Yobu 4
1 Awo Erifaazi Omutemani n’ayanukula ng’agamba nti,
| ויען אליפז התימני ויאמר׃ |
2 “Omuntu bw’anaayogera naawe onoonyiiga? Naye ani ayinza okusirika obusirisi?
| הנסה דבר אליך תלאה ועצר במלין מי יוכל׃ |
3 Laba, wayigiriza bangi, emikono eminafu wagizzaamu amaanyi.
| הנה יסרת רבים וידים רפות תחזק׃ |
4 Ebigambo byo byanyweza abaali bagwa, era ng’ozzaamu amaanyi amaviivi agaali gakankana.
| כושל יקימון מליך וברכים כרעות תאמץ׃ |
5 Naye kaakano kikutuuseeko, oweddemu amaanyi; kikutte ku ggwe n’oggwaawo!
| כי עתה תבוא אליך ותלא תגע עדיך ותבהל׃ |
6 Okutya Katonda wo si bwe bwesige bwo, n’obwesimbu bwo si ly’essuubi lyo?
| הלא יראתך כסלתך תקותך ותם דרכיך׃ |
7 “Kaakano lowooza; ani ataliiko musango eyali azikiridde? Oba wa abatuukirivu gye baali bamaliddwawo?
| זכר נא מי הוא נקי אבד ואיפה ישרים נכחדו׃ |
8 Okusinziira ku kyendabye; abo abateekateeka okukola ebibi era ne basiga ebitali bya butuukirivu, bakungula bizibu.
| כאשר ראיתי חרשי און וזרעי עמל יקצרהו׃ |
9 Bazikirizibwa omukka Katonda gw’assa, bamalibwawo obusungu bwe.
| מנשמת אלוה יאבדו ומרוח אפו יכלו׃ |
10 Okuwuluguma kw’empologoma, n’eddoboozi ly’empologoma enkambwe, n’amannyo g’empologoma ento gamenyeka.
| שאגת אריה וקול שחל ושני כפירים נתעו׃ |
11 Empologoma ey’amaanyi ezikirira olw’okubulwa omuyiggo, n’obwana bw’empologoma busaasaana.
| ליש אבד מבלי טרף ובני לביא יתפרדו׃ |
12 “Nategeezebwa ekigambo eky’ekyama, ne nkitegera okutu.
| ואלי דבר יגנב ותקח אזני שמץ מנהו׃ |
13 Wakati mu birowoozo n’okwolesebwa kw’ekiro ng’otulo otungi tukutte omuntu,
| בשעפים מחזינות לילה בנפל תרדמה על אנשים׃ |
14 okutya n’okukankana byankwata ne bireetera amagumba gange okunyegenya.
| פחד קראני ורעדה ורב עצמותי הפחיד׃ |
15 Omwoyo gw’ayita mu maaso gange, obwoya bw’oku mubiri gwange ne buyimirira.
| ורוח על פני יחלף תסמר שערת בשרי׃ |
16 Ne buyimirira butengerera, naye saasobola kwetegereza ndabika yaabwo, n’ekifaananyi kyali mu maaso gange, ne wabaawo akasiriikiriro, ne ndyoka mpulira eddoboozi nga ligamba nti,
| יעמד ולא אכיר מראהו תמונה לנגד עיני דממה וקול אשמע׃ |
17 ‘Omuntu afa ayinza okuba omutuukirivu okusinga Katonda? Omuntu ayinza okuba omulongoofu okusinga Omutonzi we?
| האנוש מאלוה יצדק אם מעשהו יטהר גבר׃ |
18 Obanga abaddu be tabeesiga, nga bamalayika be abalanga ensobi
| הן בעבדיו לא יאמין ובמלאכיו ישים תהלה׃ |
19 kale kiriba kitya, abo abasula mu z’ebbumba ezirina emisingi egiri mu nfuufu, ababetentebwa n’okusinga ekiwojjolo?
| אף שכני בתי חמר אשר בעפר יסודם ידכאום לפני עש׃ |
20 Bamalibwawo wakati w’amakya n’akawungeezi, bazikirira emirembe n’emirembe awatali abafaako.
| מבקר לערב יכתו מבלי משים לנצח יאבדו׃ |
21 Omuguwa gwa weema yaabwe gusimbulwa munda, ne bafa ng’abasirusiru.’”
| הלא נסע יתרם בם ימותו ולא בחכמה׃ |
