Engero 11
1 Minzaani eteri ya mazima ya muzizo eri Mukama, naye ebipimo ebituufu bye bimusanyusa.
| מאזני מרמה תועבת יהוה ואבן שלמה רצונו׃ |
2 Amalala bwe gajja, ng’obuswavu butuuse, naye obwetoowaze buleeta amagezi.
| בא זדון ויבא קלון ואת צנועים חכמה׃ |
3 Obwesimbu bw’abatuukirivu bubaluŋŋamya, naye enkwe z’abatali beesigwa zibazikirizisa.
| תמת ישרים תנחם וסלף בוגדים ושדם׃ |
4 Obugagga tebugasa ku lunaku olw’okusalirwako omusango, naye obutuukirivu buwonya okufa.
| לא יועיל הון ביום עברה וצדקה תציל ממות׃ |
5 Obutuukirivu bw’abalongoofu bubatambuliza mu kkubo eggolokofu naye abakozi b’ebibi bagwa olw’ebikolwa byabwe ebibi.
| צדקת תמים תישר דרכו וברשעתו יפל רשע׃ |
6 Obutuukirivu bw’abagolokofu bubawonya, naye abatali beesigwa bagwa mu mutego olw’okwegomba ebibi.
| צדקת ישרים תצילם ובהות בגדים ילכדו׃ |
7 Omukozi w’ebibi bw’afa, essuubi lye libula, ne byonna bye yasuubira mu maanyi bikoma.
| במות אדם רשע תאבד תקוה ותוחלת אונים אבדה׃ |
8 Omutuukirivu aggyibwa mu mitawaana, naye jjijjira omukozi w’ebibi.
| צדיק מצרה נחלץ ויבא רשע תחתיו׃ |
9 Akamwa k’oyo atatya Katonda, kazikiriza muliraanwa, naye olw’okumanya, abatuukirivu bawona.
| בפה חנף ישחת רעהו ובדעת צדיקים יחלצו׃ |
10 Abatuukirivu bwe bakulaakulana ekibuga kijaguza; abakozi b’ebibi bwe bazikirira wawulirwawo amaloboozi ag’essanyu.
| בטוב צדיקים תעלץ קריה ובאבד רשעים רנה׃ |
11 Omukisa gw’abatuukirivu gukulaakulanya ekibuga: naye olw’akamwa k’abakozi b’ebibi, ekibuga kizikirizibwa.
| בברכת ישרים תרום קרת ובפי רשעים תהרס׃ |
12 Omuntu atalina magezi anyooma muliraanwa we, naye omuntu ategeera akuuma olulimi lwe.
| בז לרעהו חסר לב ואיש תבונות יחריש׃ |
13 Aseetula olugambo atta obwesigwa, naye omuntu omwesigwa akuuma ekyama.
| הולך רכיל מגלה סוד ונאמן רוח מכסה דבר׃ |
14 Awatali kuluŋŋamizibwa eggwanga lidobonkana, naye abawi b’amagezi abangi baleeta obuwanguzi.
| באין תחבלות יפל עם ותשועה ברב יועץ׃ |
15 Eyeeyimirira omuntu gw’atamanyiko alibonaabona, naye oyo akyawa okweyimirira aliba bulungi.
| רע ירוע כי ערב זר ושנא תקעים בוטח׃ |
16 Omukazi ow’ekisa aweebwa ekitiibwa, naye abasajja ab’amawaggali bakoma ku bugagga bwokka.
| אשת חן תתמך כבוד ועריצים יתמכו עשר׃ |
17 Omusajja alina ekisa aganyulwa, naye alina ettima yeereetako akabi.
| גמל נפשו איש חסד ועכר שארו אכזרי׃ |
18 Omukozi w’ebibi afuna empeera ey’obukuusa, naye oyo asiga eby’obutuukirivu akungula empeera eya nnama ddala.
| רשע עשה פעלת שקר וזרע צדקה שכר אמת׃ |
19 Omuntu omutuukirivu ddala alifuna obulamu, naye oyo akola ebitali bya butuukirivu alifa.
| כן צדקה לחיים ומרדף רעה למותו׃ |
20 Mukama akyawa abantu abalina emitima emikyamu, naye ab’amakubo amagolokofu be bamusanyusa.
| תועבת יהוה עקשי לב ורצונו תמימי דרך׃ |
21 Mutegeerere ddala ng’abakozi b’ebibi tebalirema kubonerezebwa, naye bazzukulu b’abatuukirivu tebalibaako musango.
| יד ליד לא ינקה רע וזרע צדיקים נמלט׃ |
22 Ng’empeta ya zaabu mu nnyindo y’embizzi, bw’atyo bw’abeera omukazi omulungi atalaba njawulo wakati w’ekirungi n’ekibi.
| נזם זהב באף חזיר אשה יפה וסרת טעם׃ |
23 Abatuukirivu bye beegomba bivaamu birungi byereere, naye abakozi b’ebibi bye bakola bisunguwaza.
| תאות צדיקים אך טוב תקות רשעים עברה׃ |
24 Omuntu agaba obuteerekereza, yeeyongera bweyongezi kugaggawala; naye akwatirira kye yandigabye, yeeyongera kwavuwala.
| יש מפזר ונוסף עוד וחושך מישר אך למחסור׃ |
25 Omuntu agaba anagaggawalanga, n’oyo ayamba talibulako amuyamba.
| נפש ברכה תדשן ומרוה גם הוא יורא׃ |
26 Abantu bakolimira oyo akweka eŋŋaano mu kiseera eky’obwetaavu, naye oyo agitunda mu kiseera ekyo afuna emikisa.
| מנע בר יקבהו לאום וברכה לראש משביר׃ |
27 Oyo anyiikira okukola obulungi afuna okuganja, naye oyo anoonya ekibi, kimujjira.
| שחר טוב יבקש רצון ודרש רעה תבואנו׃ |
28 Oyo eyeesiga obugagga bwe aligwa, naye abatuukirivu banaakulaakulananga ne baba ng’amalagala amalamu.
| בוטח בעשרו הוא יפל וכעלה צדיקים יפרחו׃ |
29 Omuntu aleeta emitawaana mu maka g’ewaabwe, alisikira mpewo; era n’omusirusiru aliba muddu w’oyo alina omutima ogw’amagezi.
| עוכר ביתו ינחל רוח ועבד אויל לחכם לב׃ |
30 Ekibala ky’omutuukirivu muti gwa bulamu, era n’oyo asikiriza emyoyo gy’abantu ne balokoka wa magezi.
| פרי צדיק עץ חיים ולקח נפשות חכם׃ |
31 Obanga omutuukirivu alifuna ekimusaanidde ku nsi kuno, oyo atatya Katonda n’omwonoonyi balirema obutafuna ekibasaanidde?
| הן צדיק בארץ ישלם אף כי רשע וחוטא׃ |
