Engero 28
1 Abakozi b’ebibi badduka nga tewali abagoba, naye abatuukirivu babeera n’obuvumu ng’empologoma.
| נסו ואין רדף רשע וצדיקים ככפיר יבטח׃ |
2 Eggwanga bwe lijeema, liba n’abafuzi bangi, naye olw’omuntu alina okutegeera n’okumanya obutebenkevu budda nate mu nsi.
| בפשע ארץ רבים שריה ובאדם מבין ידע כן יאריך׃ |
3 Omufuzi anyigiriza abaavu, afaanana nga enkuba etonnya ezikiriza n’eterekaawo birime.
| גבר רש ועשק דלים מטר סחף ואין לחם׃ |
4 Abo abava ku mateeka ga Mukama batendereza aboonoonyi, naye abo abagakuuma babawakanya.
| עזבי תורה יהללו רשע ושמרי תורה יתגרו בם׃ |
5 Abantu abakozi b’ebibi tebategeera bwenkanya, naye abo abanoonya Mukama babutegeerera ddala bulungi.
| אנשי רע לא יבינו משפט ומבקשי יהוה יבינו כל׃ |
6 Omuntu omwavu atambulira mu butuukirivu, asinga omugagga ow’amakubo amakyamu.
| טוב רש הולך בתמו מעקש דרכים והוא עשיר׃ |
7 Oyo akuuma amateeka ga Mukama mwana eyeegendereza, naye mukwano gw’ab’omululu akwasa kitaawe ensonyi.
| נוצר תורה בן מבין ורעה זוללים יכלים אביו׃ |
8 Ayongera ku bugagga bwe mu bukumpanya, abukuŋŋaanyiza omulala anaayinza okuba ow’ekisa eri abaavu.
| מרבה הונו בנשך ובתרבית לחונן דלים יקבצנו׃ |
9 Atassaayo mwoyo kuwulira mateeka ga Mukama, n’okusaba kwe tekukkirizibwa.
| מסיר אזנו משמע תורה גם תפלתו תועבה׃ |
10 Buli akyamya abatuukirivu mu kkubo ebbi, aligwa mu katego ke ye, naye abatuukirivu balisikira ebirungi.
| משגה ישרים בדרך רע בשחותו הוא יפול ותמימים ינחלו טוב׃ |
11 Omugagga alowooza nti mugezi, naye omwavu alina okutegeera, amunyooma.
| חכם בעיניו איש עשיר ודל מבין יחקרנו׃ |
12 Abatuukirivu bwe bawangula wabaawo okujaguza okw’amaanyi, naye abakakanyalira mu kukola ebikyamu bwe bafuna obuyinza abantu beekweka.
| בעלץ צדיקים רבה תפארת ובקום רשעים יחפש אדם׃ |
13 Oyo akweka ebibi bye, talifuna mukisa kukulaakulana, naye buli abyatula n’abireka, alisaasirwa.
| מכסה פשעיו לא יצליח ומודה ועזב ירחם׃ |
14 Alina omukisa omuntu atya Mukama ebbanga lyonna, naye oyo akakanyaza omutima gwe abonaabona.
| אשרי אדם מפחד תמיד ומקשה לבו יפול ברעה׃ |
15 Ng’empologoma ewuluguma oba eddubu eritiisatiisa, bw’abeera omufuzi omubi atulugunya abateesobola.
| ארי נהם ודב שוקק משל רשע על עם דל׃ |
16 Omufuzi nantagambwako tafuga na bwenkanya, naye oyo akyawa amagoba agafuniddwa mu bukyamu alibeera n’essanyu ery’obulamu obuwangaazi.
| נגיד חסר תבונות ורב מעשקות שנאי בצע יאריך ימים׃ |
17 Omuntu alumirizibwa olw’okutta munne, alibeera mu kutegana okutuusa okufa, tewabanga n’omu amuyamba.
| אדם עשק בדם נפש עד בור ינוס אל יתמכו בו׃ |
18 Omuntu atambulira mu bugolokofu alinunulibwa talibeerako kabi, naye oyo ow’amakubo amabi aligwa mbagirawo.
| הולך תמים יושע ונעקש דרכים יפול באחת׃ |
19 Omuntu alima ennimiro ye aliba n’emmere nnyingi, naye oyo ali mu birowoozo ebitaliimu alifa bwavu.
| עבד אדמתו ישבע לחם ומרדף רקים ישבע ריש׃ |
20 Omusajja omwesigwa aliweebwa emikisa mingi, naye oyo ayanguyiriza okugaggawala talirema kubonerezebwa.
| איש אמונות רב ברכות ואץ להעשיר לא ינקה׃ |
21 Okuttira abantu ku liiso ng’osala emisango si kirungi, naye ate olw’okunoonya akookulya omuntu ayinza okuzza omusango.
| הכר פנים לא טוב ועל פת לחם יפשע גבר׃ |
22 Omusajja omukodo yeegomba okugaggawala, naye nga tamanyi nti obwavu bumulindiridde.
| נבהל להון איש רע עין ולא ידע כי חסר יבאנו׃ |
23 Oyo anenya omuntu, oluvannyuma aliganja, okusinga oyo awaaniriza n’olulimi.
| מוכיח אדם אחרי חן ימצא ממחליק לשון׃ |
24 Buli anyaga kitaawe, oba nnyina, n’agamba nti, “Si nsonga,” afaanana n’oyo azikiriza.
| גוזל אביו ואמו ואמר אין פשע חבר הוא לאיש משחית׃ |
25 Omuntu ow’omululu aleeta oluyombo, naye oyo eyeesiga Mukama aligaggawazibwa.
| רחב נפש יגרה מדון ובוטח על יהוה ידשן׃ |
26 Eyeesiga omutima gwe, musirusiru, naye oyo atambulira mu magezi alifuna emirembe.
| בוטח בלבו הוא כסיל והולך בחכמה הוא ימלט׃ |
27 Agabira abaavu talibaako ne kye yeetaaga, naye abakodowalira anaabanga n’ebikolimo bingi.
| נותן לרש אין מחסור ומעלים עיניו רב מארות׃ |
28 Abakozi b’ebibi bwe babeera mu buyinza, abantu beekweka, naye abakozi b’ebibi bwe bazikirira, abatuukirivu bakulaakulana.
| בקום רשעים יסתר אדם ובאבדם ירבו צדיקים׃ |
