Okukungubaga 5
1 Jjukira Ayi Mukama ekitutuuseeko. Tunula olabe ennaku yaffe.
| זכר יהוה מה היה לנו הביט וראה את חרפתנו׃ |
2 Omugabo gwaffe guweereddwa bannamawanga, n’amaka gaffe gatwaliddwa abatali ba mu nnyumba.
| נחלתנו נהפכה לזרים בתינו לנכרים׃ |
3 Tufuuse bamulekwa abatalina bakitaabwe, ne bannyaffe bafuuse bannamwandu.
| יתומים היינו אין אב אמתינו כאלמנות׃ |
4 Tusasulira amazzi ge tunywa; n’enku tuteekwa okuzigula.
| מימינו בכסף שתינו עצינו במחיר יבאו׃ |
5 Abatucocca batugobaganya; tukooye ate nga tetulina wa kuwummulira.
| על צוארנו נרדפנו יגענו לא הונח לנו׃ |
6 Twakola endagaano ne Misiri n’Abasuuli okutufuniranga ku mmere.
| מצרים נתנו יד אשור לשבע לחם׃ |
7 Bajjajjaffe baayonoona, ne bafa, naye tubonerezebwa olw’ebikolwa byabwe ebitaali bya butuukirivu.
| אבתינו חטאו אינם אנחנו עונתיהם סבלנו׃ |
8 Abaddu be batufuga, tewali n’omu ayinza okutulokola mu mukono gwabwe.
| עבדים משלו בנו פרק אין מידם׃ |
9 Tuba kumpi n’okuttibwa nga tunoonya emmere, olw’ekitala ekiri mu ddungu.
| בנפשנו נביא לחמנו מפני חרב המדבר׃ |
10 Olususu lwaffe luddugadde ng’enziro olw’enjala ennyingi.
| עורנו כתנור נכמרו מפני זלעפות רעב׃ |
11 Abakyala ba Sayuuni, n’abawala embeerera ab’omu bibuga bya Yuda bakwatiddwa olw’amaanyi.
| נשים בציון ענו בתלת בערי יהודה׃ |
12 Abalangira bawanikibbwa baleebeetera ku mikono gyabwe n’abakadde tewali abassaamu kitiibwa.
| שרים בידם נתלו פני זקנים לא נהדרו׃ |
13 Abavubuka bawalirizibwa okusa emmere ku jjinja ne ku lubengo, n’abalenzi batagala nga beetisse entuumu z’enku.
| בחורים טחון נשאו ונערים בעץ כשלו׃ |
14 Abakadde tebakyatuula mu wankaaki w’ekibuga, n’abavubuka tebakyayimba.
| זקנים משער שבתו בחורים מנגינתם׃ |
15 Emitima gyaffe tegikyasanyuka, n’okuzina kwaffe kufuuse kukungubaga.
| שבת משוש לבנו נהפך לאבל מחלנו׃ |
16 Engule egudde okuva ku mitwe gyaffe. Zitusanze kubanga twonoonye!
| נפלה עטרת ראשנו אוי נא לנו כי חטאנו׃ |
17 Emitima gyaffe kyegivudde gizirika, era n’amaaso gaffe kyegavudde gayimbaala.
| על זה היה דוה לבנו על אלה חשכו עינינו׃ |
18 Olw’okuba nga olusozi Sayuuni lulekeddwa nga lwereere, ebibe kyebivudde bitambulirako.
| על הר ציון ששמם שועלים הלכו בו׃ |
19 Ggwe, Ayi Mukama obeerera ennaku zonna; entebe yo ey’obwakabaka ya mirembe na mirembe.
| אתה יהוה לעולם תשב כסאך לדר ודור׃ |
20 Lwaki otwelabiririra ddala okumala ennaku ezo zonna? Tuddiremu, Ayi Mukama, tudde gy’oli.
| למה לנצח תשכחנו תעזבנו לארך ימים׃ |
21 Tukomyewo gy’oli Ayi Mukama, otuzze buggya ng’edda;
| השיבנו יהוה אליך ונשוב חדש ימינו כקדם׃ |
22 wabula ng’otusuulidde ddala, era ng’otusunguwalidde nnyo nnyini obutayagala na kutuddiramu.
| כי אם מאס מאסתנו קצפת עלינו עד מאד׃ |
