Banzembo 1

1 Esengo na moto oyo alandaka te toli ya bato mabe, atelemaka te na nzela ya bato ya masumu, mpe avandaka te esika moko na batioli,

Heureux l'homme qui ne suit point le conseil des impies, et ne pratique point la voie des pécheurs, et ne prend point place au cercle des moqueurs;

2 kasi asepelaka na mibeko ya Yawe mpe akanisaka yango butu mpe moyi.

mais qui fait son plaisir de la loi de l'Éternel, et médite sa loi le jour et la nuit!

3 Azali lokola nzete oyo balona pene ya mayi, oyo ebotaka mbuma na eleko na yango, mpe makasa na yango ekawukaka te; misala na ye nyonso etambolaka malamu.

Il est comme un arbre planté près d'une eau courante, qui donne son fruit en sa saison, et dont la feuille ne se flétrit point: tout ce qu'il fait, est suivi de succès.

4 Kasi ezali bongo te mpo na bato mabe! Bazali lokola matiti ya kokawuka oyo mopepe epanzaka.

Tels ne sont point les impies, mais ils sont comme la balle dissipée par le vent:

5 Yango wana bato mabe bakolonga te kotelema na kosambisama, mpe bato ya masumu bakowumelaka te kati na lisanga ya bato ya sembo.

aussi ne tiennent-ils pas devant le jugement, non plus que les pécheurs dans l'assemblée des justes;

6 Solo, Yawe ayebi nzela ya bato ya sembo, kasi nzela ya bato mabe ememaka na libebi.

car l'Éternel a l'œil sur la voie des justes, mais la voie des impies mène à la ruine.