Engero 21
1 Omutima gwa kabaka guli ng’amazzi agakulukutira mu mukono gwa Mukama, era agukyusiza gy’ayagala yonna.
| פלגי מים לב מלך ביד יהוה על כל אשר יחפץ יטנו׃ |
2 Buli kkubo lya muntu liba ng’ettuufu mu maaso ge, naye Mukama apima omutima.
| כל דרך איש ישר בעיניו ותכן לבות יהוה׃ |
3 Okukola ebituufu n’eby’amazima kisanyusa Mukama okusinga ssaddaaka.
| עשה צדקה ומשפט נבחר ליהוה מזבח׃ |
4 Amaaso ageegulumiza, n’omutima ogw’amalala, ye ttabaaza y’ababi, era ebyo kwonoona.
| רום עינים ורחב לב נר רשעים חטאת׃ |
5 Enteekateeka z’omunyiikivu zivaamu magoba meereere, naye okwanguyiriza okutalina nteekateeka kuvaamu bwavu.
| מחשבות חרוץ אך למותר וכל אץ אך למחסור׃ |
6 Okufuna obugagga n’olulimi olulimba, mpewo buwewo etwalibwa eruuyi n’eruuyi era mutego gwa kufa.
| פעל אוצרות בלשון שקר הבל נדף מבקשי מות׃ |
7 Obukambwe bw’ababi bulibamalawo, kubanga bagaana okukola eby’ensonga.
| שד רשעים יגורם כי מאנו לעשות משפט׃ |
8 Ekkubo ly’abazza emisango liba kyamu, naye ery’abataliiko musango liba golokofu.
| הפכפך דרך איש וזר וזך ישר פעלו׃ |
9 Okusula ku kasolya k’ennyumba, kisinga okubeera mu nnyumba n’omukazi omuyombi.
| טוב לשבת על פנת גג מאשת מדונים ובית חבר׃ |
10 Emmeeme y’omubi yeegomba okukola ebibi; talaga muliraanwa we kisa n’akatono.
| נפש רשע אותה רע לא יחן בעיניו רעהו׃ |
11 Omukudaazi bw’abonerezebwa, atalina magezi agafuna; n’ow’amagezi bw’ayigirizibwa afuna okutegeera.
| בענש לץ יחכם פתי ובהשכיל לחכם יקח דעת׃ |
12 Katonda alaba ebifa mu nnyumba y’omubi, era abakozi b’ebibi abazikkiririza ddala.
| משכיל צדיק לבית רשע מסלף רשעים לרע׃ |
13 Oyo aziba amatu ge eri okulaajana kw’omwavu, naye alikoowoola nga talina amwanukula.
| אטם אזנו מזעקת דל גם הוא יקרא ולא יענה׃ |
14 Ekirabo ekigabire mu kyama kikakkanya obusungu obungi, n’enguzi ebikiddwa mu munagiro eggyawo ekiruyi ekingi.
| מתן בסתר יכפה אף ושחד בחק חמה עזה׃ |
15 Ensonga bwe zisalibwa mu bwenkanya, lye ssanyu eri abatuukirivu, naye kiba kyekango eri abakozi b’ebibi.
| שמחה לצדיק עשות משפט ומחתה לפעלי און׃ |
16 Omuntu awaba okuva mu kkubo ly’okutegeera, agukira mu bafu.
| אדם תועה מדרך השכל בקהל רפאים ינוח׃ |
17 Aganza eby’amasanyu anaabanga mwavu, n’oyo ayagala omwenge n’amafuta taligaggawala.
| איש מחסור אהב שמחה אהב יין ושמן לא יעשיר׃ |
18 Abakozi b’ebibi batuukibwako emitawaana egyandigudde ku balungi, n’ekyandituuse ku b’amazima kituuka ku batali beesigwa.
| כפר לצדיק רשע ותחת ישרים בוגד׃ |
19 Okubeera mu ddungu, kisinga okubeera n’omukazi omuyombi anyiiganyiiga.
| טוב שבת בארץ מדבר מאשת מדונים וכעס׃ |
20 Mu nnyumba y’omutuukirivu mubaamu eby’obugagga eby’omuwendo, naye omusirusiru ebibye byonna abyonoona.
| אוצר נחמד ושמן בנוה חכם וכסיל אדם יבלענו׃ |
21 Agoberera obutuukirivu n’ekisa, alibeera n’obulamu obukulaakulana n’ekitiibwa.
| רדף צדקה וחסד ימצא חיים צדקה וכבוד׃ |
22 Omuntu ow’amagezi alumba ekibuga eky’abazira nnamige, era n’asesebbula enfo yaabwe gye beesiga.
| עיר גברים עלה חכם וירד עז מבטחה׃ |
23 Afuga akamwa ke n’olulimi lwe, yeewoonya emitawaana.
| שמר פיו ולשונו שמר מצרות נפשו׃ |
24 “Mukudaazi,” lye linnya ly’ab’amalala abeeraga, abeetwalira mu kwemanya okw’ekitalo mwe batambulira.
| זד יהיר לץ שמו עושה בעברת זדון׃ |
25 Okwetaaga kw’omugayaavu lwe luliba olumbe lwe, kubanga emikono gye tegyagala kukola.
| תאות עצל תמיתנו כי מאנו ידיו לעשות׃ |
26 Olunaku lwonna aba yeegomba kweyongezaako, naye omutuukirivu agaba awatali kwebalira.
| כל היום התאוה תאוה וצדיק יתן ולא יחשך׃ |
27 Ssaddaaka y’omubi ya muzizo, na ddala bw’agireeta ng’alina ekigendererwa ekitali kirungi.
| זבח רשעים תועבה אף כי בזמה יביאנו׃ |
28 Omujulizi ow’obulimba alizikirira, naye ekigambo ky’oyo ayogera eby’amazima kiribeerera emirembe gyonna.
| עד כזבים יאבד ואיש שומע לנצח ידבר׃ |
29 Omuntu omubi yeekazaakaza, naye omuntu ow’amazima yeegendereza amakubo ge.
| העז איש רשע בפניו וישר הוא יכין דרכיו׃ |
30 Tewali magezi, newaakubadde okutegeera, wadde ebiteeso ebiyinza okulemesa Mukama.
| אין חכמה ואין תבונה ואין עצה לנגד יהוה׃ |
31 Embalaasi etegekerwa olunaku olw’olutalo, naye obuwanguzi buva eri Mukama.
| סוס מוכן ליום מלחמה וליהוה התשועה׃ |
