Olubereberye 5
1 Luno lwe lulyo lwa Adamu. Katonda bwe yatonda omuntu, yamukola mu kifaananyi kya Katonda.
This is the book of the generations of Adam. In the day that God created man, He made him in His own likeness.
2 Yabatonda omusajja n’omukazi, n’abawa omukisa n’abatuuma, “abantu.”
Male and female He created them, and He blessed them. And in the day they were created, He called them “man.”
3 Adamu bwe yaweza emyaka kikumi mu asatu, n’azaala omwana owoobulenzi amufaanana, mu kifaananyi kye, n’amutuuma Seezi.
When Adam was 130 years old, he had a son in his own likeness, after his own image; and he named him Seth.
4 Seezi bwe yamala okuzaalibwa, Adamu n’amala emyaka lunaana, n’azaaliramu abaana aboobulenzi n’aboobuwala.
And after he had become the father of Seth, Adam lived 800 years and had other sons and daughters.
5 Emyaka gyonna Adamu gye yamala gyali lwenda mu asatu, n’afa.
So Adam lived a total of 930 years, and then he died.
6 Seezi bwe yaweza emyaka kikumi mu etaano n’azaala Enosi.
When Seth was 105 years old, he became the father of Enosh.
7 Seezi bwe yamala okuzaala Enosi n’awangaala emyaka emirala lunaana mu musanvu n’azaaliramu abaana aboobulenzi n’aboobuwala.
And after he had become the father of Enosh, Seth lived 807 years and had other sons and daughters.
8 Bwe gityo emyaka gyonna egya Seezi ne giba lwenda mu kkumi n’ebiri n’alyoka afa.
So Seth lived a total of 912 years, and then he died.
9 Enosi bwe yaweza emyaka kyenda n’azaala Kenani.
When Enosh was 90 years old, he became the father of Kenan.
10 Enosi bwe yamala okuzaala Kenani n’awangaala emyaka emirala lunaana mu kkumi n’etaano, omwo n’azaaliramu abaana aboobulenzi n’aboobuwala.
And after he had become the father of Kenan, Enosh lived 815 years and had other sons and daughters.
11 Bwe gityo emyaka gyonna Enosi gye yamala ne giba lwenda mu etaano; n’alyoka afa.
So Enosh lived a total of 905 years, and then he died.
12 Kenani bwe yaweza emyaka nsanvu n’azaala Makalaleri.
When Kenan was 70 years old, he became the father of Mahalalel.
13 Kenani n’awangaala emyaka emirala lunaana mu ana, n’azaaliramu abaana aboobulenzi n’aboobuwala.
And after he had become the father of Mahalalel, Kenan lived 840 years and had other sons and daughters.
14 Emyaka gyonna Kenani gye yamala ne giba lwenda mu kkumi.
So Kenan lived a total of 910 years, and then he died.
15 Makalaleri bwe yaweza emyaka nkaaga mu etaano n’azaala Yaredi.
When Mahalalel was 65 years old, he became the father of Jared.
16 Bwe yamala okuzaala Yaredi n’awangaala emyaka emirala lunaana mu asatu n’azaaliramu abaana abalala aboobulenzi n’aboobuwala.
And after he had become the father of Jared, Mahalalel lived 830 years and had other sons and daughters.
17 Ennaku zonna eza Makalaleri ne ziba emyaka lunaana mu kyenda mu etaano, n’afa.
So Mahalalel lived a total of 895 years, and then he died.
18 Yaredi bwe yaweza emyaka kikumi mu nkaaga mu ebiri n’azaala Enoka.
When Jared was 162 years old, he became the father of Enoch.
19 Yaredi bwe yamala okuzaala Enoka n’awangaala emyaka emirala lunaana, omwo n’azaaliramu abaana abalala aboobulenzi n’aboobuwala.
And after he had become the father of Enoch, Jared lived 800 years and had other sons and daughters.
20 Bwe gityo emyaka gyonna Yaredi gye yamala ne giba lwenda mu nkaaga mu ebiri, n’afa.
So Jared lived a total of 962 years, and then he died.
21 Enoka bwe yaweza emyaka nkaaga mu etaano n’azaala Mesuseera.
When Enoch was 65 years old, he became the father of Methuselah.
22 Enoka n’atambulira wamu ne Katonda, okumala emyaka ebikumi bisatu nga Mesuseera amaze okuzaalibwa, n’azaala abaana abalala aboobulenzi n’aboobuwala.
And after he had become the father of Methuselah, Enoch walked with God 300 years and had other sons and daughters.
23 Bwe gityo emyaka gyonna egya Enoka ne giba ebikumi bisatu mu nkaaga mu etaano.
So Enoch lived a total of 365 years.
24 Enoka yatambula ne Katonda, n’ataddamu kulabika, kubanga Katonda yamutwala.
Enoch walked with God, and then he was no more, because God had taken him away.
25 Mesuseera bwe yali nga yaakamala emyaka kikumi mu kinaana mu musanvu n’azaala Lameka.
When Methuselah was 187 years old, he became the father of Lamech.
26 Bwe yamala okuzaala Lameka n’awangaala emyaka emirala lusanvu mu kinaana mu ebiri, n’azaala abaana abalala aboobulenzi n’aboobuwala.
And after he had become the father of Lamech, Methuselah lived 782 years and had other sons and daughters.
27 Bwe gityo emyaka gyonna Mesuseera gye yamala ne giba lwenda mu nkaaga mu mwenda; n’afa.
So Methuselah lived a total of 969 years, and then he died.
28 Lameka bwe yali nga wa myaka kikumi mu kinaana mu ebiri n’azaala omwana owoobulenzi
When Lamech was 182 years old, he had a son.
29 n’amutuuma Nuuwa, ng’agamba nti, “Okuva mu ttaka Mukama lye yakolimira, ono yalituweezaweeza mu mulimu gwaffe, ne mu kutegana kw’emikono gyaffe.”
And he named him Noah, saying, “May this one comfort us in the labor and toil of our hands caused by the ground that the LORD has cursed.”
30 Lameka n’awangaala emyaka emirala bitaano mu kyenda mu etaano ng’amaze okuzaala Nuuwa, mu gyo n’azaaliramu abaana abalala aboobulenzi n’aboobuwala.
And after he had become the father of Noah, Lamech lived 595 years and had other sons and daughters.
31 Bwe gityo emyaka gyonna Lameka gye yawangaala ne giba lusanvu mu nsanvu mu musanvu.
So Lamech lived a total of 777 years, and then he died.
32 Nuuwa bwe yaweza emyaka ebikumi bitaano n’azaala Seemu, ne Kaamu ne Yafeesi.
After Noah was 500 years old, he became the father of Shem, Ham, and Japheth.
