiro byange.
| כי לקח טוב נתתי לכם תורתי אל תעזבו׃ |
3 Bwe nnali omuvubuka nga ndi ne kitange, omwana omu yekka omwagalwa, owa mmange,
| כי בן הייתי לאבי רך ויחיד לפני אמי׃ |
4 yanjigiriza n’aŋŋamba nti, “Ebigambo byange bikuumenga ku mutima gwo, kuuma ebiragiro byange obeere mulamu.
| וירני ויאמר לי יתמך דברי לבך שמר מצותי וחיה׃ |
5 Funa amagezi; funa okutegeera, teweerabiranga era tovanga ku bigambo bya mu kamwa kange.
| קנה חכמה קנה בינה אל תשכח ואל תט מאמרי פי׃ |
6 Togalekanga, nago ganaakukuumanga, gaagale nago ganaakulabiriranga.
| אל תעזבה ותשמרך אהבה ותצרך׃ |
7 Ddala amagezi kye kintu ekisingira ddala obukulu; noolwekyo fuba ofune amagezi, era fubira ddala nnyo ofune okutegeera.
| ראשית חכמה קנה חכמה ובכל קנינך קנה בינה׃ |
8 Amagezi gagulumize, nago gajja kukuyimusa, gaanirize, nago gajja kukuweesa ekitiibwa.
| סלסלה ותרוממך תכבדך כי תחבקנה׃ |
9 Amagezi gajja kukutikkira engule ey’ekisa, era gakuwe n’engule ey’ekitiibwa.”
| תתן לראשך לוית חן עטרת תפארת תמגנך׃ |
10 Wuliriza ggwe, mutabani, era okkirize ebigambo byange olyoke owangaalire ku nsi n’essanyu eringi.
| שמע בני וקח אמרי וירבו לך שנות חיים׃ |
11 Nkuluŋŋamya mu kkubo ery’amagezi, ne nkukulembera mu makubo ag’obutuukirivu.
| בדרך חכמה הרתיך הדרכתיך במעגלי ישר׃ |
12 Bw’onootambulanga, ekigere kyo kireme okuziyizibwa; era bw’onoddukanga, tojjanga kwesittala.
| בלכתך לא יצר צעדך ואם תרוץ לא תכשל׃ |
13 Nywerezanga ddala okuyigirizibwa, tokutanga: kukuumenga kubanga bwe bulamu bwo.
| החזק במוסר אל תרף נצרה כי היא חייך׃ |
14 Toyingiranga mu kkubo ly’abakozi b’ebibi, wadde okutambulira mu kkubo ly’abantu aboonoonyi.
| בארח רשעים אל תבא ואל תאשר בדרך רעים׃ |
15 Lyewalenga, tolitambulirangamu, liveeko okwate ekkubo lyo.
| פרעהו אל תעבר בו שטה מעליו ועבור׃ |
16 Kubanga abakozi b’ebibi tebayinza kwebaka okuggyako nga bakoze ebibi, era otulo tubabulira ddala bwe baba tebalina gwe bakozeeko bulabe.
| כי לא ישנו אם לא ירעו ונגזלה שנתם אם לא יכשולו׃ |
17 Okukola ebibi y’emmere yaabwe, n’okukozesa eryanyi kye kyokunywa kyabwe.
| כי לחמו לחם רשע ויין חמסים ישתו׃ |
18 Ekkubo ly’abatuukirivu liri ng’enjuba eyakavaayo, eyeeyongera okwaka okutuusa obudde lwe butangaalira ddala.
| וארח צדיקים כאור נגה הולך ואור עד נכון היום׃ |
19 Naye ekkubo ly’ababi liri ng’ekizikiza ekikutte, tebamanyi kibaleetera kwesittala.
| דרך רשעים כאפלה לא ידעו במה יכשלו׃ |
20 Mutabani wange wuliriza n’obwegendereza ebigambo byange; osseeyo omwoyo eri bye nkutegeeza;
| בני לדברי הקשיבה לאמרי הט אזנך׃ |
21 ebigambo bino tebikuvangako, bikuumire ddala mu mutima gwo,
| אל יליזו מעיניך שמרם בתוך לבבך׃ |
22 kubanga bya bulamu eri abo ababifuna, era biwonya omubiri gwabwe gwonna.
| כי חיים הם למצאיהם ולכל בשרו מרפא׃ |
23 Ekisinga byonna kuuma omutima gwo, kubanga y’ensulo y’obulamu bwo.
| מכל משמר נצר לבך כי ממנו תוצאות חיים׃ |
24 Weewalire ddala eby’obubambavu era n’okwogera ebya swakaba.
| הסר ממך עקשות פה ולזות שפתים הרחק ממך׃ |
25 Amaaso go gatunulenga butereevu, era otunulenga n’obumalirivu eyo gy’olaga.
| עיניך לנכח יביטו ועפעפיך יישרו נגדך׃ |
26 Ttereeza bulungi amakubo go; okwate amakubo ageesigika gokka.
| פלס מעגל רגלך וכל דרכיך יכנו׃ |
27 Tokyamanga ku mukono ogwa ddyo oba ogwa kkono; ebigere byo byewalenga ekkubo ekyamu.
| אל תט ימין ושמאול הסר רגלך מרע׃ |
