Yobu 9
1 Yobu n’alyoka addamu nti,
| ויען איוב ויאמר׃ |
2 “Ddala nkimanyi nga kino kituufu. Naye omuntu asobola atya okuba omutuukirivu eri Katonda?
| אמנם ידעתי כי כן ומה יצדק אנוש עם אל׃ |
3 Wadde ng’omuntu yandyagadde okuwakana naye, tayinza kumuddamu kibuuzo na kimu ku bibuuzo olukumi.
| אם יחפץ לריב עמו לא יעננו אחת מני אלף׃ |
4 Amagezi ge ga nsusso, amaanyi ge mangi nnyo; ani eyali amuwakanyizza n’avaayo nga taliiko binuubule?
| חכם לבב ואמיץ כח מי הקשה אליו וישלם׃ |
5 Asimbula ensozi ne zivaayo nga tezimanyiridde era n’azivuunika ng’asunguwadde.
| המעתיק הרים ולא ידעו אשר הפכם באפו׃ |
6 Ensi aginyeenya n’eva mu kifo kyayo era n’akankanya empagi zaayo.
| המרגיז ארץ ממקומה ועמודיה יתפלצון׃ |
7 Ayogera eri enjuba ne teyaka, akugira n’alemesa ekitangaala ky’emmunyeenye okulabika.
| האמר לחרס ולא יזרח ובעד כוכבים יחתם׃ |
8 Ye yekka abamba eggulu era n’atambulira ku mayengo g’ennyanja.
| נטה שמים לבדו ודורך על במתי ים׃ |
9 Ye mukozi wa Nabaliyo, entungalugoye ne Kakaaga, n’ebibinja eby’emunyeenye eby’obukiikaddyo.
| עשה עש כסיל וכימה וחדרי תמן׃ |
10 Akola ebyewuunyo ebizibu okunnyonnyola, n’akola n’ebyamagero ebitabalika.
| עשה גדלות עד אין חקר ונפלאות עד אין מספר׃ |
11 Bw’ayita we ndi sisobola kumulaba, bw’ampitako, sisobola kumutegeera.
| הן יעבר עלי ולא אראה ויחלף ולא אבין לו׃ |
12 Bw’aba alina ky’aggya ku muntu, ani ayinza okumuziyiza? Ani ayinza okumubuuza nti kiki ky’okola?
| הן יחתף מי ישיבנו מי יאמר אליו מה תעשה׃ |
13 Katonda taziyiza busungu bwe; n’ebibinja bya Lakabu byakankanira wansi w’ebigere bye.
| אלוה לא ישיב אפו תחתו שחחו עזרי רהב׃ |
14 Kaakano nnyinza ntya okuwakana naye? Nnyinza ntya okufuna ebigambo mpakane naye?
| אף כי אנכי אעננו אבחרה דברי עמו׃ |
15 Wadde nga siriiko musango, sisobola kubaako kye muddamu, mba nnyinza kwegayirira bwegayirizi oyo Omulamuzi wange ankwatirwe ekisa.
| אשר אם צדקתי לא אענה למשפטי אתחנן׃ |
16 Ne bwe na ndimukoowodde n’ampitaba, sirowooza nti yandimpadde ekiseera n’ampuliriza.
| אם קראתי ויענני לא אאמין כי יאזין קולי׃ |
17 Yandimenyeemenye mu muyaga nannyongerako ebiwundu awatali nsonga.
| אשר בשערה ישופני והרבה פצעי חנם׃ |
18 Teyandindese kuddamu mukka naye yandimmaliddewo ddala nga mbonaabona.
| לא יתנני השב רוחי כי ישבעני ממררים׃ |
19 Bwe kiba nga kigambo kya maanyi bwanyi, ye wa maanyi. Era bwe kiba kya kusala musango, ani alimuyita?
| אם לכח אמיץ הנה ואם למשפט מי יועידני׃ |
20 Ne bwe sandibaddeko musango, akamwa kange kandigunsalidde. Ne bwe bandinnangiridde nti siriiko kyakunenyezebwa, kandirangiridde nti gunsinze.
| אם אצדק פי ירשיעני תם אני ויעקשני׃ |
21 “Wadde nga sirina kyakunenyezebwa, sikyefaako, obulamu bwange mbunyooma.
| תם אני לא אדע נפשי אמאס חיי׃ |
22 Byonna kye kimu, kyenva ŋŋamba nti, Azikiriza bonna abataliiko musango awamu n’abakozi b’ebibi.
| אחת היא על כן אמרתי תם ורשע הוא מכלה׃ |
23 Kawumpuli bw’aba asse mbagirawo, Mukama asekerera okubonaabona kw’abatalina musango.
| אם שוט ימית פתאם למסת נקים ילעג׃ |
24 Ensi yaweebwayo mu mukono gw’abakozi b’ebibi. Abikka ku maaso g’abagiramula. Bw’aba nga si Mukama, kale ani?
| ארץ נתנה ביד רשע פני שפטיה יכסה אם לא אפוא מי הוא׃ |
25 Kaakano ennaku zange zidduka okusinga omuddusi, zifuumuuka, tezirina kalungi ke ziraba.
| וימי קלו מני רץ ברחו לא ראו טובה׃ |
26 Zifuumuuka ng’amaato ag’ebitoogo agadduka ennyo, ng’empungu eyanguyiriza okugenda eri omuyiggo.
| חלפו עם אניות אבה כנשר יטוש עלי אכל׃ |
27 Bwe ŋŋamba nti, Leka neerabire okusinda kwange, oba nti neerabire obunyiikaavu bwange, nsekemu,
| אם אמרי אשכחה שיחי אעזבה פני ואבליגה׃ |
28 ne neekokkola okubonaabona kwange, mmanyi nga Mukama tombale ng’ataliiko musango.
| יגרתי כל עצבתי ידעתי כי לא תנקני׃ |
29 Omusango gunsinze, lwaki nteganira obwereere?
| אנכי ארשע למה זה הבל איגע׃ |
30 Ne bwe nandinaabye sabbuuni n’engalo zange ne nzitukuza,
| אם התרחצתי במו שלג והזכותי בבר כפי׃ |
31 era wandinsudde mu kinnya, n’engoye zange zennyini ne zinneetamwa.
| אז בשחת תטבלני ותעבוני שלמותי׃ |
32 Kubanga Mukama si muntu nga nze bwe ndi nti muddemu, era nti tusisinkane tuwozaŋŋanye mu mbuga z’amateeka.
| כי לא איש כמני אעננו נבוא יחדו במשפט׃ |
33 Tewali mutabaganya ayinza kututeekako mukono gwe ffembi,
| לא יש בינינו מוכיח ישת ידו על שנינו׃ |
34 eyandizigyeko omuggo gwa Katonda entiisa ye n’erekeraawo okunzijira.
| יסר מעלי שבטו ואמתו אל תבעתני׃ |
35 Olwo nno nandyogedde nga simutya; naye nga bwe kiri kaakano, sisobola.”
| אדברה ולא איראנו כי לא כן אנכי עמדי׃ |
